Статистика Избранное

To'ra Sulaymon

@Tora_Sulaymon

Гео и язык канала: не указан, не указан

Категория: не указана

Rasmiy kanal

Связанные каналы

Гео и язык канала

не указан, не указан

Категория

не указана

Статистика

Избранное

Фильтр публикаций

Скрывать удаленные

Скрывать репосты

To'ra Sulaymon

25 Dec 2024, 20:59

Репост из: "МУШТУМ" журнали расмий канали 📰

Тўра СУЛАЙМОН

ГАПДАН ГАП

Унинг қаламкашлигидан кўра қаламқошлиги устувор.

* * *
Муаллим беозор бўлса, синфнинг бозор бўлишини томоша қил.

* * *
Уни элга шеъри танитмади. Қишлоқма-қишлоқ юриб ўзини ўзи танитди.

* * *
Саёз дарёнинг шовқини катта бўлади.

* * *
Агар гапини Магарга, Магарнинг гапини Дагарга етказиб юриб ҳам кун кўриш мумкин экан.

* * *
Кўп ёзиб, кўмилгунча, теран ёзиб тилга туш.

* * *
Қочиб ўлган – кўмгулик,
Қувиб ўлган – мангулик.

* * *
Улуғларнинг хатоси ҳам улуғ бўлади.

* * *
У шоир бўлмаса ҳам шоирлик ҳужжати бор.

* * *
Адабиётга қалами билан эмас: қадами билан кириб келганларнинг ҳалоли бўлсин.

* * *
Ишхонада эснаб ўтириб ёзилган асарнинг умри ошхонагача...

* * *
Тор тутишни билмаган тумтоқзоданинг созандаларга саркор этиб тайинланишига ажабланиш ортиқча.

* * *
Тўти олашақшаққа тақлид қилиб юраман деб, ўз юришини ҳам унутиб ҳаккалак отиб қолган экан.

Telegram | Instagram | Youtube | Facebook

49 0 2

To'ra Sulaymon

16 Dec 2024, 23:37

03:15

Видео недоступно для предпросмотра

Смотреть в Telegram

Axborot 24 | To'ra Sulaymon xotirasiga ehtirom

#5dec #uzbekiston24

107 0 2

To'ra Sulaymon

16 Dec 2024, 23:37

Biz chiqargan kitob

TO‘RA SULAYMON
zamondoshlari xotirasida

Ushbu kitobga o‘nlab sheʼriy majmua va dostonlar, dolzarb mavzulardagi maqolalar, yuzlab dilbar qo‘shiqlar muallifi O‘zbekiston xalq shoiri To‘ra Sulaymonni xotirlab yozilgan yodnomalar, eʼtiroflar, tadqiqot maqolalardan tartib berildi.
Mazkur to‘plam sizni befarq qoldirmasligiga, sevimli shoiringizning hayot yo‘li, uning suvratu siyrati borasida yanada boyroq tasavvurga ega bo‘lishingizga yordam berishiga ishonamiz, azizlar.

Masʼul muharrir: Muhiddin Abdusamad,
O‘zbekiston Yozuvchilar uyushmasi aʼzosi

To‘plab nashrga tayyorlovchilar:
Ravshanbek Mahmudov,
O‘zbekiston Yozuvchilar uyushmasi aʼzosi
Dilfuza Qarshiboyeva,
O‘zbekiston Yozuvchilar uyushmasi aʼzosi

Nashriyot: “Adabiyot”

O‘zbekiston Yozuvchilar uyushmasi Axborot xizmati

96 0 0

To'ra Sulaymon

16 Dec 2024, 23:33

Репост из: O‘zbekiston Yozuvchilar uyushmasi

01:27

Видео недоступно для предпросмотра

Смотреть в Telegram

Shoir To'ra Sulaymonning uy muzeyi ochildi

Muxbir: Sevara Ahmadqulova

Sirdaryo viloyati

12:00 05.12.2024

@hududtv

82 0 1 1

To'ra Sulaymon

16 Sep 2024, 11:12

YIGʻLAR

Oʻtmishdagi yolgʻiz yigit qoʻshigʻi

Bu togʻlar qanday togʻlar,
Bagʻrida quzgʻun, zogʻlar?
Bor oʻlsa barcha yigʻlar,
Men oʻlsam kimim yigʻlar?

