((((لسان حال حميده بنت مسلم بن عقيل ع)))))


بنيتك انه شلون ترضاها انولي
بابا ماكو ريحه من عمك علي

كلها راحت... روحي صاحت
بابا ماكو ريحه من عمك علي

*****

شايله بروحي سوالف كلها حيره
شلون تقبل انه وي زينب اسيره
بويه طاحت غفله اشيوخ العشيره
وبالحجار استقبلوا عمتي الاميره

والجروح... زادت بطكت العدو
والجروح... تلجم الما عدها ابو

لمن ناحت... روحي صاحت
بابا ماكو ريحه من عمك علي

*******

واكفه بنص الخيم بس يا عجيبه
كلهم اكبار ويتامه اعله المصيبه
بجال عمي ما صرت لحظه غريبه
يتماني الدم لمن خضب مشيبه

والعيون... شابحه ومامش كلف
والعيون... تنسطر لمن ترف

كلها طاحت... روحي صاحت
بابا ماكو ريحه من عمك علي

*********
انت هم تدري بمواقفنه العظيمه
انه ورقيه يتيمه تحب يتيمه
بيش نشكف هالحوافر والهظيمه
الخيل جابوها على ظلوعه الهشيمه

للانفاس... باقي لحظه وتنحبس
للانفاس... ابد ما عندي نفِس

غيض فاحت... روحي صاحت
بابا ماكو ريحه من عمك علي

*********

زغيره انه وماشفت عمري الحرايب
وابد ما شفت العقيله بلا حبايب
تدري اخوك حسين مرمي اعله الترايب
وكل بنات الزهره كعدن بالخرايب

والعيال... طشت بديرة غرب
والعيال... غربه والموقف صعب

عليك شاطت... روحي صاحت
بابا ماكو ريحه من عمك علي

**********

الكوفه صارت بويه كلش شو بعيده
عمري خلص بين مفجوعه وشريده
ريتك اتشاهدها حالتنه الجديده
بويه ما تعرفنه سكنه من حميده

والنساوين... طلعن بدرب السبي
والنساوين... جلبن بس بالعبي

عيني بادت... روحي صاحت
بابا ماكو ريحه من عمك علي

***********

سيد احمد الميالي

تم بفضل الله والحسين ع

https://t.me/ahmed_sa6