الشاعر كاظم المنظور الكربلائي

#ابوذيات_للزهراء_عليها_السلام
الشاعر الشيخ كاظم المنظور الكربلائي
"رحمه الله تعالى"



عگب عزنه علينه الدهر ينصاب
فجعنه وخله دمع العين ينصاب
أنه بت من ومني الضلع ينصاب
أو حمايه إمگيد إبحبل الوصيه
* * *
ثجيل الهم عله دهري يفضه
تراكم والصبر عني يفضه
سگط محسن دلحگيلي يفضه
يتمني الدهر وإنگطع بيّه
* * *
نشر حزنك عله راسي علامه
يبويه إو دم تهل عيني علامه
إبوجهي ظلت السطره علامه
أجيك إو شوف شنهو الصار بيه
* * *
عله عيني يمر النوم بسمار
شهد ما شفت من دنياي بسمار
عليله والضلع مصيوب بسمار
أنازع وأجرع إبچاس المنيه
* * *


الشاعر الشيخ كاظم المنظور الكربلائي
"رحمه الله تعالى"

#ابوذيات_للزهراء_عليها_السلام
الشاعر الشيخ كاظم المنظور الكربلائي
"رحمه الله تعالى"


عگب عزنه علينه الدهر ينصاب
فجعنه وخله دمع العين ينصاب
أنه بت من ومني الضلع ينصاب
أو حمايه إمگيد إبحبل الوصيه
* * *
نشر حزنك عله راسي علامه
يبويه إو دم تهل عيني علامه
إبوجهي ظلت السطره علامه
أجيك إو شوف شنهو الصار بيه
* * *


الشاعر الشيخ كاظم المنظور الكربلائي
"رحمه الله تعالى"

نعي «نصاري» لسان حال الزهراء "عليها السلام"
الشاعر الشيخ كاظم المنظور الكربلائي
"رحمه الله تعالى"


عگب عينك يبويه تعلم إشصار
بيّه وإشجره إبحالة الكرار
عله إفراگك مسهره إبليل وإنهار
إو عيني إتفجرت والدهر فجار
إو نار الباب وجّت بالگلب نار
إبكسر ضلعي إو صدري إنصاب بسمار
إو محسن سگط مني إبعتبت الدار
يبو إبراهيم ما تخفاك ألأخبار
إو مچتوف إبوصيتك حامي الجار
طلع مچتوف وإتحف بيه ألأخطار
إطلعت خلفه إو شفته الدهر جار
بمتوني رسم للصوت آثار
* * *

الشاعر الشيخ كاظم المنظور الكربلائي
"رحمه الله تعالى"

لطم «عجز هجري + حسيناوي» | آية مشهودة
الشاعر الشيخ كاظم المنظور الكربلائي
"رحمه الله تعالى"


فاطمه إمن المختار آيه مشهوده
والنجوم إلّي هوت من سماها إعله الدار
آيه مشهوده
* * *
صانع ألأكبر صنع صـور للأكوان
وأنشأ الزينه
نـور من خمسه سطع من سنه ألإحسان
زاد تكوينه
فاطمه إبهالمجتمع روح للوجدان
للوحي عينه
وإبثمر هالتكوين إنعرف معبوده
وإحنه بيهم نهتدي وإبولاهم نقتدي
وبيهم العالم صار آيه مشهوده
* * *
من محاسن فاطمه زهر بألآفاق
نور عصمتها
نوّر ألأرض وسمه إو تمت ألأخلاق
من كرامتها
عالشرف والغـانمه عقدت الميثاق
روح شيعتها
وإبولاها ألإيمان يزهر إوجوده
والعقيده الصادقه إبفاطمه متوثقه
ونورها إيطفي النار آيه مشهوده
* * *
كـوّن الشمس إو گمر وزاهرات إنجوم
للخلگ زُهره
الملك والجـن والبشر صاغها إبمرسوم
صادرت أمره
أنشـأ البر والبحر إو نشر بيها إعلوم
عصمة الزهره
وإبمحبتها إيفيض عالخلگ جوده
والبحور الجـاريه فلك بيهن ساريه
وألأفلاك التندار آيه مشهوده
* * *
لأُمته گام إبعلم يخطب المرسول
يعلن ألأعلم
للوحـي خطط رسم لايظل مجهول
وألأمر مدهم
إبدار من يهوه النجم بألأمر مسؤول
عگبي وألأقدم
موقف الحگ مشهود والوحي إشهوده
والنجم لمّن هوت إبدار أبو حسين وضوت
إبفاطمه يسطع نـور آيه مشهوده
* * *
إبشر إبشر يالتود ملجأ اليحميك
إبظل رعايتها
من فضيلتها إستمـد غانم ويغنيك
عن فضيلتها
إو بالحشر بأللـه إعتقد سرّ إلينجّيك
سر شفاعتها
عالصراط إيجزّيك حبك وزودك
إخذ بإسم النجدتك صك شفاعه العبرتك
إو من يمين الكـرار آيه مشهوده
* * *
موقـف إبيوم الحشر تصعب ومتهون
شدّة أهواله
لا بنين إو لا ذخر ينفع المديون
يحسن إبجاله
إبفاطمه إيهـون ألأمر والمحب مضمون
إو تنجح أعماله
وإحنه بالزهره إنفـوز نجزي إحدوده
إو دارنـه دار الخلد نطب بيها لا نعد
الجنه بيها أحرار آيه مشهوده
* * *


الشاعر الشيخ كاظم المنظور الكربلائي
"رحمه الله تعالى"

لطم «ميمر مذيل» | فاطمة بنت رسول اللّٰه "صلى ألله عليه وآله وسلم"
الشاعر الشيخ كاظم المنظور الكربلائي
"رحمه الله تعالى"