Ne qilay yolgʻiz boʻldi,
Mudom bir ogʻiz boʻldi,
Bemurod — beiz boʻldi,
Deya qay inim yigʻlar.

Boʻlmadi bagʻrim butun,
Kulbamdan chiqmas tutun.
Xotin ham ketar ul kun,
Bollarim yetim yigʻlar.

Tayrilib tuyogʻidan.
Kul yogʻib siyogʻidan.
Adashib chorbogʻidan
Armonli otim yigʻlar.

Bu holga hayron boʻlib,
Yurak-bagʻri qon boʻlib,
Yoqasi vayron boʻlib
Qay bir hamdamim yigʻlar?

Toʻra Sulaymon

https://t.me/Tora_Sulaymon

To'ra Sulaymon

Rasmiy kanal

846 1 8 4

To'ra Sulaymon

1 Jul 2024, 21:55

04:22

Видео недоступно для предпросмотра

Смотреть в Telegram

ТОНГГИ ТАРОНА. ХАЛҚ АРТИСТИ ШЕРАЛИ ЖЎРАЕВ ИЖРОСИДА ТЎРА СУЛАЙМОН СЎЗИ БИЛАН “ЎХШАР” ҚЎШИҒИ

https://t.me/Tora_Sulaymon

366 0 4 4

To'ra Sulaymon

13 Jun 2024, 18:13

02:01

Видео недоступно для предпросмотра

Смотреть в Telegram

BILINGAY

Fozillarning har yerda
Ziyoligi bilingay.

TOʻRA SULAYMON

https://t.me/Tora_Sulaymon

391 0 1

To'ra Sulaymon

10 Jun 2024, 10:31

📲 Mutolaa ilovasi orqali Toʻra Sulaymon ijodiy merosidan bahramand boʻling!

https://t.me/Tora_Sulaymon

537 0 1 4

To'ra Sulaymon

5 Jun 2024, 06:23

ТЎРА СУЛАЙМОН ТАВАЛЛУДИНИНГ 90 ЙИЛЛИГИГА

ЭЪТИРОФ

Алишер НУР, Ўзбекистон Ёзувчилар уюшмаси аъзоси, Эргаш Жуманбулбул ўғлининг чевараси:

“Ўзбекистон халқ шоири Тўра Сулаймон менинг бобом билан учрашмаган бўлса-да, у кишининг ижодидан илҳом олиб, ўзининг маънавий устози деб ҳисоблаган. Устознинг тўнғич фарзанди Неъмат аканинг (Аллоҳ раҳматига олган бўлсин) таъкидлашларича, Тўра бобо иш столининг юқорисида Эргаш Жуманбулбул ўғлининг, ундан сал пастроқда эса ҳаётдаги устози Миртемир домланинг портретларини қўйиб қўйганлар. Бу барча ижодкорлар учун ибрат намунаси деб ўйлайман”.

http://t.me/Tora_Sulaymon

324 0 0

To'ra Sulaymon

16 May 2024, 19:15

ASRAGAY

(Sohibqiron bobomizning haykali poyida bitilgan bitik)

Taqa tuyoqni asragay,
Tuyoq tulporni asragay.
Tulpor Temurni asragay,
Temur Turonni asragay,
Turon Qur’onni asragay,
Qur’on imonni asragay.
Imon insonni asragay,
Inson olamni asragay.
Olamni O’zi asragay.

