الى من اساء ويسيئ لشعائر ومجالس الحسين عليه السلام

خط احمر مجالسنه وشعائرنه
حافظنه عليـــها بدم مناحرنه
.............

لا واحـــد يجينا ويبقه يتفلسف
احنا اهل المجالس نعلم ونعرف
ما عــدنا اساءة لأي بشر منصف
ولكن ردنا عاليجرح مشـاعــرنه
..............

احنا منظّمين بكل مجالسنه
ما نحتاج نصحك يالتعاكسنه
ندري بغايتك تقليل واهسنه
لكن تخسه ما تگدر تأخّرنه
.............

محميّة المجالس بيها قدسيه
امـلاك السمـه تعقّمـها يوميه
بيها الناعي ينعه وبيها لطميه
شفاء لكل مرض خدمة منابرنه
.............

نعرفك يالعميل ونعرف الغايه
مو قصدك وباء وعذرك بهايه
بالك لا تمسّ المنبر احچايه
عدنا الرد قوي وتشهد سواترنه
..............

اكرمنا بسكوتك لا تمس حدنه
تنظيم الشعــــائر شي يرد النه
عدنه المرجعية وهيه ترشدنه
ناخــذ منـها مو منّـك اوامرنه
...............

مثل اهل الشعائر ماكو ملتزمين
انصـح غيرنه كونك تحب الدين
احنا حسين عدنا ومانعوف حسين
وتشهد عدنه(( يحسين بضمايرنه ))
...............

موتوا بغيضكم يامن تكرهونه
عن حسين نقسم ما تبعدونه
نحييها الشعــــائر ما تمنعونه
بسم حسين بس تهتف حناجرنه

#سيد_زيد_الفحام
محرم 1442هـ
@zaidzai
___________________________