جتك البضعه امكدّره أو مظلومه يارحمة الله
* * *
بضعتك ياسيد الرسل من بعداك ظلت حزينه
ينحب گلبها اوينتب من فرگاك معلن ونينه
لاچن أخبرك شعملوا بيها اعداك وأهـل الضغينه
ظهروا الچانت بالگلب مضمومه يارحمة الله
* * *
اللهُ أكبر يوم هجموا عالدار من عگپ عينك
والباب من رادوا يوجوها ابنار روعو بنينك
رادتهم ايسحبون حماي الجار صارم يمينك
ليث العرب فارس اگروم الحومه يارحمة الله
* * *
من درو بالبضعه إلبدت خلف الباب جسروا عليها
من بضعتك تعلم البسمار اشصاب صوب ثديها
من العصر محسنها سگط بالأعتاب وراح امن اديها
ذلت الچانت بالخدر محشومه يا رحمة الله
* * *
اتمنيت حاضر يارسول الله اتشوف حال الزچيه
من سبحوا من الدار حيدر مچتوف راعي حميه
واتشوف لون أم الحسين المخطوف من هالرزيه
او بيدك تشد اضلوعها المهشومه يارحمة الله
* * *
ساگط حملها والنوايب تسعر نار ابگلبها
طلعت ابهالحاله تدورحيدر وتناجي ربها
ابطرف الـرده لاچن غدت تتعثر تايه دربها
لمن تگع تصعب عليها الگومه يا رحمة الله
* * *
والرد عليها رادته ايرجعها مغضب نحرها
من عيت ابسوطه الرجس لوعها ثنه اوسطرها
من لطم وجناها جره مدمعها اوعندك خبرها
هانوا البضعه الماجده المكرومه يا رحمة الله
* * *
للمسجد اتعنت الزهره ابهمه ولها إو حزينه
شاهدت بين الگوم عود اليمه وامچتفينه
اوشبله الحسن مفجوع واجف يمه معلن ونينه
اودمعة حسين العالوجن مسجومه يارحمة الله
* * *
خلو ابن عمي نادت ابدمع ايجود عالوجـن من دم
ساعه اوشلت راسي اودعيت المعبود وبحالي يعلم
والمسجد اتزلزل من ارياح السود راد ايتلايم
او ماجت أركانه الثابته المحكومه يا رحمة الله
* * *
حاير شوصف لك يسيد الأكوان حال الوديعه
حتى البچه منعوها عنه العدوان واهل الخديعه
ابوادي البقيع اسكنت بيت الاحزان تبچـي الشفيعه
عگبك او عاشت بالوصف مالومه يا رحمة الله
* * *
من دنت ساعتها اولفاها المحتوم عند المنيه
او لمن على المغسل طرحها الجيدوم حـامي الحميه
وابناظره من لاح ضلع المهشوم والله اشرزيه
اوشاهد امتون البالضرب موسومه يارحمة الله
* * *

الشاعر الشيخ كاظم المنظور الكربلائي
"رحمه الله تعالى"

شيعتي گعدة | الزهراء "عليها السلام" نور أبلج
الشاعر الشيخ كاظم المنظور الكربلائي
"رحمه الله تعالى"


للزهره عنوان يزهر بالأكوان
ماينطفي نوره يزهر ابكل صوره
للزهره عنوان
* * *
گبل ايجاد الوجود اقتضت للمعبود قدره
اوگبل ما يبتدي ابخلق العالم اوتكوين أمره
من سنه نور التقدس صاغ قدسية الزهره
من نشأت الكون اكملت قدسية الزهـــره زهت
اوشمس الديانة أزهرت اوبزغ للإسلام بدره
واتبـادر النور بالعالم اينور
نـور المعموره اويزهرابكل صوره
للزهره عنوان
* * *
اوغصت ببحور المعاني الغامضه واطلبت درها
شاهدت در الثمين ابعصمة الزهره اوثمرها
اوشاهدت عترة محمد نور يتلاطم بحرها
يالمحب لامـرك راجعه بالنور واعرف مطلعه
من الشفيعه امشفعه لو ردت تسمع خبرها
إنشد التنزيل وابضوه التأويل
آيـاته مذكوره اويزهر ابكل صوره
للزهره عنوان
* * *
طرت بجناح العقيدة او أثر توفيقي معيني
اولازمت ايمان گلبي اونوَّر الإيمان عيني
شفت تمهيد العوالم بالشرع دستور ديني
أعني الرسول اوعترته اوخلق العوالم زينته
من نـور عصمة بضعته اوثبت بالعصمه يقيني
وابناظري لاح للزهره مصباح
آثاره مأثوره اويزهر ابكل صوره
للزهره عنوان
* * *
ابناظر اللي شفت باري الكون والذروه العليه
طالعت سورة الكوثر وإعرفت فضل الزچيه
جعل ذرية محمد منها والحيدر هديه
نعمة الباري الدائمه حلت الحماي الحمه
فاطمه اوعصمة فاطمه هالهديه الجوهريه
أنجبت للديـن صفوة ميامين
واتشرع دستوره اويزهر ابكل صوره
للزهره عنوان
* * *
هذا تكوين الزچيه اونورها السامي مقامه
عاشت ابحجر النبوه اوماتت ابجنب الإمامه
اوبعد أبينلك شرفها اليظهر ابيوم القيامه
ابأفق الرساله امهلهله ابنور الإمامه امجمله
ابتاج الشفاعه امكلله من إلشرَّّفها كرامه
واتشاهد النـاس للعصمه نبراس
يتشعشع ابنـوره اويزهر ابكل صوره
للزهره عنوان
* * *
اشلون وگفة حزن وقفت فاطمه ابساعة المحشر
حامله راس الحسين اودمه من نحره ايتفجر
بالحسن تقسم على الله وابأجر گلبه التفطر
تدعي اومقدمة الدعه ترفع اچفوف امگطعه
من السگط بالمشرعه بيها ذنب الكون يغفر
تشفع للإسلام تسأل العلام
بضلـوع مكسوره اويزهر ابكل صوره
للزهره عنوان
* * *
بعد تتقدم ابشكوه اوتفجع الكونين بيها
او أجر شكواها الكرامه اوبالشفاعه امسجليها
تسأل الباري ابمصيبة زينب اوهجرة سبيها
ياربي تسمع شكوتي وياك أصالح دعوتي
امن النار تنجد شيعتي او بالخلد تنعم عليها
واحنه ابهالإحسان ندخـل بالإجنان
بذنوب مغفوره اويزهر ابكل صوره
للزهره عنوان
* * *