t.me/Tora_Sulaymon

To'ra Sulaymon

Rasmiy kanal

423 0 3 4

To'ra Sulaymon

11 May 2024, 21:31

Gul bir yon, chaman bir yon — Dilshod Rahmonov

04:54

t.me/Tora_Sulaymon

374 0 2 3

To'ra Sulaymon

27 Apr 2024, 13:46

SHAYTON

Yashay olmam fisqu fasodsiz,
Haqgoʻylarni qoralovchiman.
Boshiga ish tushsa qoʻshnimning
Tuynugidan moʻralovchiman.
Totuvlikka hech toqatim yoʻq,
Koʻpga zavol tilaguvchiman.
Yovga emas, oʻz-oʻzingizga
Tosh otsangiz, quvonuvchiman.
Qayda toʻymas, taʼziya bor deb,
Koʻringandan soʻroqlovchiman.
Ahli Islom jamuljam yerda
Farishtaga aylanuvchiman.
Chala mulla, badnafs imomni
Oʻz yoʻlimga boshlaguvchiman.
Sharoitga qarab bir onda
Turlanib ham tuslanuvchiman.
Tek yursin deb suyak tashlashsa,
Boytevatga aylanuvchiman.
Bilgandirsiz, endi kimligim:
Tiniq suvni bulgʻatuvchiman...

TOʻRA SULAYMON

t.me/Tora_Sulaymon

To'ra Sulaymon

Rasmiy kanal

750 0 11 4

To'ra Sulaymon

17 Apr 2024, 14:41

409 0 1 2

To'ra Sulaymon

17 Apr 2024, 14:18

To‘ra Sulaymonni yod etib

Kuni kecha Mirzo Ulug‘bek nomidagi O‘zbekiston Milliy universitetining Jizzax filialida O‘zbekiston xalq shoiri To‘ra Sulaymon tavalludining 90 yilligi munosabati bilan "Shoir To‘ra Sulaymonning badiiy meʼrosi" mavzusida adabiy uchrashuv va sheʼriyat kechasi bo‘lib o‘tdi.
Tadbir Yozuvchilar uyushmasi Jizzax viloyati bo‘limi va Mudofaa Vazirligi huzuridagi Jamoatchilik Kengashi hamkorligida tashkil qilindi. Unda uyushma a‘zolari - Hayot Shodmon, Nilufar Allamuratova ishtirok etdi. Uchrashuvda ijodkor yoshlar o‘z she‘rlaridan o‘qidi. Harbiy orkestr tomonidan jonli chiqishlar barchaga xushkayfiyat bag‘ishladi.

O‘zbekiston Yozuvchilar uyushmasi Jizzax viloyati bo‘limi

338 0 2 2

To'ra Sulaymon

11 Apr 2024, 19:35

ORZULARIM

Tabiatdan tilagim:
Tutganim oltin boʻlsa.
Aytganlarim yurakka
Koʻz-qoshday yaqin boʻlsa.

Fozil baxshi soziday
Tunni shodon oʻtkazsa.
Halima ovoziday
Yetti iqlimni kezsa.

Hamid nafasi kabi
Muzni erita olsa.
Roksananing koʻz yoshin
Artib, ovuta olsa.

Jiyron qush parvoziday
Hech soyasi boʻlmasa.
Hofizlar shahnoziday
Nihoyasi boʻlmasa.

Islom shoir baytiday
Shoʻx boʻlsa, quvnoq boʻlsa,
Qoʻsh bulbul bayotiday
Har dilga qoʻnoq boʻlsa.

t.me/Tora_Sulaymon

To'ra Sulaymon

Rasmiy kanal

469 0 12

To'ra Sulaymon

23 Mar 2024, 15:53

03:12

Видео недоступно для предпросмотра

Смотреть в Telegram

Ustoz To‘ra Sulaymon va Sherali Jo‘rayev to‘yda

t.me/Tora_Sulaymon

425 0 1 1 5

To'ra Sulaymon

22 Mar 2024, 15:35

USTOZLAR YODI

Bugun nolalarim nolamdan o'tdi,
Umr qog‘oz bilan qalamdan o'tdi.
Ketdi aytilmagan qanchalar kalom,
Qancha she‘r-u bayot olamdan o'tdi.

