الشاعر حسين علي الدليمي

زينب ودعت عباس،،،،،، باسته فقط بل راس
گلتله يبعد اختك،،،،،،،،،، سوي بل زلم وهواس


جهب عباس والريشات تجدح من يشوفونه
خلاها الزلم طشار بس بخزرت اعيونه
دخل چن نار نص الزور ما لحگو يطفونه
غير الكافل منيفوت حَبدر بس يسمونه

خلاها الزلم تنحب،،،،،، حاصرهم مثل مرحب
لمن هوستله اخته،،،،،،،، ،، كال لخاطرج زينب


صعد عل خيل والرجلين خطن من ضهر خيله
فگره الراد يتلگاه من حسين يوميله
گلاله الشمر عباس خالك لا تهد حيله
خلينه نتفاوض گوم هد ويانه عل عيله

عوف حسينك ايگله،،،،،،،،،،،، خالك انه مو ذله
گلاله اليعوف حسين،،،،،، هذه بعرظه اذآ خله


وصل للضفه والعدوان رجليها بقت ترجف
حته الما يلوحه بسيف من خوفه يضل ينزف
ابن حَيدر چهب للگوب خله الگوم بس تحلف
والچان بطريف ايزيد وي عباس ضل يغرف

الشارد بل حرب زلمه،،،،،،،،، ويلحگ يشوف امه
بس الما شرد ياناس،،،،،،،،،،،،وذر صار ومنو يلمه


رجع عباس لخته وگال شفتي الصار بل وادم
خليت الزلم صوبين والزلمه اليرد سالم
سويتلهم الما صار والصار وانه خادم
خليت الخيول اليوم خيل بخيل تترادم

حسين يگله يبن امي،،،،،،،،، توك ريحت دمي
زينب تعترف كافل،،،،،،،،،، الها انته بعد عمي


تمت كتابتها في /١٤٤٤ه. /٢٠٢٢/٥/٨م
قلم خادمكم :حسين علي الدليمي

طور هوازي
للعليله عليها السلام

مشت فاطم لبوها حسين،،،، بويه اخذوني اوياكم
وحيده لا تخلوني،،،،،،،،،،،،،،،،،،،،، يكتل حيل فرگاكم

بعد ما بيه عل گومه عليله اولا تخلوني
جرحي ما اضن يبرد اموتن من تعوفوني
جرح افراگكم بل روح ينزف لو تركتوني

شلون الكم گلب يا بوي ،،،، جرحي ماي جواكم؟
يا فاطم يَبت گلبي


بعد ما ترجع ادري بك ليش اتگلي اصبريلي
نص ساعه ويجينه الليل تدري الليل ياذيني
يبوي انه ارد انشدنك يروحي ويا نضر عيني

ما اهتم بعد للنوگ،،،،، حنيني شلون بچاكم؟
يا فاطم يَبت گلبي



حسين يباوع لزينب وهيه تباوع عليها
ما تگدر تگللها بس العين تجريها
يا يريحت عبات امج بيج الريحه تطريها

گلبي خل يظل اهنا،،،، وروحي التمشي بحذاكم
يا فاطم يَبت گلبي


حسين ايگلها يا بنتي طريقي وانه اعرفنه
ما اكدر يَبت گلبي ازيد ابگلبج الونه
خل امشي يَبت روحي گلبي لا تلچمنه

مكانج بل مدينه هناه،،،،، وانه هلال بسماكم
يا فاطم يَبت گلب


يعدد بل ضعن لحسين بس ما جاب طاريها
خطوه تروحله وترجع تگول شلون احجيها
يجهز للضعينه النوگ بس ناگتها يثنيها

انتي ايگلها انتضري،،،،،، اروحن واصبح احماكم
يا فاطم يَبت گلبي

مشه حسين اومشت زينب والكفل مشه وياهم
يحس گلب العليله حسين نار يصير بجفاهم
اومت للضعن فاطم گلبي او الله يحماهم

راح ابقه الوع ابين،،،،،،،،،، حيطان اوسمه وحاكم
يا فاطم يَبت گلبي

قلم خادمكم :حسين علي الدليمي

شفته بل حرب قائد ،،،،،،،،،، مثله وين اكو واحد
كالو رده ما يگدر،،،،،،،،،،،، جسمه منل حرب بايد


رده گالو بعده زغير مو مالت حرب بعده
خل يشبع امنمه الشوف لا عينه ترد رمده
برز والخيل لاگه الخيل والحافر يهد وحده
اول مره اشوف النار تهمد من تجي الورده

القاسم هذه ابن رمله،،،،،،،،،،، الگرب گصله ثقه رجله
شبل ويخوف العدوان،،،،،،،،،،،،،،، محد بل حرب مثله


گالو هذه امه شلون لو ميت اجه اعليها
راح تخدش الخدين وتزيد بنعاويها
بس هوه البخت ينگال محد ما يسويها
القاسم سيفه ما ينشال شاله وهوه راعيها


شايل سيفه متبسم،،،،،،،،، واليشرد فقط يسلم
حاكم يحكم بكيفه،،،،،،،،،،،،، واليخلف اذا يعدم



شافه من بعيد احسين هوه يلولح بسيفه
سواها الزلم طشار رايح ياخذ بحيفه
شبل بل حومه جن عباس نازل يحكم بكيفه
خله بل زلم وهواس والنايم يجي بطيفه


بطيفه يجهبه القاسم،،،،، اعرف هذه ابن هاشم
لا تحجي بعد عنه،،،،،،،، رَعب حته الذي حاكم



