Хонобод шаҳар адлия бўлимига тиббиёт бирлашмасида тез тиббий ёрдам бўлими катта ҳамшираси лавозимида ишлаб келган Хатича Мамадалиева ариза билан мурожаат қилиб, ўзининг бузилган ҳуқуқларини тиклашда ёрдам беришни сўраган. Адлия бўлими томонидан мурожаатни ўрганиш давомида муқаддам шаҳар тиббиёт бирлашмасининг тез тиббий ёрдам бўлими катта ҳамшираси лавозимида ишлаб келганлигини, туғуруқдан кейинги таътилдан ишга қайтганидан сўнг ўзининг аввалги лавозимига эмас балки “Кундузги чақириқларни қабул қилиш ҳамшираси” вазифасига ишга қайтаришган. Ходим бундан норози бўлиб судга мурожаат қилган. Фуқаролик ишлари бўйича суднинг 2020 йил 17 январдаги ҳал қилув қарори билан тиббиёт бирлашмасининг 2016 йилдаги “Бошқа доимий ишга ўтказиш тўғрисида”ги буйруғи бекор қилиниб, Х.Мамадалиева тез тиббий ёрдам бўлимига катта ҳамшира лавозимига ишга тикланганлигини, лекин ордан ҳеч қанча вақт ўтмай Х.Мамадалиевага тиббиёт бирлашмаси томонидан огоҳлантириш хати берилган. Унга кўра, эгаллаб турган лавозимидан яъни тез тиббий ёрдам бўлими катта ҳамширалик лавозимидан шу бўлимда олий маълумотли хамшира ишлаб келаётганлиги сабабли бошқа вазифага ўтказилиши тўғрисида огоҳлантирилган. Ушбу огоҳлантиришга Соғлиқни сақлаш вазирининг “Республика тиббиёт институтларининг “Олий ҳамширалик иши” бўлимларининг битирувчиларини ишга йўналтириш тўғрисида”ги буйруғи асос сифатида кўрсатилган.
Огоҳлантириш хати берилганидан 13 кун ўтгач 2020 йил 13 апрель куни №85-сонли буйруққа асосан ходим Х.Мамадалиеванинг розилигисиз у билан тузилган меҳнат шартномаси ўзгартирилиб, уни эгаллаб турган вазифасидан бошқа вазифага Кундузги чақириқларни қабул қилиш ҳамшираси вазифасига 0,75 ставкага ўтказилган.
Адлия бўлими томонидан ариза атрофлича ўрганиб чиқилиб, Меҳнат кодексининг 92-моддаси талаблари бузилганлиги, унга кўра, бошқа доимий ишга ўтказишга (ходимнинг меҳнат вазифаларини ўзгартиришга) фақат унинг розилиги билан йўл қўйилиши мумкин, деб белгиланган бўлишига қарамасдан ходимнинг меҳнат ҳуқуқлари бузилган.
Хонобод шаҳар тиббиёт бирлашмасининг ушбу ҳаракатлари амалдаги Меҳнат кодексининг 92, 96-моддалари талабларига риоя қилинмаган, ходимнинг меҳнат вазифаларини ўзгартиришга унинг розилиги билан амалга оширилиши кўрсатилган бўлса-да, тиббиёт бирлашмаси бош шифокорининг буйруғига асосан ходим Х.Мамадалиева кундизги чақирувларни қабул қилиш ҳамшираси вазифасига ўтказилган.
Мурожаатни ўрганиш якунлари бўйича адлия бўлими томонидан ходимнинг бузилган ҳуқуқларини тиклаш мақсадида тиббиёт бирлашмасига тегишли тартибда тақдимнома киритилди.
Натижада Х.Мамадалиева тиббиёт бирлашмасининг тез тиббий ёрам бўлими катта ҳамшира лавозимига тикланиши таъминланди.
Бобурбек Жўраев,
Хонобод шаҳар адлия бўлими бошлиғи
Манба: Hudud24.uz
Бизни ижтимоий тармоқларда кузатинг 👇
Telegram |
Facebook |
YouTube |
Instagram
