قصيدة يمه وينك

الزهراء عليها السلام تخاطب الحسين ع من المدينه الى كربلاء

يمه وينك ..انه امك هل اجيتك
يمه وينك ..والنبي وصه بثنيتك
يمه وينك والحزن صاير جرح
يمه وينك...يمه وينك
****
يمه جيتك من نويت اتسافر
انه امك فاطمه ولتهاجر
انته ياشمعه حياتي وخاطر
شاهدت يوم المصيبه العاشر

باجر انته ..عالارض جثه سليبه
باجر انته..ضلوع مسحوكَه غريبه
باجر انته.. الدمع ينزل ملح
يمه وينك ...يمه وينك
****
يمه دمعي نزله ينعاهم
وبدموع السبي حار وياهم
من شفتهم ع السفر مكَفاهم
ياهو مثلج يمه اترجاهم

ودعتهم ...والقلب عفته بديهم
ودعتهم ...كربله وصت عليهم
ودعتهم..شاهدت جرحه انفتح
يمه وينك ..يمه وينك
****
حالتي صعبه يايمه شجاك
ابيوم مكَفاكم مشه قلبي وراك
شال نبضه وبالوسط دك بهواك
انه وحدي والدهر ناوي هلاك

ناشدتهم..بالله ريض لاتسافر
ناشدتهم..كربله واليوم عاشر
ناشدتهم..صوب القلب برمح
يمه وينك ..يمه وينك
****
رايح اتروح المنايه لكربله
ابعيني اشوفنه العزيزه الفاضله
هايه زينب بت علي والعائله
حركَو اخيامج ييمه امعلعله

شبت النار ...والخيم رايح تهاجر
شبت النار ... وابعباتج كلها باجر
شبت النار... والدمه منه انسفح
يمه وينك ... يمه وينك
****
عيني تبرالج ييمه بالحرب
السبي اصبح قريب وبالدرب
من اشاهد محملج بيد الغرب
روحي مني اتروح لوشفت الضرب

ياحسيني..والدمع طفه المحاجر
ياحسيني..والرمح بالراس حاير
ياحسيني.. بكربله ماكو ربح
يمه وينك...يمه وينك
****
يمه يامذبوح ميت بالضمه
والبجت وياي افلاك السمه
رحت يامظلوم وامك فاطمه
شفت بس عينك عليه مسلهمه

دوريتك .. وانه ملجومه واكابر
دوريتك. .والقلب صاير مقابر
دوريتك.. مثل ليل ويه الصبح
يمه وينك ...يمه وينك
****
✍ جبار عبد الزهرة الشويلي