Ajal ov qilarmi yakka-yakkalab? ★
To‘ra Sulaymonu
Shukur akalar...
Ozod domla yanglig‘ so‘z qo‘rg‘onlari
Ketdilar.
Dillarda yod, armonlari.
Qancha sabru sabot olamdan o'tdi.
Go‘yo Adabiyot olamdan o'tdi.

2005-yil
★— Abdulla Oripov satri

Sirojiddin Sayyid

t.me/Tora_Sulaymon

To'ra Sulaymon

Rasmiy kanal

442 0 3 5

To'ra Sulaymon

18 Mar 2024, 15:40

Репост из: Oʻzbekiston Yozuvchilar uyushmasi Surxondaryo viloyat boʻlimi

#Бу_шеърни_ёдлаганмисиз
#Ҳар_кунинг_бўлсин_Наврўз

ИЛТИЖО

Баҳор келса бошланур боғда булбул хониши
Саъва қумри нағмаси, суралай товланиши,
Қирларда лола сайли, қишлоқларда йил боши:
Тўхтагай табиатдан Ҳаққушлар зорланиши
Баҳор, кетма менинг боғимдан.

Қилмиши қинғир зотга давр қайда, даврон қайда?
Ватангадо кимсага беминнат макон қайда?
Ёлғиз отга оламда ном қанда, нишон қайда?
Баҳор, сенсиз саҳрою тоғу тошга жон қанда?
Кетма, Баҳор, менинг боғимдан.

Ўлмасликка ишора — ўланга ошиқлигим.
Саодатга ишора — замонга ошиқлигим
Теранликка ишора — уммонга ошиқлигим.
Гўзалликка ишора — бўстонга ошиқлигим.
Баҳор кетма менинг боғимдан.

Букун қай бир ерда қиш, қайда хазонрезгилик,
Қайларда ёз, қайда куз, қайда жондан безгилик,
Кўкламнинг ҳар нафаси умрга арзигулик,
Боғсиз, боғбонсиз ерда не ҳам қилсин эзгулик…
Кетма, Баҳор, менинг боғимдан.

Гиёҳ билан қопланмиш кўҳна қабр бошлари,
Майсадаги шудринглар—кимларнинг кўз ёшлари?
Бу ерда ётар отам ҳам узангидошлари,
Ҳар баҳор эслар уни қавми-қариндошлари,
Баҳор, кетма менинг боғимдан.

Ёз бўйи қорга зорман, қишда баҳорга зорман,
Чаманда гул бўйига интиқман, интизорман,
Куз келман хазон бўлган севги, гулдан безорман.
Баҳорсиз ҳам диёрсиз эл ичра беназарман,
Баҳор, кетма менинг боғимдан.

✍️Тўра Сулаймон

Ўзбекистон Ёзувчилар уюшмаси
Сурхондарё вилоят бўлими
http://t.me/Surxonadabiyoti

Oʻzbekiston Yozuvchilar uyushmasi Surxondaryo viloyat boʻlimi

Qadrli ijod ahli, ushbu kanal orqali siz Yozuvchilar Uyushmasi Surxondaryo viloyat boʻlimi faoliyati hamda adabiyot olamidagi turfa yangiliklar va ijodiy jarayonlar haqida maʼlumotlarga ega boʻlib borasiz...

404 0 10 7

To'ra Sulaymon

18 Mar 2024, 15:40

Репост из: Oʻzbekiston Yozuvchilar uyushmasi Surxondaryo viloyat boʻlimi

353 0 2 1

Показано 19 последних публикаций.

106

подписчиков

Статистика канала

Язык сайта

To'ra Sulaymon

Гео и язык канала

Категория

106

Популярное в канале