الشاعر الشيخ كاظم المنظور الكربلائي
"رحمه الله تعالى"

#قصائد_شهادة_فاطمة_الزهراء_عليها_السلام

الشاعر الشيخ كاظم المنظور الكربلائي
" رحمه الله تعالى"

شيعتي گعدة | عودة السبايا
الشاعر الشيخ كاظم المنظور الكربلائي
"رحمه الله تعالى"


ردينه من اليسر ردينه
ما تگعد إتشوف إشصار لا خيمه عدنه ولا دار
من اليسر ردينه
* * *
طرت بجناح النوايب والمصيبه إتحوم بيّه
وأصبحت يوم اربعين حسين بأرض الغاضريه
إسمعت ونة گلب لاهب من حنين الفاطميه
وإنشدت من هـاي التون نادوني حوراء الحزن
زينب عله إخوتها تحن إتصيح يرجال الحميه
إتعنينه المصرعكم إتعنينه
وإحنه إبحماكم خطار لا خيمه عدنه إو لا دار
من اليسر ردينه
* * *
إتگوم من يم گبر تگعد يم گبر زينب الحره
لمن وصلت گبر أخوها حسين طاحت عله الغبره
إتصيح يا شمعة إعيوني حسين يا مهجة الزهره
يحسين منهو الغسلك إو منهو البگبرك نزّلك
يحسين من طرني الفلك ما خفاك اليسر أمره
تبيينه واليوم إخذ تبيينه
من گلب يتجـادح نار لا خيمه عدنه إو لا دار
من اليسر ردينه
* * *
وإسمعت صرخة يتامه إو للشريعه إموجهيها
وإصرخت شنهو اليتامه إشصابها وإلمن بچيها
گالو إتريد الكفلها إمن الوطن وإلتزم بيها
وإتريد گبره إو مصرعه وإتوجهت للمشرعه
چفين عدها إمگطعه إو راحت إتدور عليها
الواليها وتعنت إلواليها
تصرخ يبن حامي الجـار لا خيمه عدنه إو لا دار
من اليسر ردينه
* * *
إشلون ساعة خطر بيها المجلس الطاغي إدخلونه
الجامعه إبرگبة عليلك والسلاسل عله إمتونه
آمر يزيد إبسجنّه والعليلك يذبحونه
ميريد من هاشم طفل سـالم يظل ما ينچتل
إو گادو السجاد إبحبل يمشي والجلاد دونه
ضجينه إبصرخة فزع ضجينه
يا حافظ إو يا ستار لا خيمه عدنه إو لا دار
من اليسر ردينه
* * *
إنصبت بالمجلس مصيبه إو ظل عليها الجفن دامي
راد يستخدم يتيمه من يتاماكم الشامي
إو گال هاي الحرم ملها لا كفيل إو لا محامي
صكيت وجهي إبراحتي إو فجرت دمعة غربتي
يحسين صارت چبدتي هدف لسهام المرامي
چا وينه ذاك الخدر چا وينه
راح الخـدر والعمّار لا خيمه عدنه إو لا دار
من اليسر ردينه
* * *
والحمس چبدي إو مردني صوت إبن هند إبقباحه
ينكث إبثغرك إو ثغرك للنبي وردة صباحه
إشما يشيل الخيزرانه إتصير لعيالك مناحه
يا ريت عگبك لا عشت إو لا شفت راسـك بالطشت
إو چم نايبه إلبيها إنصبت إو ما شفت يحسين راحه
يرمينه كلسا سهم يرمينه
أحّا يدهر الغدار لا خيمه عدنه إو لا دار
من اليسر ردينه
* * *
آنه زينب والنوايب تمل گلبي إو ما يملها
وإبذلت باليسر جهدي إو ردت أرد بالحرم كلها
إو من يتامالكم يتيمه باليسر وافت أجلها
عالطشت ملهوفه هوت ظنينه متعوبه إو غفت
ما ندري للموت أسلمت وإنگطع منك أملها
مسّينه إبريبه إو خطر مسّينه
لا حـارس إو نغّار لا خيمه عدنه إو لا دار
من اليسر ردينه
* * *


الشاعر الشيخ كاظم المنظور الكربلائي
"رحمه الله تعالى"

لطم «مجرشة مذيلة» | عودة السبايا من الشام
الشاعر الشيخ كاظم المنظور الكربلائي
"رحمه الله تعالى"


