Namangan adliya/Uyda qoling

#СЎРАГАН_ЭДИНГИЗ

🤔🤷‍♀️ Мен 2015 йилдан буён мактабгача таълим муассасасида тарбиячи вазифасида ишлаб келаман. 2020 йил учун меҳнат таътилига чиқиш ва ундан кейин бир ой иш ҳақи сақланмаган таътилни беришни сўраб раҳбарга мурожаат этганимда рад жавобини олдим. Меҳнат таътили ва бир ой иш ҳақи сақланмаган ҳолда таътил олиш ҳуқуқим бор ёки йўқлиги тўғрисида қонуний тушунтириш берсангиз.

✅ ЖАВОБ: Ўзбекистон Республикаси Меҳнат кодексининг 144-моддасида таътилларни бериш вақти ва навбати белгиланган бўлиб, унга кўра йиллик таътилларни бериш навбати календарь йил бошлангунга қадар иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб тасдиқланадиган таътиллар жадвалига мувофиқ белгиланади. Таътил бериш вақти ҳақида ходим таътил бошланишидан камида ўн беш кун олдин хабардор қилиниши керак.
❗️Ўн тўрт ёшга тўлмаган битта ёки ундан ортиқ болани (ўн олти ёшга тўлмаган ногирон болани) тарбиялаётган ёлғиз ота, ёлғиз онага (бева эркаклар, бева аёллар, никоҳдан ажрашганлар, ёлғиз оналарга) ва муддатли ҳарбий хизматни ўтаётган ҳарбий хизматчиларнинг хотинларига, I ва II гуруҳ ногиронларига, 1941-1945 йиллардаги уруш қатнашчиларига ва имтиёзлари бўйича уларга тенглаштирилган шахсларга, ўн саккиз ёшга тўлмаган шахсларга, таълим муассасаларида ишлаб чиқаришдан ажралмаган ҳолда ўқиётганларга (250-модда), жамоа шартномаси, келишувида назарда тутилган бошқа ҳолларда ходимларга таътил уларнинг хоҳишига кўра ёзги ёки улар учун қулай бўлган бошқа вақтда берилиши керак. Таътилдан фойдаланишнинг жадвалда белгиланган вақти ходим билан иш берувчининг келишувига биноан ўзгартирилиши мумкин.
Ўзбекистон Республикаси Меҳнат кодексининг 150-моддасига мувофиқ ходимнинг аризасига кўра унга иш ҳақи сақланмаган ҳолда таътил берилиши мумкин, унинг давомийлиги ходим ва иш берувчи ўртасидаги келишувга кўра белгиланади, лекин у ўн икки ойлик давр мобайнида жами уч ойдан ортиқ бўлмаслиги керак.
❗️Қуйидаги ходимларга уларнинг хоҳишига кўра, иш ҳақи сақланмаган ҳолда муқаррар тартибда таътил берилади:
👉1941-1945 йиллардаги уруш қатнашчиларига ва имтиёзлари жиҳатидан уларга тенглаштирилган шахсларга — ҳар йили ўн тўрт календарь кунга қадар;
👉ишлаётган I ва II гуруҳ ногиронларига — ҳар йили ўн тўрт календарь кунга қадар;
👉икки ёшдан уч ёшгача бўлган болани парвариш қилаётган аёлларга (234-модда);
👉ўн икки ёшга тўлмаган икки ва ундан ортиқ болани тарбиялаётган аёлларга — ҳар йили ўн тўрт календарь кунга қадар (232-модда);
👉меҳнат тўғрисидаги қонунлар ва бошқа норматив ҳужжатларда, шунингдек меҳнат шартномаси шартларида назарда тутилган бошқа ҳолларда.
Юқоридагилардан келиб чиқиб, Сизда меҳнат таътилига, шунингдек, иш ҳақи сақланмаган ҳолда таътилга чиқиш ҳуқуқингиз мавжуд.

👤✍️ Саволга Наманган туман адлия бўлими ходими Умида Тўрабаева жавоб берди.

Ботга мурожаат:http://t.me/onlinemurojaatbot

#СЎРАГАН_ЭДИНГИЗ.

🤔🤷‍♀️ Фарзанд туғилганда бериладиган бир марталик нафақани олиш учун қаерга мурожаат қилишим керак?

✅ Вазирлар Маҳкамасининг жорий йилнинг 23 май кунги 327-сон қарори билан "Фарзанд туғилганда бериладиган бир марталик нафақани тайинлаш бўйича давлат хизматлари кўрсатишнинг Маъмурий регламенти" тасдиқланган. Фарзанд туғилганда бериладиган бир марталик нафақани тайинлаш бўйича давлат хизматлари кўрсатишнинг маъмурий регламентига кўра, ариза берувчи бола туғилган кундан бошлаб 6 ой муддат ичида мазкур нафақани тайинлаши учун давлат хизматлари марказига (ДХМ) борган ҳолда ёки Ягона интерактив давлат хизматлари портали (ЯИДХП) орқали мурожаат этади.
Мурожаат этувчи тегишли сўровномани тўлдиради ва сўровнома бюджетдан ташқари Пенсия жамғармасига юборилади. Пенсия жамғармаси томонидан сўровнома олинганидан сўнг 5 дақиқа мобайнида нафақа пули тайинланади ёки рад этилади ҳамда бу ҳақидаги маълумот тегишли давлат хизматлари марказига ёки ЯИДХП га электрон тарзда юборилади. Шунингдек, нафақа тайинлаш рад этилганда унинг сабаблари кўрсатилади. Нафақа тайинланган тақдирда нафақани қачон ва қаердан олиш тўғрисида маълумот, нафақа тайинлаш рад этилганда рад этиш сабаблари кўрсатилган маълумот тегишли ДХМга ёки ЯИДХПга электрон тарзда юборилади.
Таъкидлаш керакки, давлат хизмати кўрсатилгани учун йиғим ундирилмайди.

