°°نُـهَـى مُنـْصـُف°°

مش حَ نموت موتة طبيعية ، متأكدة إني حَ نموت مـِ الغيرة "

اليُوم اللي يفُوت مِن غيرك ، يفوت وأنا نفكر فيك "

أني قوية ، حتى في اللحظة اللي تحسابني ح نكون فيها أضعف خلق ربي "

" تايهة "
مقعمزة في السيارة متكية ع الروشن، عالقة بين هالزحمة ودوشتها ، نخربش ع الروشن المندى من الصقع والمطر ، صقع هلبا ، مطر هلبا ، عيوني تاعبات من قلة النوم وكترث البكي، مسيطر عليا الأرق ليا شهور ، راسي مصدع ، روحي تعبانة ، روحي إنضرت هلبا ، بمعنى أدق ضرها بعادك علياا ، فجأة قطع تفكيري ، أغنية ع الراديو ، أغنية ل رويدا عطية ، كلام وشعور الأغنية تمكن مني ، للحظة حسيت كأن كلام الاغنية أنا اللي كتبته ليك ، لما قالت :
"كيفك ياحُب ، إشتقنا لإيامك "
"بعدك بالقلب ، وبعدو الشوق عنوانك "
كيف أخباره ، حاله بخير بلاي ، ولا زي حالي ، إستاحشت أيامنا ، إستاحشت حبنا ، إستاحشت كل شئ ، إستاحشت لروحي ، روحي اللي حبيتها معاه
قاعد القلب معبي بيه ، قاعدة الروح تحبه ، داخلي مليان شوق ليه ، مليانة لهفة لـ حبنا ، قاعد القلب ليه ملكه ، يبيه هو وينفر من أي حد يقرب منه ،
مسحت دمعتي اللي نزلت ، وتلفتت جنبي نتأكد إن ماشافني حد ، حاولت نسيطر ع روحي ، بس عيوني خذلوني ، ونزلت راسي وبكيت ، لما قالت:
" بعدك متذكرنا ، لما أحبابك كنا!؟ "
"ضيعناك وضعنا ، وتغربنا بهالدرب"
قاعد متذكر ، كلامنا ، أوقاتنا مع بعض ، وأحلامنا ،مواقفنا، ضحكاتنا ، زعلنا ، مشاكلنا ، وأحلا أيام !؟
تغربنا ،و اللي حلمنا بيه ماتحققش ، طريقنا اللي نوينا نكملوها مع بعض ، غربتنا ع بعض وتفارقنا ، مش بإيدينا ، ولا كنا هكي نهايتنا نبوها ، إنجبرنا ع البعد ، وتفارقنا ،
وصفت شعوري كله في هالمقطع
" كيفك ياحب ، وكيف الوقت عم يمضى
ماقدرنا نحب ، ولاعرفنا بغيرك نرضى "
كيف مداير مع الوقت اللي كل دقيقة فيه نحس ب موس في قلبي ، الوقت اللي من غيرك معبي حياتي ضيقة وهم ، واخد عقلي بالتفكير فيك ، قلبي المتعلق بيك مايرضى بغيرك ، ولا حتى يفكر انهه يطلعك منه ، روحي عايشة بحبك اللي قاعدة مكتفية بيه ، مستحيل نوقف عن حبي ليك حتى لو بعيد ،
ايه صح ، قلبي مش قد الفراق ، ضعيفة وماعنديش ليه حيل ، مش قد البعد ، بس مكتوب
ان هالحب والسنين ، يقعدو مجرد ذكرى !
وفكرة إنها ذكرى وبس ، حرقت القلب وخلاته رماد"


من مذكرتي 🖤

فايقة ع صوت المطر 💜

إنـتَ مـش واخـد عـقلـي و قـلبي و روحـي بـس !!
واخـد حتـى الـحـوَاس الـخَـمـس ،♥️ "

في ظهري تسبني ، وفي وجهي تحبني !"

والله حتى لو دللتهم دلال ، ماصارش منه في هالعالم ، ح يقولوك ، مادرتِش حاجة واو"

" كان الرصاص ينقب اللحم ، كلام الحق يشق الرُوس "

قلبي يقعد مقلقني ، وبشوفتك بس يهدأ ♥️ "

ركز عَـ فـِعلـهـم ، أمـا كـلاَمـهم صـرَاف ضَـي عَـ الـفَـاضـِي "

اللي عندهم ' إعاقة خلقية ' والله أحسن منكم بهلبا ،
يا أصحاب ' الإعاقة الأخلاقية "

💜،

اللي يبيك ، مايحيرش فيك "

غُـربـة الـقـلـوب أقـسَـى مـن غُـربة الـمـسَافـر "

طريقك مهما كانت واعرة وصاعبة ، مش ح تكون صاعبة ع اللي فعلآ يبيك ،
أما اللي مايبيكش ، بيديرها سبلة و بيمشي "