من الشـام ردينه من يدلينه
بالعلگمي وشـاطيه والعلم وابراعيه
وابيسراه وايمينـه من يدلينه
* * *
أحا يشاطي العلگمي طشر شملنه اصوابه وبعد إشيلمه
نيشن وصوب بالرمي وگلبي انكسر عالصابه وظهـر أبو اليمه
وگطع گلب كل فاطمي عالچفـّنه أمن اترابه وغسّله ابدمه
وخله إضلـوع محنيه لبن الزچيه
هالطايحات إچفوفه وانطفت شمعة شوفه
ابدم الفـاض من عينه من يدلينه
* * *
زينب أنه وإمحجبه إبفي العلم والوالي بيه أفجعوني
ما چنت بعد إمحسبه ينهدم خدري الغالي وإيچتفوني
أحا يشاطي النايبه سهمك مرد دلالي وفگس إعيوني
راح الشـوف من عيني من يدليني
بالجود واللي شاله وتضحه دون اعياله
وبالمذبـوح لسكينه من يدلينه
* * *
يالشاطي گلي اشچان الك ثار وطلبت ابثارك وهـدمت داري
چم طفل خليته ايهلك واحترگ گلبه ابنارك والنهر جاري
طريتنه وطرنه الفلك يالعلگمي واخطارك هيجت ناري
وين الخـاض جاريك وما شرب ميّك
وين التضحه الجوده للماي باع ازنوده
باللي راد يسجينه من يدلينه
* * *
يا كربله إعلينه الدهر بيچ إكثرت سطواته وشتت شملنـه
من گلب ليله إخذي الخبر ومن ونته وحسراته وجمرة حزنه
وما ظل دليل ومنفطر عالأكبر وطبراته وأيّسنه منه
يوم البيه حادينه سار إبسبينه
يا كربلا بالمصرع ظل الشباب إمكطع
ابشمعة نـور هادينه من يدلينه
* * *
يا كربلا وإخذي الصبر من رمله وابغربتها ومصرع ولدها
ومن الدهر ومن اليسر چم نايبه الصابتها هذا الضهدها
حسرة عرس جاسم جمر يتجادح هذا المردها
ورمله ابيوم ممشاها سهم الرماها
خلت شباب الجنه ابدم الوريد إمحنـّه
وعالبالدمـاه إمحنينه من يدلينه
***
يا كربلا وأُم الطفل بأمر الطفل محتاره لا تخليها
عشطان ابنها منچتل وللشام حملت ناره وردت عليها
يخمد گلبها ويشتعل ودموعها تتجاره لو در ثديها
تصرخ آه يعيوني بيك فجعوني
ما تهجـع إيخليها سهم الطفل صابيها
وبالفـرگاه سابينه من يدلينه
* * *
زينب أنه يا كربلا ولحسين جبت إعياله وضْحيلي أمره
خليت جثته إمثله من هجمت الخياله وهشمت صـدره
لبن أمي منهو الغسله ومن چفنه ومن شاله ونزله ابگبره
جبنه للراس ويانه وين الأمانه
إنواصل الـراس إبجسمه وبالدمع نغسل دمه
وبالعفناه إمگطعينه من يدلينه
* * *


الشاعر الشيخ كاظم المنظور الكربلائي
"رحمه الله تعالى"

لطم «بحر الطويل» | ليتك تعلم يا جابر
الشاعر الشيخ كاظم المنظور الكربلائي
"رحمه الله تعالى"



جابر ما دريت إشصار بالطف إو نواحيّه
إو ما تدري إبخـدر زينب راح إو مشت مسبيّه
* * *
يجابـر من دهتنه الخيل ريتك حاضر إبهالدار
إتعين إمودعة حيدر ما بين النهب والنار
من خيمه لعد خيمه تلم بأيتامها إو تندار
إو نوب إلي ترد إردود علي إو لعد حالي إتعود
وأنه إبحجر ألأجل ممدود
أعالج وأنزع إبروحي إلبالشدات مبليه
* * *
يجابر كربله هذي إبصوت الحزن ناديها
وإنشدها إو تسولفلك علينه إو شنذبح بيها
إو خوفي إعليك لا تنصاب من تسمع محاچيها
لاچن كـون تتورع لا تفزع إو لا تجزع
گلبك خاف يتگطع
مثل الدهر من گطعت علي الأكبر مواضيه
* * *
يجابر لا تناشدها تصيبك كربله بسهام
إو تطفي شمعة إوجـودك مثل شمعة عرس جسّام
إو خوفي يندهش حالك إو تصرخ صرخة ألأيتام
من جارت عليه الگوم إو مثل زينب تظل إتحوم
نوب إتعثر نوب إتگوم
إو تتحير إبهالوادي إو تنصاب إبمراميه
* * *
يجابر حن عله حالي إو ناشد كربله وياي
شلها إويا الطفل عتبه إو ما تسجيه شربـة ماي
جمرة عطش عبدألله تشب إو تنطفي بحشاي
خوفي بالنحـر تنصاب مثل نحر الرضيع إصواب
گبل حرمله إو هالنشاب
يجابر شفت نشّابه إبدم الطفل مطليه
* * *
يجابـر ورد إسولفلك إو خـايف يندهش نوعك
إو سهم العلگمي يرميك إو دم تتفجر إدموعك
والخيّط إضلوع حسين خوفي إيخيط إضلوعك
بس بالنوح ساعدني يجابر لا تناشدني
إعله أبويه حسين تضهدني
إجانه المهر وإمخضب إبدم إجروح راعيه
* * *
يجابـر ما چنت حاضر تشوف إشلون مرينه
عله نوگٍ هزل چنه إنودع إجسوم أهالينه
مفجوعين مسبيين فوگ السبي إمچتفينه
وآنه إبسلسله مشبوگ وإبچبدي يمس الطوگ
والشامت حده بالنوگ
إو عاف إجسوم أهالينه على التربان مرميه
* * *
يجابر والدرب كله عالناگه چنت مطروح
ثگل الگيد ضاهدني إو ماردني ثجيل النـوح
تغيب الروح من جسمي والجسمي ترد الروح
يجـابر سلمت أمـري لله إو مدرع إبصبري
إو من نوحي إنكسر ظهري
يجابر لو ردت آثار شوف إضلوعي محنيه
* * *
يجابر وأرد أسولفلك مصيبه الگلب منها إيذوب
خايف ما تشاگفها إو تگع من الرمـي مصيوب
طبتنه عله إبن إزياد فتحت للشماته بوب
وإبديوانه وگفتنه إشلون إسهام صابتنه
من تسمع مصيبتنه
يجابر ينفگد صبرك إو تتغير معانيه
* * *
يجابر بعد جـور الشام وإسهامه التفگس العين
خايف تنرمي بيها إو تصبر ما إلك تمكين
تشاهد زينب إبديوان توگف وإحنه متگيدين
إو لا مسلم إليدخـله إو لا واحــد من المله
يصد ليزيد وإيگله
إشفاف إلچان يلثمها محمد ليش مدميه
* * *


