Gronka. Краўдфандынг

Месца, дзе вашыя ідэі ўвасобяцца ў жыццё! 🧡

Сёння пачала працу беларуская краўдфандынгавая платформа Gronka. Тут вы можаце падтрымаць важныя і цікавыя праекты ад беларусаў і беларусак, прапанаваць свае і атрымаць падтрымку без пасрэднікаў і складаных умоваў.

💡 Gronka паўстала з жадання стварыць лакальную платформу, якая разумее і падтрымлівае беларускіх крэатараў. Мы ведаем, як важна мець месца, дзе можна падзяліцца сваёй ідэяй і атрымаць водгук.

🙌 Каманда платформы — ананімныя энтузіясты і тэхнічная каманда Паўла Лібера, аб’яднаныя любоўю да творчасці і інавацый. Нашыя тэхнічныя спецыялісты, менеджары і падтрымка карыстальнікаў працуюць, каб ваш досвед на Gronka быў максімальна прыемным і паспяховым.

💡 Чаму Gronka?

🔸0% камісіі ад платформы (толькі 3-5% — камісія сервісу Stripe)
🔸Толькі беларускія праекты
🔸Лёгкая і зручная падача заявак
🔸Магчымасць зрабіць данат крыптавалютай
🔸Дзве сістэмы збора сродкаў: ‘Keep it all’ і ‘All or none’, якія дапамогуць дасягнуць мэты

🌟 Бонусы для спонсараў:
Атрымлівайце эксклюзіўныя бонусы пры падтрымцы праектаў на Gronka — зніжкі, падарункі, ранні доступ да выпускаў ад аўтараў і аўтарак.

Далучайцеся да Gronka — месца, якое створана для развіцця і падтрымкі беларускай ідэнтычнасці, культуры і яднання нашай супольнасці!
_____________________

🔗 Наш сайт:
Для карыстальнікаў за межамі Беларусі: https://gronka.org

Для карыстальнікаў у Беларусі: https://storage.googleapis.com/gronka/index.html

💌 Кантакты для сувязі:
Email: Gronkapost@gmail.com
Telegram: @gronka_support

✨ Наш Instagram

Хочаце самі вырашаць, якія беларускія праекты вартыя падтрымкі?

👋 Вітаем вас на краўдфандынгавай платформе Gronka. Гэта месца, дзе беларусы і беларускі змогуць апублікаваць сваю ідэю і знайсці пад яе фінансаванне. Без пасрэднікаў, складаных заявак і незразумелых крытэраў. Толькі аўтар і яго аўдыторыя!

Мы назвалі платформу Gronka, таму што хочам, каб у нашым садзе раслі прыгожыя дрэвы з сакавітымі ягадамі-праектамі, звязанымі адзінай мэтай — рабіць Беларусь. Таленавітую, актыўную і самастойную. Вось так — ягада да ягады — гэтыя гронкі і ствараюць нашую будучыню, у якой ёсць яскравыя аўтары і таленавітыя музыканты, якасная адукацыя і модныя брэнды, тэхналагічныя бізнесы і цікавыя гульні.

Gronka — гэта магчымасць прапанаваць свой праект ці падтрымаць ідэю, якой табе заўсёды не хапала. Гэта нашая магчымасць пабудаваць будучыню, якой мы б хацелі яе бачыць. Толькі ўявіце сабе суполку неабыякавых беларусаў і беларусак, у якой кожны таленавіты і актыўны чалавек можа знайсці падтрымку!

⚡️Платформа пачне сваю працу 15 ліпеня. Сачыце за навінамі і далучайцеся!
Беларусь там, дзе мы 🧡