"HUDUDGAZ NAVOIY" MCHJ MATBUOT XIZMATI

АҲОЛИ МУРОЖААТЛАРИ БИЛАН ИШЛАШ
ДЕМОКРАТИК ИСЛОҲОТЛАРНИНГ АСОСИЙ ТАМОЙИЛИ

“Ҳудудгаз Навоий” масъулияти чекланган жамиятининг фаоллар залида “Аҳоли мурожаатлари билан ишлашнинг муҳим асослари” мавзусида ўқув-семинари ташкил этилди.
Тадбирда жамият, барча туман ва шаҳаргаз филиаллари, директив ҳужжатлар ижросини назорат қилиш, жисмоний ҳамда юридик шахсларнинг мурожаатлари билан ишлаш, шунингдек, Ўзбекистон ёшлар итифоқи бирламчи ташкилоти бўлимлари ходимлари иштирок этди.
Айтиш керак, жамият томонидан аҳоли мурожаатлари билан ишлаш, уларни қийнаб келаётган муаммоларни аниқлаш ва бартараф этиш бўйича тарғибот тадбирлари олиб боришга алоҳида эътибор қаратилди. Жамиятга биргина 2019 йилнинг октябрь – декабрь ойларида жами 715 та мурожаат келиб тушган. Шулардан 207 таси виртуал қабулхона, 224 таси оғзаки, 147 таси ёзма ва 127 таси “Ишонч телефони” орқали қабул қилинган мурожаатлардир. Уларнинг 508 таси “Ҳудудгаз Навоий” МЧЖ ва унинг филиалларига йўлланган.
2019 йилнинг тўртинчи чорагида жамият ҳамда унинг шаҳар ва тумангаз филиалларига келиб тушган жами 715 та мурожаатдан 699 таси кўриб чиқилган. 679 таси қаноатлантирилиб, 20 таси бўйича муаллифларга ҳуқуқий тушунтиришлар берилган. Бундан ташқари, жамият раҳбарияти томонидан 8 та сайёр ва 3 та шахсий қабуллар ўтказилган.
Тадбир танқидий руҳда ўтди. Жамият Бош директори М. Нормаматов жамият, унинг туман ва шаҳаргаз филиалларида мурожаатлар билан ишлашда йўл қўйилаётган камчиликлар ҳақида тўхталиб, уларни бартараф этишда янги, самарали усуллардан фойдаланиш, асосий эътиборни ижроси таъминланаётган мурожаатларнинг сонига эмас, сифатига қаратиш зарурлигини таъкидлади. Тизимда камчиликларга йўл қўяётган туман ва шаҳаргаз филиаллари масъуллари огоҳлантирилди.
Тадбир сўнггида тизимдаги муаммоларни ўз вақтида бартараф этиш, олдини олиш учун ишларни бундан ҳам таъсирчанроқ руҳда, ҳамжиҳатликда давом эттиришга келишиб олинди.
“Ҳудудгаз Навоий” МЧЖ
Матбуот хизмати.

“ҲУДУДГАЗ НАВОИЙ” МЧЖ ТОМОНИДАН НАВБАҲОР ТУМАН ГТШ – ГАЗ ТЎЛДИРИШ ШОХОБЧАСИДА МАХСУС-ТАКТИК ЎҚУВ МАШҚИ ЎТКАЗИЛДИ
2020 йилнинг 31 январь куни “Ҳудудгаз Навоий” МЧЖ томонидан Навбаҳор туман газ тўлдириш шохобчасида “Табиий ва техноген тусдаги (зилзила) фавқулодда вазият содир бўлганда, ҳудуддаги компрессор хонасида электр симининг қисқа туташуви натижасида юзага келган ёнғинни бартараф этишда ишчи ходимларнинг ҳаракати” мавзусида махсус-тактик ўқув машқи ўтказилди.
Мазкур тадбир Навбаҳор туман ГТШда газ таъминоти участкасида “Фавқулодда вазиятларда уларнинг олдини олиш ва бартараф этиш режаси”нинг амалийлигини текшириш, шунингдек раҳбар таркиб ва ишчи ходимларнинг фуқаро муҳофазаси тадбирларини бажаришдаги тажриба ва малакасини ошириш мақсадида ташкил этилиб, унда ишчи ходимларнинг билим ва кўникмалари синовдан ўтказилди.
“Ҳудудгаз Навоий” МЧЖ
Матбуот хизмати