Milliy Kelishuv
Bugun tarix sahnasida yozilur yangi daftarning,
Qadri baland so‘z bilan — kelishuv degan so‘z bor.
Bir yoqadan bosh chiqar, el-yurt uchun bel bog‘laylik,
Tinchlik uchun, yurt uchun hamjihatlik shart, azizlar.
Kelajakning yo‘lini bugun chiza boshlaymiz,
O‘tgan kunlar sabog‘idan nur olar yuragimiz.
Mustaqillik – mehnat bilan, fidoyilik, jonkuyarlik,
Endi yagona yo‘ldir, milliy kelishuvning tariximiz.
Qo‘lni qo‘lga berib bugun, birlashaylik, ey xalqim,
Vijdon, oriyat, adolat — bizning kuchimiz, g‘ururim.
O‘tgan kunlar g‘amlaridan ko‘tarilib, silkinaylik,
Bugun tarix so‘zlayotir, u bizning ishonganimiz.
Ona yurtning tuprog‘ida birlik o‘ssin nihollar,
Turfa gullar bir bog‘ ichra boqib tursa go‘zal guldasta.
O‘zbekning qadim ruhi, kelajak sari yo‘ldoshdir,
Vaqt yetdi, do‘stlar, endi tarqoqlikni yengaylik bir safda.
Kelishuv bu faqat so‘zmas, u bu — elning qasamyodi,
Bir yo‘l, bir maqsad bilan uyg‘onaylik tonglar kabi.
Adolatli davlat qursak, qonun bo‘lar suyanchi,
Xalq ishonchi mustahkam, yurt ham saodat manzili.
Tarix ko‘pni ko‘rgan, ko‘p sinovlarni bosib o‘tgan,
Har bir toshda bor hikmat, g‘ururimizni toblagan.
Bugun bizga qo‘l berib, bir bo‘lish vaqti yetgandir,
Ota yurtning kelajagi birligimizga zanjirdir.
Ey aziz xalq, eshiting bu da'vat ichra bor hikmat,
Kelajakni yarataylik, ertak emas, chin haqiqat.
O‘g‘il-qizlar ko‘zi bilan ertaga tik qadam qo‘yaylik,
Ota meros, ona til, bu millatni yuksak aylaydi,
Milliy kelishuv bugun g‘oyalar nurini sochsin,
Yurtimizda do‘stlik bo‘lib, har bir xonadon qalqsin.
O‘zaro hurmat, mardlik bizni yurt ichra birlashtirsin,
Har bir yurak so‘zlasin: xalqim, el bo‘lib yashash yaxshi!
Ey tarix, sen guvoh bo‘l: qo‘llar tutashdi bugunda,
Ko‘ngil birlasin, maqsad yuksak — orzu yurt ravnaqida.
Qo‘shilgan yuraklar bir, hayqiradi bir so‘z ila,
Milliy kelishuv deya, yurt qo‘llar birlashgan chog‘ida!
Bir bo‘lib biz yarataylik, dushman kirmas yurtga hech,
Adolatli yurt barpo, kelajak sari borsak tek,
Bugun qo‘shilgan qo‘llar ertaga tarix bo‘lajak,
Kelishuv bu millat ruhi, u bizni yuksak ko‘tarajak! Asroriddin Saydazimov.