Strategic Focus: Central Asia - LIVE

🇺🇿🇷🇺“Bu rus tiliga hurmatni keskin kamaytirishi mumkin” — Alisher Qodirov.

Rossiyada qabul qilingan yangi qonun haqida Oliy Majlis Qonunchilik palatasi deputati, “Milliy tiklanish” demokratik partiyasi fraksiyasining rahbari Alisher Qodirov o‘zining Telegram sahifasida post qoldirdi.

“Rossiyalik hamkasblarimiz rus tilini o‘rgatish emas, bilmaganlarni Rossiyadan, bolalarni maktabdan haydash yo‘lini tanladilar. Bu qonun postsovet mamlakatlarida rus tiliga bo‘lgan ehtiyojni ham, hurmatni ham keskin kamaytirishi mumkin”, deya yozgan u.

Strategic Focus: Central Asia - LIVE

🇷🇺Rossiya Senati rus tilini bilmaydigan migrant bolalarni maktabga qabul qilishni taqiqladi.

Bugun, 20-dekabr kuni Rossiya Federatsiyasi Federatsiya Kengashi rus tilini bilmaydigan muhojirlarning farzandlarini maktablarga qabul qilishni taqiqlovchi qonunni ma’qulladi.

Ma’lum qilinishicha, endi migrant bolalarga tilni bilish bo‘yicha test sinovi joriy etiladi. Undan o‘ta olmaganlar esa maktablarga qabul qilinmaydi.

Strategic Focus: Central Asia - LIVE

🇸🇩🇷🇺Sudan Rossiyaning harbiy-dengiz bazasini joylashtirish taklifini rad etdi.

Moskva Qizil dengiz sohilida o‘zining harbiy-dengiz bazasini qurish maqsadida Sudan hukumatiga S-400 zenit-raketa tizimini taklif etgan, ammo Sudan bu taklifni AQSh va G‘arb davlatlarining salbiy munosabatidan qo‘rqqani uchun rad etgan. Bu haqda The Moscow Times Sudan razvedkasi xodimiga tayanib xabar berdi. Nashr ma'lumotlariga ko‘ra, bu ma'lumotni ikki nafar AQSh amaldori ham tasdiqlagan.

Suriyadagi vaziyat, xususan Bashar Asad hukumati ag‘darilishi sababli, Rossiya uchun yangi harbiy-dengiz bazasi qurilishi alohida ahamiyat kasb etmoqda. Kreml' hozirda fuqarolik urushi holatida bo‘lgan Sudan hukumatiga qo‘llov ko‘rsatishiga qaramay, ikki davlat hozircha bu masalada kelishuvga erishgani yo‘q. Shu bilan birga, The Moscow Times ma'lumotlariga ko‘ra, Sudan va Moskva o‘rtasida Rossiya quroli va neft mahsulotlarini sotib olish bo‘yicha kelishuvlar mavjud. Xususan, neft' mahsulotlari yetkazib berish qayta tiklangan: apreldan oktyabrgacha Rossiya Sudanga 2,8 million tonna yoqilg‘i eksport qilgan, bu mamlakatning umumiy importining qariyb yarmiga teng.

Rossiya harbiy-dengiz bazasini Port-Sudanda qurish masalasi 2019 yilda muhokama qilingan va davlatlar o‘rtasida tegishli kelishuv imzolangan. Ammo Sudanda fuqarolik urushi boshlanganidan keyin bu kelishuv ratifikasiya qilinmagan.

Strategic Focus: Central Asia - LIVE

🇨🇳🇰🇬🇺🇿️Xitoy—Qirg‘iziston—O‘zbekiston temir yo‘li qurilishi 27-dekabrdan boshlanadi.

Bu yo‘l Sharq va G‘arbni bog‘lovchi strategik ko‘prik bo‘ladi, dedi Qirg‘iziston prezidenti Sadir Japarov.

Shuningdek, u Qambar-Ota GES-1 to‘g‘oni qurilishi 2025-yilning yozida boshlanishi rejalashtirilganini aytdi.

Suv mamlakatimizni oldinga harakatlantiradigan kuchga aylanadi, dedi u.

Strategic Focus: Central Asia - LIVE

🇷🇺🇺🇦Ukraina endi Rossiya gazini Yevropaga yetkazib bermaydi”, — Zelenskiy.

Ukraina yetakchisi hukumat Rossiyaga “ukrainlar qonidan qo‘shimcha milliardlab daromad olish imkonini bermasligini”, shuning uchun Rossiya gazining tranziti to‘xtatilishini ta'kidladi.

Strategic Focus: Central Asia - LIVE

🇷🇺Rossiyada musulmonlarga 4 tagacha shariy nikohga ruxsat berildi.

“Agar turmush o‘rtog‘i sog‘lig‘i tufayli, reproduktiv yoshining tugashi yoki boshqa obyektiv sabablarga ko‘ra, masalan, jinsiy nomuvofiqligi sababli farzand ko‘rishga qodir bo‘lmasa, bunga yo‘l qo‘yiladi”, dedi Moskva muftiysi Ildar Alyautdinov.

