Zakovat va Men

Bugungi uchrashuv haqida post bo’lsinmi…

Toshkentdagi muhabbatning boshlanishi.

2022-yil boshlandi. Doimgidek universitetga chala-chulpa borib yurgan kunlarimdan biri edi.
“Tutor” degan shaxs bo’lardi universitetda o’sha paytlari balki hozir ham bordir)
Xullas fakultetlar o’rtasida Amir Temur turnirini o’tkazamiz deyishdi. Men va kursdoshim Dilfuza 214-19 guruhidan qo’shildik. Yana boshqa KIF dagilardan 3 4 kishi topildi va turnirda ishtirok etdik.
O’yin davomida o’sha bolalikdagi hislarni his qildim. Yoshligimdan ayam meni mustaqil qilib tarbiyalaganlari uchun doim borgan joyimda “dominant” bo’lishni xohlayman. Bu esa jamoa sardoriga yoqmagandi sezilib turardi. Shunga qaramasdan mazza qilib o’ynadik. Natija ham yomon emas edi)
Ha to’g’ri topdingiz: 1-o’rinni olgandik. Sovg’aga esa doimgidek diplom va yaqin yaqingacha 1 tasini yo’qotib qo’ygunimgacha ishlatgan i12 airpods berishgan edi. TATU dagi zakovatga bo’lgan e’tiborning yaqqol na’munasida bu🤣

Shundan keyin meni 1-ligaga Tranzistor jamoasiga taklif qilishdi bahorgi mavsumda va talabalar ligasida ularda o’ynadim.
Shu shu zakovatga ilakishib qolganman keyin😁

Keyingi post Zakovat quiz meni qanday ilintirgani haqida bo’ladi)

Bir muhabbat tarixi…

U bilan birinchi uchrashuv:
Kechagidek esimda bari,
Borar edim ildam U sari,
Ilk uchrashuv o’zgacha edi,
Mardon hali 7 yosh edi…

Rostan muhabbat odamni shoir qiladi deganicha bor ekan. Postni shunchaki yozmoqchi edim. Qayerdandir “ilhom pari” kelib qoldi.
Xullas ha o’shanda 7 yokida 8 yosh edim. Yoshligimdan ayam sabab ko’p shunaqa muhitda bo’lar edim.
Xo’sh ilk uchrashuvga keladigan bo’lsak:
Adashmasam 2008-2009-yillar O’zbekiston telekanalida shanba kuni soat 16:00 da Zakovat o’yini olib berishardi. Hech nima bilmasam ham tushunmasam ham lekin ko’rib o’tirardim.
Eng qizig’i qoldirmasdan ko’rardim.
O’sha yillati Jobir Ahmedov jamoasi menga yoqardi va shu jamoaga muxlislik qilardim.
Mana ilk uchrashuvimizga ham 15 yil bo’libdi…

©️Mardonbek Norboyev

Sizning muhabbatingiz nechi yoshga to’ldi?