أڪتب هـَذهِ الرسـالة لـ فتاة احبـبـتها فالله 💔 .
تعرفت علي بنت ؏ تطبيق التيليجرام منذُ سنَتيـن ، بدايـة تعرفـنا : ڪنت ندعـم في قناة صاحبي والمهم نخش علي قنـوات ونقول تبادل نشـر وهكك* خشيت عليها صـدفة قلت تبـادل شـوي قعـدت يومين وما ردتـ ! بعـد يومين ردت وقالت حـاضر وسامحني ؏ التٲخيـر النت فصـل ، المهـم قلتلها عادي ودعمتني ودعمتها وكان عـدد قناة صاحبي اكثر م قناتها المهـم قالتلي نبي مشترڪين وثبت قناتي عندڪم لـ فترة ممڪن؟ قلتلها ححاضر المهـم ثبتت قناتها وجاها دعم ومـ؏ الوقت قناتها قعـدت تفاعلها قوي وفاتت حتي قناتنا لي ڪانت اضعف منـهه؛ وقناتها ماطقتش شهر نيـن قعد التفاعل يزيد وكل شيء المهم بعد مادعمتها وثبتت قناتها من هضـک الوقت معش كلمتها بڪل يعني قـول شهرين وهكك بيش تڪلمنا خشت عليـا قالتلي خيـر وماعرفتهاش الحق قتلها خيـر تفضلي؟ شوي قالت معقولة ماعرفتنيش قلتلها لا الحـق شـوي ذڪرتني ..... :) المهم بعدها دعمتنا ودرنا لـِستة مـ؏ بعضـنا وقعـدن قنواتنا فـ 5k وكانت قناتي نا وصاحبي مؤسسـة للٲقتباسات والعبـر الحزيـنة وهكك * وهي قناتها مؤسسـة للحُب المهم شڪرتني وقال لـو لاڪم راهي قناتي مازالت ضعيفـة وبارك الله فيـک بعدها شكرتها حتي نا علي فـڪرة اللِـيستة لي درناها والحمـد لله ، بعـدها تعرفنا علي بعـض وبعـد 46 يـوم م الدردشـة معاها اصبحت تـُحبني لـڪن مش عارفـة ڪيف تخبرني بيها المهم بعدها بـ ٲسبوعيـن هكك * ڪنت مسافـر #للمصـراتة شـوي نا وخاش للــمحل نا وٲمي متا؏ ملابس نساء ، قابلتي بنت بعـد حقتني قالت اسمي للـبنت لي معاها بـ صوت واطي وقعدت تبحت فيـا ومستغربـة ! المـهم نا مادورتش بعدها للـحوش لقيتها دازتلي رسـالة ( خيـر ڪيف حالـک اليوم نا لي فـ المحل وسامحني بعـد قلت اسمك وقعدت نبحت فيك ومستغربـة قالتلي نا استغربت قلت هضا صديقي ؏ تيلي وڪان خاطري نشوفك وشفتك وبعد شفتك الحق فرحت) المهم قتلها ٳن شـاء الله ديما تشوفيني وتفرحي قالت ٳن شاء الله وڪنت عارفها تحبني لڪن انا نستعبط وانا نحبـها ومبيتش نقولها نا حبيت تقولها هي افضـل المهـم مـ؏ الوقت قعدنا نهدرزو وقعدت تقولي فـ اسـرار ومشاكلها وانا ناخذ ونعطي فيها الراي والحق ڪانت ديما تحب النصاائح لي ديما نعطي فيـهن لها وتقولي مش عارفـة شن ڪنت نبي ندير لـو ٲنت مش قاعـد المهم بعدها طلعت تقرا فـ جامعـة لي نقـرا فيها نا وبعد شفتها فـ الجامعـة قعدت نضحك ومستغرب ڪيف مش شايفها م قبل ! شوي قعدت تضحك وبعد روحت هدرزنا وقالت انا ڪنت نشوف فيك لڪن انت مش مرڪز ومن نوعيـتک ڪئيب وديما راسک فـ وطاا وبـروحک ليـش؟ حڪيتلها ظروفي ومـ؏ الوقت قعدت نهدرز معاها ف جامعـة ومشت امورنا وبعدها قلت لعنـد امتي نقعد هكي ونراجي منها قي كلمـت نحبـك؟ قلت خليني نجرب ونقولها كانت تدوي ف موضوع يضحك ونا خشيت ف نص الموضوع وقلتلها نحبـك :) شـوي طولت وهي تڪتب خليتها تكتب وعديت نصفح ف ٳنستا ونقول هذي توا تبي تهزبني وتقولي هضا وين قلتها؟ شوي جاني اشعار انها دزت رسالة خشيت وشفت الرسالة وفعلا لقيتها ڪاتبـة ( يـ غبي باهي نا والله نحبـك م قبـل غير ڪنت متحشـمة نقولها لـڪ وخفت نقولها لك قلت هضا تو يزلطني والـدوة هذي وقعدت تهزب ودارت قصـة علي سبا طولت في قولت ڪلمت نحبـک ♥:) يعني قلتلها نحبك وبدت علاقتنا بالحب بعـد 8 شهـور 22 يـوم *"
المهم الحقيقـة انا نغار عليها ومنحبش نذڪرلڪم ڪيف كان جمالها وكيف كان لون عيـونها ٳن شاء الله ربي يحفظها "
المهم ومشت الايام ودارت الايـام : فـصدفة بين يوم وليـلة البنت سـڪرت معش فتحـت بڪل ! ومنعرفش صاحباتها ولا شيء نين نخش نسٲل عليها؟ وخاصـة قالتلي علاقـة لي دايرتها معاك حتي رفيقتي ماتعرفها المهم دامت علاقتنا سـنة و 11 شهـر بالضبط وبعدها اختفت البنت ومعش سمعـت عليها شيء ولا عاد نعرف وين هي تـوا وانا حولت م المدينة لي كنت نعيش فيها م فتـرة ومعش عرفت كيف نوصل فيها ولا نعرفها وين حوشها بالضبط نين نطمئن بٲي طريقة عليها '
- انا حڪيت القصـة نبيـڪم توصلوها لـٲعلۍ مشاهـدة بالڪم تشوفها وتعرفني وتلحق مصـدر الرسالـة م وين جت 💔!
- يعلـم الله ياغاليـة و يـ عمري ڪلـه ويـ حياتي مرايف عليـک واجــد والله حتي القرايـة ماعاد نقرا ولا ناكل حتي صلاتي قعدت مقصـر فيها ( رايفت علي هدريزتك معايا ورايفت عليك وعلي صوتك بعد تضحكي ورايفت علي حناطتك وبعد كنتِ تنصحي فيـاا والله رايفت عليـک ياغاليـةة وٳن شاء الله ربي يجمعني بيـک مـرة ثانيـة ياغاليـة ☹️💔 .
#ﻋـماد_الـڪُحلي 🇱🇾 .