الشاعر الشيخ كاظم المنظور الكربلائي
"رحمه الله تعالى"

لطم «ميمر» | يوم أربعين الحسين "عليه السلام"
الشاعر الشيخ كاظم المنظور الكربلائي
"رحمه الله تعالى"


ضعن الفـواطم يحسين طب كربلا حاديها
* * *
من اليسر ردن بنات الهادي
الطف كربلا اورجنت ابحنها الوادي
اوعالگبر زينب اوچبت واتنادي
يحسين من كثر ابچاي عيني نشف جاريها
* * *
يبن أمي من خليتك اعلى الغبره
دم طبره من جسمك يكت ابطبره
بالله الچتل يحسين هين أمره
لاچن يبـو اليمه ليش لچفوفك امگطعيها ؟
* * *
الجمّال گص چفك الخاتم الخاتم ناله
والطمع غره اوهاي سوء أعماله
لاچن يخويه اشرادت الخياله
يبن أمي لضلوعك ليش بالحافر امهشميها ؟
* * *
يحسين ما مسلم إلحن الحالك
سهم المثلث جرَّه من دلالك
يبن أمي أدري بالسهم چتالك
اوذاك السهم مسجـي إسموم والچبدتك ماذيها
* * *
ضامي الگلب يحسين ذبحوك الگوم
اوظليت من شرب الميه محروم
امن الماي هل صح لك غسل يا مظلوم
لو جثتك يا مظلوم من دمك مغسليها ؟
* * *
يبن أمي ما تگعد تشاهد حالي
ابجمر المصايب منمرد دلالي
زينب أنا المحد يشوف اخيالي
عگب الخـدر للشامات أمشي ابيسر تاليها
* * *
يحسين يوم اللي مشه حادينه
اعله المعركه اعله اجسومكم مرينه
ردنه الموادع ما حصل بيدينه
يبن أمي واگلوب الـگوم خوف او رحم مابيها
* * *
يبن أمي ما تدري شنو الأذانه
اوشنهو الهظمنه اوشنهو البچانه
وگفونه بين ايدين ابن مرجانه
بحبـال من إيد الإيد لطفالك امچتفيها
* * *
واللي جرح گلبي جرح ما يلتام
الشام آه الشام من طبة الشام
الحال الأرامل من أصد والأيتام
تكسر الخـاطر وابنار گلبي يهيج إعليها
* * *
يحسين والثگل حنيني او نوحي
شاهدت عيني امصاب مارد روحي
ونة عليلك لچم بيها اجروحي
من كثرة الشامت گام ونْة الگلب يخفيها
* * *
يخفي ونينه لاچن ابروحه ايجود
ما يجزع او راضي ابقضاء المعبود
إيصد اليتاماك اودمع عينه ايجود
تبچي اعله حـاله الأيتام والونته اتنابيها
* * *

الشاعر الشيخ كاظم المنظور الكربلائي
"رحمه الله تعالى"

شيعتي گعدة | باليسر زينب عالحرم ظلها
الشاعر الشيخ كاظم المنظور الكربلائي
"رحمه الله تعالى"