برز وحده ويخوف الجيش الله اليستر اسوه
كله تگول هذه منين طالع من ضهر لبوه
ناس تگوله عمه حسين ناس تگول مو هوه
كتلهم شبل هاشم عمه يصيحله تگوه


حسين لقاسم ينادي،،،،،،، ، انته مو شبل عادي
سويت الحرب مُتعه،،،، ذيب وشاهه بل وادي


تمت كتابتها في /١٤٤٤ه
٢٧/٧/٢٠٢٢م

قلم خادمكم /حسين علي الدليمي

شهر الحزن،،،،، هل بحزن،،،،،، بيه مات الحسين
جرح بجرح،،،، مات الصبح،،،،، والدمعه بل عين
والطفال خطيه
تجيهه المنيه

طر الصبح للمعركه متوجهه الزلام
رايات سود معلگه وترفرف اعلام
ظهر ما الهم تره بس كلهه جدام
كل المشة لرض الحرب قاده ويعوام

قاده وتهد،،،،،، لا ما تريد،،،،،،،،،اله عله ارماح
صيت السهم،،،،واصل امم،،،،،من عزبه وراح
منو الگال سبيه
تجيهه المنيه


خيمة حسين بلا زلم ضلت يهل ناس
مات الگبل يسوه زلم قاده ويحراس
بس زينب الظلت وكت ماتلهه عباس
من عده گاع الله نشئة صارلهه مقياس

خظب دمه،،،،،شابع ظمه ،،،،،،، ما شارب الماي
شفت لذبح،،،،يجرح جرح،،،،،،،،من شافه وياي
بلحبال سويه
تجيهه المنيه


صارت مواقف مؤلمه منهه الشعر شاب
كل ساعه واحد ينذبح ويشيله التراب
زينب بقت تبجي وتون جي راحو احباب
كل واحد يعادل الف شاب ويشياب


كلهه مشت،،،،،،وانه صحت،،،،،،،،،، خواني جا وين
بل طف حصل،،،،، الما حصل،،،،،، ولا شافته العين
والتموت عليه
تجيهه المنيه


يا هظمة الفاگد ولف ويشوفه بل عين
هظمة سجين بطلعته يلگه اهله ميتين
هيج انته قيس بهل نضر زينب والحسين
من ردت اهيه منل يسر ما شافت الزين

صاحت علي،،،،،،، بويه السبي،،،،،،، يكسر ظهر حيل
وانه مره،،،،،،،،،،،،،،،، وميسره،،،،،،،،،،،،، وگادوني بليل
يگولون منيه
تجيهه المنيه


تمت بعون الله تعالى
قلم خادمكم :حسين علي الدليمي

رساله ذبح مسلم بن عقيل عليه السلام


حسين يقره بل رساله،،،،،،،،،، وضل دمع عينه يتلاله
من سمع مسلم قُوتل،،،،،،،،،،،،،،،،،،،،، ضلت عيونه تهل
وضل دمع عينه يتلاله

زينب اتباوعله ضلت،،،،،،،،،،،،،،،من قره ذاك الخبر
تگول اشوفنه ايتحسر،،،،،، عينه صارت جن مجر
تگله شنهي الصار گلي،،،،،،،،،،،،وگلها هوه بمختصر
مات مسلم يختي زينب،،،،،،،،،،،،،، لابد انشد للسفر

لابد انروح اعله مسلم،،،،،،،،،،، للسفر خلينه نحزيم
والكتل مسلم نذل،،،،،،،،،،،،،،،،،،،،،ضلت ادموعه تهل
وضل دمع عينه يتلاله
______:_:___

شدو احزام السفرهم،،،،،،،،،،،،،،،،،،،،، والنياگ اتحضرن
وكل بنات حسين جهزن،،،،،،،،، والصبح يسري الضعن
وجانت النيه ابمشيهم،،،،،،،،،،،،،،،،،،،، للكتل مسلم طعن
وهمه يدرون الشهاده،،،،،،،،،،،،،،،،تصبح اهيه بهل وطن


والصبح سارة قوافيل،،،،،،،،،،،،وبل ضهر جان ابو فاضل
والحُسين بكل عجل،،،،،،،،،،،،،،،،،،،،،،،، ضلت ادموعه تهل
وضل دمع عنيه يتلاله
__________


عله الناگه حسين بارعه،،،،،،،،،،،، الي تحمل زينبه
نفس ذيج الناگه تحمل،،،،،،،،،،،،،زينب اعله النايبه
وگال من اسشهد انه،،،،،،،،،،،،،،،،،،،،،راح هيه تعاتبه
وتمشي هيه الشام باجر،،،،،،،،،،،،، يم يزيد تحاسبه

لو متت انه اعوفج،،،،،،،،،،، وبعد ما اوصل اشوفج
ينضرلها بكل خجل،،،،،،،،،،،،،،،،،، ضلت ادموعه تهل
وضل دمع عينه يتلاله

________

وصل يم الكوفه نوخ،،،،،،،،،،،،، كل مسير القافله
وكال وينه الذبح مسلم،،،،،،،،،،،، خله يبرز يا هله
ولن ولا واحد اجاله،،،،،،،،،،،،،،،،،،،، وكله انه القاتله
والزام صارت ثنايه،،،،،،،،،،،، ،،،، من دخل يم كربله


محد يجاوب سؤاله،،،،،،،،،، اولا شخص انطاه دلاله
ولله ابن ذاك الفحل،،،،،،،،،،،،،،،،، ،،،ضلت ادموعه تهل
وضل دمع عينه يتلاله
_____:______

تم كتابتها في /8/7/202 2

قلم خادمهم :حسين علي الدليمي