الف مبروك الدولار وصل 100 جنية يلا بعد كدا خلاص مافضل شي يتبكي عليو ، ولو طلعتا برة ولقيت العيشة بي مليارين خالص ما تنخلع ، ولمن تكون ماشي تجيب الخضار حاول شيل القروش في شوال عشان ما تنقطع هناك ، طلب الفول تاني من 500 وانتا طالع والجدادة دي تنساها خاااالص وسندوتش الطعمية ح يبقى تاني الا بالحجز علي الارقام اسفل الشاشة ، والعجب ناس دونات وكرواسون ومارتديلا ديل عدييييل رجز من عمل الشيطان
الشي الوحيد الفهمتو من وضعنا الماشي غاطس دا انو ازمتنا احنا ما كانت الكيزان ازمتنا الحقيقية ضمايرنا الماتت وجشعنا وكل زول داير يغنى علي حساب اخو دون اي رحمة ولا حتي مراجعة نفس ، لما يكون عندك كريز وتجي وقت الزروة وتوقفه وتقول الراكب بي خمسين والناس تركب انا هنا ما بغلطك انتا بغلط الركبو معاك لانو ديل الادوك الجرائة المكنتك من الفعل دا ، ولمن تكون صاحب محل ومعلق بضاعتك ليها سنة في مكانة دا وتمشي تسأل انها وصلت كم وتجي تعلي سعرها بما يتماشا مع السوق مع انك اصلا وفي الاساس مشتريها وبالسعر الزمان يبقي حسبي الله ونعم الوكيل ، ولمن تكون زول بسيط من الطبقة الزيتا طالع وفارش ليك طماطم وخضار وبتسترزق ويجيك زبون وتعصرو وتطلع عينو بي حجة انك مستغل الوضع المخلي السعر ما مستقر عشان تقفز داير اقول ليك غير انو الله ما حيبارك ليك في رزقك انتا زاتك ح تلقي الابشع منك ويمص دمك وبكدا حتفضل طول عمرك بتاع خضار في واطاط الله دي كشك ما حتقدر تعملو لانك ما خفتا الله في الناس .
كل الفكرة انا وصلتا لي انو السودان دا كلووووو #كيززززان اقسم بالله كيزان لانو الكوز سلوك ما انتماء ، ولو زعلتك كونك كوز دي راجع تصرفاتك في يومك وحاجاتك الحصلت فيو وانتا عملتا فيها شنو حتعرف انك كوز صاااافي ولآخر قطرة ، وبالمناسبة انتا كدا اخطر من الكيزان اصحاب الاسم لانو علي الاقل ديلك واضحين وبعملو اشياء تخدم اجندتهم ومقتنعين بكدا سواء صاح او غلط لكن انتا يا العامل فيها مناضل او علي الاقل وواقف مع التغيير الجا عشانك دا كان الاجدى انك تغير من نفسك لانو التغيير ببدا منك ومني ومننا ، وانتا اخطر منهم علي التغيير لانك خفي .
لا نافع مجلس ولا نافعة احزاب ولا حتي مليشيات ، السودان انتهي افهموها انتتتتتتتهى خلاص وما بعيد حتتو دي تكون بعدين حفرة جهنم اصلا ما اظن في حتة انسب من كدا ليها استغفر الله العظيم
@Almahdi2000
