قصيده لاستقبال محرم الحرام 2020
يالمهدي بدعائك. وفّقنه لعزائك
نستقبل محرم نستقبل محرم
.....
يالمهدي عاشورك اجه يالمانسيت جروحه
دمعاتك التنزف دمه طول الزمن مسفوحه
والمنجرح يهوه اللذي يشارك نحيبه ونوحه
والليله احنا بخدمتك. كل محب تنحب روحه
بالمدمع نواسيك. يالمهدي ونعزّيك
كل دنيتنه مأتم نستقبل محرم
.....
يالمهدي جيناك بطلب حاشه اليجيك ترجعه
عنّ العراق وشيعتك هــذا الوبــاء ترفعه
حتى ابمحرم من يجي. نخدم حبيب البضعه
اشتاگينه ليّام اللطم يبن الحسن والدمعه
هيّئنه المجالس تخدمها العوابس
كل غايتنه نخدم. نستقبل محرم
.....
اقبل محرم سيدي. يالمهدي شهر الخدمه
شهر الغريب المنذبح. عطشان سفكو دمه
نعمه المجالس سيدي بيها الخَدَم ملتمّه
ونخاف من هذا المرض يمنعنه من هالنعمه
بجاهك ياولينه. الله يحن علينه
منّ المرض نسلم. نستقبل محرم
.....
زحمه المجالس سيدي لمن تظل مسدوده
ويـن ابمحـــرّم نتّجه. والخدمه ما موجوده
نقسم عليك بفاطمه وكسر الضلع وشهوده
تعيد المجالس واللطم وبيها الخَدَم محشوده
يالمهدي واملنه. تتقبل عملنه
بالهيّئات نلتم. نستقبل محرم
........
لحسين وايام العَزَه ما تنطفي جمرتنه
نرثي الحسين وعترته يالمنتظر غايتنه
للخدمه شدّينه الحِزِم ونتنطّر بلهفتنه
يالمهدي حِلّ المعضله خل تستمر خدمتنه
خدمتنه وعزانه. بچفوفك امانه
غالي وبينه تعلم. نستقبل محرم
سيد زيد الفحام
______________________________
يالمهدي بدعائك. وفّقنه لعزائك
نستقبل محرم نستقبل محرم
.....
يالمهدي عاشورك اجه يالمانسيت جروحه
دمعاتك التنزف دمه طول الزمن مسفوحه
والمنجرح يهوه اللذي يشارك نحيبه ونوحه
والليله احنا بخدمتك. كل محب تنحب روحه
بالمدمع نواسيك. يالمهدي ونعزّيك
كل دنيتنه مأتم نستقبل محرم
.....
يالمهدي جيناك بطلب حاشه اليجيك ترجعه
عنّ العراق وشيعتك هــذا الوبــاء ترفعه
حتى ابمحرم من يجي. نخدم حبيب البضعه
اشتاگينه ليّام اللطم يبن الحسن والدمعه
هيّئنه المجالس تخدمها العوابس
كل غايتنه نخدم. نستقبل محرم
.....
اقبل محرم سيدي. يالمهدي شهر الخدمه
شهر الغريب المنذبح. عطشان سفكو دمه
نعمه المجالس سيدي بيها الخَدَم ملتمّه
ونخاف من هذا المرض يمنعنه من هالنعمه
بجاهك ياولينه. الله يحن علينه
منّ المرض نسلم. نستقبل محرم
.....
زحمه المجالس سيدي لمن تظل مسدوده
ويـن ابمحـــرّم نتّجه. والخدمه ما موجوده
نقسم عليك بفاطمه وكسر الضلع وشهوده
تعيد المجالس واللطم وبيها الخَدَم محشوده
يالمهدي واملنه. تتقبل عملنه
بالهيّئات نلتم. نستقبل محرم
........
لحسين وايام العَزَه ما تنطفي جمرتنه
نرثي الحسين وعترته يالمنتظر غايتنه
للخدمه شدّينه الحِزِم ونتنطّر بلهفتنه
يالمهدي حِلّ المعضله خل تستمر خدمتنه
خدمتنه وعزانه. بچفوفك امانه
غالي وبينه تعلم. نستقبل محرم
سيد زيد الفحام
______________________________