UzA | Tezkor xabarlar

#TAYINLOV

— Bobir Zoxir oʻgʻli Xamrayev Qishloq xoʻjaligi vazirligi huzuridagi Oʻsimliklar karantini va himoyasi agentligi direktorining birinchi oʻrinbosari etib tayinlandi.

Shu munosabat bilan Oʻsimliklar karantini va himoyasi agentligi bosh direktorining oʻrinbosari vazifasini bajaruvchi lavozimidan ozod qilindi.

— Ulugʻbek Mamadjanovich Yunusov Qishloq xoʻjaligi vazirligi huzuridagi Oʻsimliklar karantini va himoyasi agentligi direktori oʻrinbosari etib tayinlandi.

Shu munosabat bilan Nodirjon Validjanovich Kasimov Oʻsimliklar karantini va himoyasi agentligi bosh direktorining oʻrinbosari vazifasini bajaruvchi lavozimidan ozod qilindi.

Kanalga ulanish:
@uzauz

#TAYINLOV

— Shuxrat Abdumajidovich Djabbarov Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi raisining birinchi oʻrinbosari;

— Abrar Akmalovich Akbarov Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi raisining oʻrinbosari etib tayinlandi.

Kanalga ulanish:
@uzauz

DXXning Toshkent shahar boʻyicha boshqarmasi xodimlari tomonidan Toshkent shahri va Toshkent viloyati hududida bir nechta tezkor tadbir oʻtkazildi:

▪️Qibray tumanida yashovchi fuqaroning yashash xonadoni koʻzdan kechirilganda, sotish uchun tayyorlab qoʻyilgan 4 kg. 824 gr. “Mefedron”, 3 kg. 274 gr. “Spays” va 2 kg. 130 gr. “Alfa-PVP” sintetik giyohvandlik vositalari borligi aniqlandi.
Aniqlanishicha, ushbu narkotik moddalar Qozogʻistondan olib kelingan va kelgusida ularni kichik boʻlaklarga boʻlib, internet orqali sotish rejalashtirilgan.

▪️Boshqa holatda esa 3 dona avtomobil ehtiyot qismi (kardan vali) ichiga yashirilib, Rossiya Federatsiyasidan yuk avtomashinasida yuborilgan 3 kg. 780 gr. “Mefedron” sintetik giyohvandlik vositasini Toshkent viloyatining Zangiota tumanida qabul qilib olgan vaqtlarida, Toshkent shahrida yashovchi 2 nafar va Toshkent viloyatida istiqomat qiluvchi bir nafar shaxs ashyoviy dalillar bilan ushlandi. Aniqlanishicha, ushbu narkotik moddalar ham kichik boʻlaklarga boʻlingan holda, internet orqali mijozlarga sotilishi rejalashtirilgan.

▪️Sirdaryo viloyatida tugʻilgan fuqaroning Toshkent shahar Yangihayot tumanidagi vaqtincha yashash xonadoni koʻzdan kechirilganda 5 kg. 687 gr. “Pregabalin” kuchli taʼsir qiluvchi moddasi borligi maʼlum boʻldi. Mazkur shaxs Rossiya Federatsiyasidan keltirilgan ushbu kuchli taʼsir qiluvchi moddalarni kichik boʻlaklarda Yangihayot va Sergeli tumanlari hududidagi xufiya joylarga yashirib, soʻngra ularni “Telegram” messenjeri orqali mijozlarga sotishni reja qilgan.

Hozirda mazkur shaxslarga nisbatan jinoyat ishlari qoʻzgʻatilib, qamoq ehtiyot chorasi qoʻllanilgan.

Kanalga ulanish:
@uzauz