Namangan viloyati hokimligi

“Опен бюджет” бўйича ҳудудлар рейтинги тузилди

2024 йил 1 чораги якунларига кўра Республика бўйича 9447 та маҳалла иштирок этган ва 2253 та маҳалла ғолиб бўлган.

👉https://t.me/UZBEKISTANOFFICIAL

«Чорсу деҳқон бозори»да хавфсиз муҳитни шакллантириш ва рақамлаштириш лойиҳаси билан танишилди

Жорий йилнинг 15 апрель куни Наманган вилоят ҳокимлигида Наманган шаҳар, Давлатобод ва Янги Наманган туманларидаги бозорларда хавфсиз муҳитни шаклантириш мақсадида «Рақамли хавфсиз бозор» концепциясига асосан рақамлаштириш масаласи муҳокама қилиниб, масъул раҳбарларга тегишли вазифалар юклатилган эди.

Бугун Наманган вилояти ИИБ бошлиғи полковник Шухрат Алиев, Миллий Гвардия вилоят бошқармаси бошлиғи полковник Хамидулла Маматов ва Солиқ бошқармаси бошлиғи Шухратали Имомовлар мутасадди ташкилот вакиллари ҳамда мутахассислар иштирокида Наманган шаҳри марказида жойлашган «Чорсу деҳқон бозори»ни рақамлаштириш лойиҳаси тақдимоти билан яқиндан танишиб, масъул ходимларнинг бу борадаги ахборотлари тингланди.

Тақдимот якунида полковник Шухрат Алиев масъул ходимларга бозорда фуқаролар хавфсизлигини таъминлаш, автотураргоҳларни тартибга солиш ва бошқа масалалар юзасидан аниқ топшириқлар берди.

Наманган вилояти ИИБ Ахборот хизмати.

Ҳуқуқни муҳофаза қилувчи органлар раҳбарлари томонидан Тўрақўрғон туманидаги мактаблар фаолияти ўрганилди

Ҳозирги кунда Ўзбекистонда ёшлар масаласи давлат сиёсатининг энг устувор йўналишларидан бири ҳисобланиб, Давлатимиз раҳбари томонидан барча бўғиндаги раҳбарларга эртанги кунимиз эгалари бўлган ёшлар билан ишлаш – биз учун ҳаёт-мамот масаласи эканлиги ҳақида аниқ топшириқлар берилган.

Бугун шу муносабат билан Наманган вилояти ИИБ бошлиғи полковник Шухрат Алиев ва Миллий Гвардия вилоят бошқармаси бошлиғи полковник Хамидулла Маматовлар томонидан Тўрақўрғон туманининг «Тепа Найманча» маҳалласидаги 19-сонли ва «Лангарбобо» маҳалласидаги 18-сонли мактабларнинг фаолияти ўрганилиб, «маҳалла еттилиги»нинг мактаб жамоаси билан ёшлар ўртасидаги жиноятчилик ҳамда ҳуқуқбузарликларнинг олдини олишдаги ўзаро ҳамкорлиги, давомат, «оила — маҳалла — мактаб» занжири асосида амалга оширилаётган ишлар атрофлича муҳокама қилинди. Шунингдек, мактабларга ўрнатилган «ташвиш тугмаси» бўйича ҳудудга бириктирилган ходимларнинг жанговар шайлик ҳолати амалий текшириб кўрилди.

Ўрганишлар якунида ўқувчи ёшлар томонидан жиноятлар содир этилишини олдини олиш мақсадида бўш вақтларини мазмунли ташкил этиш, профилактик тарғибот-ташвиқот тадбирларини кучайтириш ва бошқа йўналишлар бўйича масъул ходимларга аниқ топшириқлар берилди.

Наманган вилояти ИИБ Ахборот хизмати.

Чортоқ тумани ёшлари ўртасида ДХХ кубоги мусобақаларига старт берилди

Ўзбекистон Республикаси Давлат хавфсизлик хизмати, Ёшлар ишлари агентлиги, спорт вазирлиги, маҳаллалар уюшмаси ҳамкорлигида ёшлар ўртасида спортни оммалаштириш, соғлом турмуш тарзини тарғиб қилиш, шунингдек, улар орасидан иқтидорларни аниқлаш ва қўллаб-қуватлаш мақсадида ҳар йили футбол ва мини-футбол бўйича ДХХ раиси кубоги мусобақалари ўтказиб келинмоқда.

Бугун Чортоқ туманида "Беш ташаббус олимпиадаси" доирасидаги мазкур анъанавий мусобақанинг бу йилги мавсумига старт берилди.

Унда 16 ёшдан 30 ёшгача бўлган ўғил болалар футбол ва мини-футбол, қизлар эса мини-футбол бўйича беллашадилар.

Очилиш маросимида туман ҳокими, секторлар раҳбарлари, вилоят спорт бошқармаси, спорт мактаби, маҳаллардаги ёшлар етакчилари иштирок этишди.

Сўзга чиққанлар спорт соҳасидаги ислоҳотлар, ёшларга яратиб берилаётган имкониятлар ҳақида тўхталиб, иштирокчиларга омад тилашди.

Чортоқ тумани ҳокимлиги Ахборот хизмати