باليسر زينب عالحـرم ظلها
ردّت بالعيال وإبروس أهلها
وإتصيح هاذي كربله چا وين أهلنه
إبحامـي الضعينه من يـدلينه
* * *
فرفرت عالظعن روحي من وصل للغاضريه
ريت ماي العمه إبعيني ولا تشوف الفاطميه
إبكل گلب جمرة أحزان وكل ضلع حدره شجيه
إشحال التروح إميسره ما نظل بعد إمخدره
وإتظل غريبه إمحيره وإـّحوفها المنيه
نسمع إبزينب لاچن يهالناس
إمن اليسر ردت تلطم عله الراس
وتصيح جينه إمن اليسر وين الكفلنه
إيحامـي الضعينه من يـدلينه
* * *
هالله هالله إشلون وگفه وگفت إبدار المخيم
صدت إبعين المصيبه وشاهدت خدر المهدم
إو چنها تتصور النار وخيمه عالخيمه
إـّلايم
صـاحت ومدمعها سجم إبيـا دار أنزل هالحرم
چا وين حراس الخيم إو وين البخدري توزم
دار الخيم هاي چانت زهيه
شو مظلمه اليوم يهل الحميه
ما تغمض إعيون الحرم موحش نزلنه
إبحامـي الضعينه من يـدلينه
* * *
إشلون لوجت گلب صارت بين الگبور ومحنّه
هاي إلتنادي يالأكبر يا شباب إلما تهنه
إو ذيچ تصرخ آ يجاسم معرس وبالدم تحنه
إو هاي إلتدور عالطفل وإتصيح والمدمع يهل
عطشان يبني وتنچتل والشرب محروم منه
گوس الذي صاب نحرك رماني
وإبناظري طاح سهمه وعماني
ظليت أنوحن وأنتحب وأجذب الونه
إبحامـي الضعينه من يـدلينه
* * *
إحضنت گبر حسين زينب تلثم إترابه وتشمه
خويه خليتك رميه إو جسمك إمغسل إبدمه
إمگطع إبحد المواضي إو حرت بيه إشلون ألمّه
فجـارنه إصواب الحجر چتفنه بحبال الدهر
إو سهم المثلث بألأثر مرد لب إحشاك سمه
من عگب عيناك ما نمت ليلي
والكوفه والشام هدمت حيلي
راسك عله راس الرمح يبره الظعَّنه
إبحامـي الضعينه من يـدلينه
* * *
إو چني إبزينب إتنادي يا ربات الخدر گومن
إوياي نمشي للشريعه إو يم گبر عباس حومن
وإحچن الصاير علينه إو لا تعتبن لا تلومن
عباس ما يحمل عتب من گطع إلچفوف السبب
يسرونه والعز إنسلب وإبضعيف الصوت حنن
عالشاطي عفناه غصباً علينه
وإنخبره بالصار من عگب عينه
چي ما حضرنه إنـودعه إو نعتذر منه
إبحامـي الضعينه من يـدلينه
* * *
يالطحت من عتب سكنه إو گطعت جسمك إلغيره
إبطيحتك دهري سباني وأجفي ديره وأطب ديره
صابني سهم إلبعينك إو يبس إبگلبي نميره
ألله يصواب العمد صوبني والعز إنفگد
لا ظل أخو إو لا ظل ولد إولاعمام إو لا عشيره
من عگب عيناك دهري ولاني
يا خويه ظليت آني وزماني
إو لا ظل حميم إو لا حمه إلبيه إنتچنه
إبحامـي الضعينه من يـدلينه
* * *


الشاعر الشيخ كاظم المنظور الكربلائي
"رحمه الله تعالى"

#للتذكير
٢٠٢١/٩/٢٨م المصادف ٢٠ صفر
زيارة الأربعين للإمام الحسين عليه السلام
و رجوع ضعن السبايا من الشام
لذلك سوف اقوم بنشر قصائد لهذه المناسبة الأليمة من نظم الشاعر الشيخ كاظم المنظور الكربلائي "رحمه الله تعالى"

#أبوذية
بحق الإمام السجاد "عليه السلام"
الشاعر الشيخ كاظم المنظور الكربلائي
"رحمه الله تعالى"

صوبني الدهـر سهمه ونابه
وكل ماتم عله إبن أمي ونابه
عليل الطف ينابيني ونابه
يون ظاهر وأنه ونتي خفيه

الشاعر الشيخ كاظم المنظور الكربلائي
"رحمه الله تعالى"

لطم «فائزي مذيل»| مصائب زين العابدين "عليه السلام"
الشاعر الشيخ كاظم المنظور الكربلائي
"رحمه الله تعالى"


بالسم گظه السجاد وإنمرد دلاله
والشـام آه الشام صاب العليل إسهام
وإنمرد دلاله
* * *
صابته إسهام النايبه وظلت تچيده
روحـه إبوريده
واليسر خله الجامعه تحفر إبجيده
روحه إبوريده
من صارم ألأزدي الشرگ هامة عضيده
روحه إبوريده
ومصاب ألأكبر صاب چبدته إو چتاله
ظل عالشباب إينوح يجرح الروح إبروح
وإنمرد دلاله
* * *
مرمي عله إفراش الولم والچبد عطب
جسمـه إيتگلب
إو فوگ الولم نار الضمه إبدلاله تلهب
جسمه إيتگلب
وسهم الرضيع إتركّز إبگلبه إو تصوب
جسمه إيتگلب
عالطفل روحه إتلوج والعين هماله
وسهم الطفل جراح وإيگطع السباح
وإنمرد دلاله
* * *
چان العليل إينازع إبحجر المنيه
بالغاضريه
ومن سمع رمله إتنادي يبني إنگطع بيّه
بالغاضريه
وجمر الولم شال وجذب ونّه خفيه
بالغاضريه
وإنصرع للعريس وألأجل يبراله
أحّـا يجاسم صاح صفگ الراح إبراح
وإنمرد دلاله
* * *
گلب العليل إشما يوّن يعلن ونينه
وألله إنسبينه
وإنهدم حيله من سمع صرخة إسكينه
وألله إنسبينه
طاح الچفيل إو رايته إو طاحت يمينه
وألله إنسبينه
مصرع گمر عدنـان صابه إو دهش حاله
إو صـاح إعله زينب صار وكت النهب والنار
وإنمرد دلاله
* * *
عالقبله بفراش الولم چان إيتهدد
گلبه إيتمرد
كلسا يموت ويحتيي بألله إيتشاهد
گلبه إيتمرد
ولن شاهد إبنحر الطفل سهم المحدد
گلبه إيتمرد
صاح اليريد الماي خل يگطع آماله
ما ظل رحم بالگوم مات الطفل محروم
وإنمرد دلاله
* * *
مالوم گلبه والولم نحل إعظامه
وحن عاليتامه
للخيم من رد المهر يسحب الجامه
وحن عاليتامه
والسرج مال إعله المهر والدم علامه
وحن عاليتامه
حسّب إحسـاب الشام وإبسبيت إعياله
صاح إعله زينب وين يا عمه طاح حسين
وإنمرد دلاله
* * *
إو مجلس الكوفه الما حمل كل گلب همّه
هـذا اليهمه
وإتركز إبچبده الحمل راس أبو اليمه
هذا اليهمه
وجمرة الشام الحرگته ويبست دمه
هذا اليهمه
والحرم يمه إتـلوع من عصي الجماله
وسهم الشماته الصاب گلبي إو غده عطّاب
وإنمرد دلاله
* * *