Bunda er barcha xotinlariga adolatli va teng munosabatda bo‘lishi shart.

Strategic Focus: Central Asia - LIVE

🇦🇲🇦🇿 Yerevan delimitasiya jarayoni yakunlanganidan keyin Armaniston-Ozarboyjon chegarasiga uchinchi davlat kuchlarini kiritmaslikka rozi, — Armaniston bosh vaziri Nikol Pashinyan.

Strategic Focus: Central Asia - LIVE

🇺🇿🇷🇺Shavkat Mirziyoyev general Igor Kirillovning o‘limi munosabati bilan Putinga hamdardlik bildirdi.

O‘zbekiston bunday teraktni keskin qoralashi ta’kidlangan.

Muloqot davomida xavfsizlikka tahdid va xatarlarga qarshi kurashni kuchaytirish maqsadida ikki mamlakat maxsus xizmatlari o‘rtasidagi yaqin va samarali hamkorlikni davom ettirish muhimligi qayd etilgan.

Strategic Focus: Central Asia - LIVE

🇺🇿Saida Mirziyoyeva yil yakunida Prezident Administratsiyasida mamlakatning navqiron va bilimdon oʻgʻil-qizlari bilan uchrashdi.

2023/24-oʻquv yilida bu yoshlar – maktablar oʻquvchilari nufuzli olimpiadalarda ajoyib natijalarga erishdi – 128 ta medal, jumladan, 15 ta oltin, 36 ta kumush va 77 ta bronza medallarini qoʻlga kiritishdi.

“Ularning koʻpchiligi asosan kimyo, matematika, fizika va informatika fanlari boʻyicha ustunlik qilib, eʼtirofga sazovor boʻlishdi. Bu Oʻzbekiston tarixidagi rekord koʻrsatkich boʻlib, bundan barchamiz cheksiz faxrlanamiz.

Yosh qahramonlarimizni chin qalbimdan tabriklayman, bildirilgan ishonch va qoʻllab-quvvatlash uchun esa ustozlar hamda ota-onalarga minnatdorlik izhor etaman. Bu muvaffaqiyat gʻalabalarga toʻla katta yoʻlning boshlanishi boʻlsin. Oʻzbekiston kelajagi yoshlar qoʻlida!”, — deb yozadi Prezident yordamchisi.

Strategic Focus: Central Asia - LIVE

🇦🇿Ozarbayjon D-8 a'zosi etib saylandi.

Ozarbayjon bir ovozdan D-8 (Islom sakkizligi) tashkilotiga a'zo etib saylandi. Tegishli qaror bugun Qohirada boʻlib oʻtgan Iqtisodiy hamkorlik tashkiloti D-8 11-sammitida qabul qilindi.

Ma'lumot uchun: D-8 (Islom Sakkizligi) 1997 yilda tashkil etilgan xalqaro tashkilot boʻlib, aʼzo davlatlar oʻrtasidagi hamkorlikni rivojlantirish maqsadida tashkil etilgan. Unga: Bangladesh, Misr, Indoneziya, Eron, Malayziya, Nigeriya, Pokiston va Turkiya kiradi.

Strategic Focus: Central Asia - LIVE

🇺🇦Zelenskiy Ukrainada tinchlikparvar kuchlarni joylashtirish g‘oyasini qo‘llab-quvvatlashini ma'lum qildi.

"Men Emmanuel Makronning ayrim liderlar bilan aloqada bo‘lganini ijobiy baholayman. Hozircha bu borada tafsilotlarni oshkor etmoqchi emasman, chunki jarayon davom etmoqda.

Bu masala borasida ayrim yetakchilardan ijobiy munosabatni ko‘ryapman. Bu oson jarayon emas, bunda qanday xavflar borligini yaxshi bilamiz", — dedi u.

Strategic Focus: Central Asia - LIVE

🇧🇪🇺🇦 Ukraina bu yil Belgiyadan F-16 qiruvchilarini olmaydi, — Belgiya Mudofaa vaziri Ludivin Dedonder.

Qiruvchi samolyotlarni yetkazib berishning kechiktirilishi sabablari sifatida yetarli darajada tayyorlangan ukrainalik uchuvchilarning yo‘qligi va ehtiyot qismlar yetishmasligi keltirilgan.

Strategic Focus: Central Asia - LIVE

🇰🇷Janubiy Koreya prezidenti so‘roqqa kelmagani tufayli qamalishi mumkin.

Yun Sok Yol korrupsiyaga qarshi tergov boshqarmasiga isyon ishi bo‘yicha so'roqqa kelmagan. Boshqarma boshlig‘i O Don Un chaqiruv qog‘ozlari ataylab qabul qilinmaganini aytdi. Hozirda prezidentni hibsga olish uchun order talab qilish ko‘rib chiqilmoqda.

Uning rafiqasiga nisbatan ham tergov boshlanadi. Koreyaning birinchi xonimi Kim Gon Xiga beshdan ortiq ayblov qo‘yilgan.

Strategic Focus: Central Asia - LIVE