👤✍️ Саволга Наманган вилоят адлия бошқармаси катта маслаҳатчиси Гулнора Каримжонова жавоб берди.

Ботга мурожаат:http://t.me/onlinemurojaatbot

#САНА

Бугун:

Россияда — тўғри овқатланиш ва ортиқча вазндан халос бўлиш куни.

Озарбайжонда — Фуқаро авиацияси ходимлари куни.

Италияда — Республика куни.

🔘 1891 йил — ирландиялик Уильям Маккрама таклифига биноан, футбол ўйинларида пенальти қоидаси киритилди;

🔘 1896 йил — Гульельмо Маркони Америкада "радио" учун илк патент олди;

🔘 1953 йил — Вестминстер саройида қиролича Елизавета II га "тож тақиш" маросими ўтказилди ва тарихда биринчи марта телевизор орқали маросимни кўриш имкони яратилди;

🎂 Ушбу санада туғилганлар:

педиатрия асосчиларидан бири Нил Филатов (1847),
Болгария халқ артисти, Филипп Киркоровнинг отаси Бедрос Киркоров (1932),
ўзбек актрисаси Дурдона Қурбонова (1998).

#СЎРАГАН_ЭДИНГИЗ‼️

🤔🤷‍♀️ Шахс вафот этганда уни дафн этиш учун қанча миқдорда ва қандай тартибда нафақа пули тўланади❓

✅ Вазирлар Маҳкамасининг 2011 йил 14 июндаги 174-сон қарори билан тасдиқланган “Дафн этишга нафақа тайинлаш ва тўлаш тартиби тўғрисида”ги низомнинг 10-бандида давлат пенсияси олувчи пенсионер, давлат ижтимоий нафақаси олувчи фуқаро, ходим ёки унинг қарамоғидаги оила аъзоси, бола ҳаётининг биринчи ҳафтаси мобайнида вафот этганда ёки ўлик бола туғилганда (перинатал ўлим), иш билан банд бўлган ёки банд бўлмаган шахс, фуқароларнинг айрим тоифаларига тегишли бўлган шахс ёки бола ва Ўзбекистон Республикаси ҳудудида дафн этилган Ўзбекистон Республикасида доимий яшаш жойига эга бўлмаган чет эл фуқароси ёки фуқаролиги бўлмаган шахс вафот этган тақдирда дафн этиш мажбуриятини зиммасига олган шахсга пенсияни ҳисоблашнинг базавий миқдорининг тўрт баравари миқдорида нафақа тўланиши белгиланган.
👉Мазкур Низомнинг 8-бандида дафн этиш мажбуриятини зиммасига олган юридик шахсларга нафақа тўланмаслиги кўрсатилган.
👉Бундан кўринадики, юқорида кўрсатиб ўтилган шахслар вафот этганда мазкур нафақа фақатгина дафн этиш мажбуриятини зиммасига олган жисмоний шахсга тўланади.
👉Юқоридаги Низомнинг 2-бандида нафақа марҳумнинг эрига (хотинига), ота-онасига, фарзандларига ва бошқа қариндошларига ёки марҳумнинг қонуний вакилига, бундай шахс бўлмаган тақдирда эса — дафнни амалга ошириш мажбуриятини зиммасига олган бошқа шахсга тайинланиши ва тўланиши белгиланган.
👉Бунда ушбу нафақани олувчи шахс мазкур нафақа учун унга бўлган ҳуқуқ юзага келгандан кейин 6 ой мобайнида мурожаат қилиши мумкин.
👉Агарда ходим ёки унинг қарамоғидаги оила аъзоси вафот этган тақдирда нафақа уни тайинлаган ташкилот томонидан тўланади ва ушбу сарф-харажатлар кейинчалик қонун ҳужжатларига мувофиқ Ўзбекистон Республикаси Давлат бюджети маблағлари ҳисобига қопланади. Қолган ҳолатларда эса мазкур нафақа бюджетдан ташқари Пенсия жамғармасининг туман (шаҳар) бўлимлари томонидан тайинланади.
👉Шуни ҳам таъкидлаш лозимки, мазкур нафақа миқдори ўлим содир бўлган кундаги, асосли сабабларга кўра марҳум ўлими аниқланган кундан кеч дафн этилган ҳолларда — ушбу ҳолатни тасдиқлайдиган ҳужжатлар асосида дафн этиш кунида белгиланган пенсияни ҳисоблашнинг базавий миқдоридан келиб чиқиб белгиланади.

✍️👤Саволга Наманган шаҳар адлия бўлими ходими Сиддиқов Зуҳриддин жавоб берди.

Ботга мурожаат:http://t.me/onlinemurojaatbot