الشاعر الشيخ كاظم المنظور الكربلائي
"رحمه الله تعالى"

لطم «إهجيني»|زين العابدين "عليه السلام" يستعرض مصائب كربلاء
الشاعر الشيخ كاظم المنظور الكربلائي
"رحمه الله تعالى"



روحي إخلصت ودعوني سهم اليسر بعيونـي
من كربله إو ذبحتـها والزينب إو غربتها
سهم اليسر بعيوني
* * *
روحـي إخلصت وإتفطر گلبي إو ثجيله إهمومي
وإتگطع إبسبّاحه
إو حرگ المخيم يسعر يبس إبجسمي إدموعي
إو مسلوبه مني الراحه
سهم المثلث أثـر وإحرمني لذة نومي
وإبشفرته الجراحه
إو ظليت إعالج روحي من علتي وإجروحي
من حربته إو شفرتها والزينب إو غربتها
سهم اليسر بعيوني
* * *
أصفن وأحاچي گلبي يالگلب لا تمرمر
خليني تغمض عيني
ناداني يشهد ربي صوبني سهم ألأكبر
إوما أهجع إمخليني
حالاتي حـالة مسبي أنحب وأحن وأتحسر
سبي الحرم سابيني
يا گلبي گتله إتحمل وإمن الدهر وإتأمل
روحي إودنت ساعتها والزينب إو غربتها
سهم اليسر بعيوني
* * *
من شفت أبويـه إمگنطر والشمر گاطع نحره
والسيف شفته إبنحري
إبدم الوريد إمعفّر والخيل سحگت صدره
وأهجس السحگه إبصدري
دمعي إو دمـاه إتبادر وإمن الصواب المجره
إو هانت إجروحي إبصبري
فاضت يبويه إدموعي إو لسا بعدها إضلوعي
ما تنعدل حنيتها والزينب إو غربتها
سهم اليسر بعيوني
* * *
إشسوه الزمان إويايه صكني إو هدم مبنايه
إو هجمت عليّه إجنوده
والعلگمي جف مايه إو نار العطش بحشايه
إو گطع العمي إزنوده
راواني راعـي الرايه مرمي عالمسنّايه
إو عينه إبسهم ممروده
أحّـا يسهم الصابه وأهجس إبعيني إصوابه
إو عيني إنطفت شمعتها والزينب إو غربتها
سهم اليسر بعيوني
* * *
إو شاهدت بالطف لوعه غرزت إبگلبي الونّه
وإتفرست دلالي
جاسم إرماح إشموعه إبدم الشهاده إمحنه
والصابني چتالي
شفت الحرم مفجوعه إبـدم رگبته تتحنه
إو دمع المدامع هالي
هيچي عرس ما شفته بالغاضريـه إعرفته
من زفـّته حنتها والزينب إو غربتها
سهم اليسر بعيوني
* * *
إو شفت الرضيع الظامي وإبحضن ابوه إمّدد
من العطش وأهواله
إو شاهدت نحره الدامي مصيوب سهـم إمحدد
من حرمله إو چتاله
هانت عليّه إسهامي إو گلبي عليه إتمرد
إو كلسا أصير إبحاله
ما أدري شيطلبونه عطشـان وإيذبحونه
إلما حاسبت ذمتها والزينب إو غربتها
سهم اليسر بعيوني
* * *
إبذبحة هلي فجعوني وكلسا سـهم يرميني
والجمره تلذع جمره
من كربله مشـوني والسلسله بمتوني
إو للشام صار المسره
إبهالحال ما خلوني بالسم غـدر چتلوني
آ يا لزمان إو غدره
إو گلبي صبر ما يهتم لا بالچتل لا بالسم
آ يا الحـرم سبيتها والزينب إو غربتها
سهم اليسر بعيوني
* * *


الشاعر الشيخ كاظم المنظور الكربلائي
"رحمه الله تعالى"

شيعتي گعدة | سيد الساجدين "عليه السلام"
الشاعر الشيخ كاظم المنظور الكربلائي
"رحمه الله تعالى"

سيد السجـاد عد رب العباد
ناجح إبإيمانه والشرف عنوانه
سيد السجاد
* * *
محنة السجاد آيه إو آية الحكمه الرساله
ركزت دين الرسول إو نظمت شرع الديانه
إو نورت فكر البريه إبنور مصباح الجلاله
محنه إو معانيها الحكم إو باللوح من خـط القلم
إو من نهضة حسين العلم ربط بالمحنه إتصاله
والنفخة الصـور هالعلم منشور
والصبر وجدانـه والشرف عنوانه
سيد السجاد
* * *
محنة السجاد إلها ظاهر إو باطن معاني
معنه الظاهر ظليمه إو ثابته إبرگبة الجاني
إو بيها معنه باطنيه بنت للدين المباني
يا صاحب الفكره إعتبر هالمحنه وإبسرها إختبر
منتوج هالمحنه النصر إو ترجمة سبع المثاني
للباري توحيد للهادي تأييد
وضحّت قرآنه والشرف عنوانه
سيد السجاد
* * *
محنة السجاد بيها إعلوم رمزيه إو خفيه
مشعل إبنهضة حسين إو نور أفكاره القويه
إو صارم النهضه تجرد گطع گلب الجاهليه
إو زين العباد إبمحنته للباري ثبت حجته
إو للهادي صدق نصرتـه نصر دين ألله أو نبيّه
والصبر أحكام نشرت بألإسلام
وإرتفـع صيوانه والشرف عنوانه
سيد السجاد
* * *
محنة السجاد روح إبجسم وجدان العزيمه
علگت إشموع ألإنصاف إو طفت إشموع الظليمه
والد الباقر إبصبره أخذ للدين الغنيمه
بيها ألإسلام إتغنمت إو روح الديانه إتمتعت
إو روضة سعادتنه زهت من سنـا العصمه العظيمه
زهرت الكونين والعصمه للدين
شيدت بنيانه والشرف عنوانه
سيد السجاد
* * *
صبر أبو الباقر عظيم إو قدس الباري مقامه
وإجعله مشكاة حكمه إو حفظ مصباح ألإمامه
إوسير أفلاك العوالم من المبدأ للقيامه
صـابر إو فت گلبه الصبر وإتحمل إقيود ألأسر
والباري وافاه ألأجر توّجه إبتاج الكرامه
عالعـالم إيجود وإترصع الجود
من جوهـر إحسانه والشرف عنوانه
سيد السجاد
* * *

الشاعر الشيخ كاظم المنظور الكربلائي
"رحمه الله تعالى"

#للتذكير
اخواني الرواديد يوم ٢٥ محرم
المصادف ٢٠٢١/٩/٣م يوم الجمعة

ذكرى شهادة الإمام علي بن الحسين السجاد "عليه السلام" الذي استشهد مسموماً سنة ٩٤هـ
لذا اقتضي التنويه و سوف اقوم نشر القصائد لهذه المناسبة الأليمة من نظم الشاعر الشيخ كاظم المنظور الكربلائي
"رحمه الله تعالى"

شيعتي گعدة | حيرة الحوراء زينب عليها السلام
الشاعر الشيخ كاظم المنظور الكربلائي
"رحمه الله تعالى"

يحسين صوبني زمانـي إبسهم چتال
وإتغير الحال
إو سموني من بعد الخدر زينب المسبيه
* * *
من إجاني المهر خالي صابني إو صوّب دليلي
يصهل إينادي الظليمه إو من صهيله إنهدم حيلي
إو سهرت إعله الحرم عيني إو ما نمت يحسين ليلي
إو عميت إعيوني إمن السهر من سمع بأيام الدهر
حرمه إو تحامي إمن الخطر إو عيني تتربه إبچفيلي
والدهـر لمن كف علمنه كف ألإظلال
وإتغير الحال
طاح الموزم والخدر طاحت مبانيه
* * *
آه وإلآه إشيضمد يا جرح بجروح گلبي
مسهره وأرعه اليتامه إو عالعليل إعيوني تربي
وأصبحت يحسين ولهه إو لا أوچد بعد دربي
إو من جدمو فوگ الهزل شبگو يتامانه إبحبل
بين أرمله إو طفله إو طفل حرت واليرعاني ربي
وإبغير والي إعله الهزل شيركب العيال
وإتغير الحال
وآنه إبغرب متحيره إو بعيال مبليه
* * *
والگطع سباح گلبي إو سحن من جسمي المفاصل
زين العباد إمن اشوفه إيلوج من ثگل السلاسل
إو تحفر الجامعه إبجيده إو گلبه يتواگد مشاعل
من يون تثگل ونتي أحّا يجمرة غربتي
ما تنطفي من جمرتي والدمع لمصابه هامل
يبن أمي وأشچيلك هظم من عصي الجمّال
وإتغير الحال
وإشحال ضعن المنسبي والشمر حاديّه
* * *
هاك إخذ من بعض عتبي خوفي المعاتب يضهدك
إو وليّة الشمّات وليّه والخبر يحسين عندك
طبة الكوفه إمردتني مثل سهم المرد چبدك
بالكوفه ما تدري إشجره بعيالك المتيسره
متشمته إم مستبشره إو ضيعونه وحگ جدك
ردونه لبن إزياد وإمگيدينه بحبال
وإتغير الحال
يبن أمي وإبن إزياد ما يخفاك ماضيّه
* * *
إنصبت يحسين إبمصايب والأشد وأعظم عليه
سهم من الكوفه صكني أمضه من الغاضريه
توگف إبديوان زينب ؟ من سمع يهل الحميه
وإحملت بالكوفه سگم من يولي ميعف الخصم
إو شاهدت يبن أمي ظلم علته إبگلبي خفيه
إو ظليت أداوي علتي والدمع همال
وإتغير الحال
وإضلوعي مثل إضلوعك إعله الدين محنيه
* * *
إجروح إلأبگلبي ثجيله وإنصبت بالكوفه حربه
وإطلعت مصيوبه منها وإگطعت للشام دربه
إو عالرمح راسك إگبالي شايله إلميخاف ربه
مصبوغه بالدم شيبته تسبي الفواطم شوفته
إو تثگل عليلك ونّته إو محتسب والباري حسبه
إو طبتنه للشام إو علينه الخطـر ينهال
وإتغير الحال
إو طلعت الناس إمعيّده إو بالجهل مغويّه
* * *
هالله هالله إشلون حاله بيها للمجلس دخلته
إيزيد نوبه إيصد علينه إويصد نوبه إلروس أهلنه
وإنعشت روحه الشماته إو گام بالخمره إيتهنه
وإحنه إنتروع بالچتل إو ينضرب لو صـاح الطفل
إو چبدة عليلك تشتعل من أثر جمرة إلونّه
غير الصبر ما لم شملنه إو ريَّح البال
وإتغيرالحال
إو نور الصبر يجلي الهظم عن گلب راعيه
* * *

الشاعر الشيخ كاظم المنظور الكربلائي
"رحمه الله تعالى"

شيعتي گعدة | الحوراء زينب "عليه السلام" في غربتها .
الشاعر الشيخ كاظم المنظور الكربلائي
"رحمه الله تعالى"


لحـد يمن بإسم الكفاله إنطيت الچفوف
ما تگعد إتشوف
زينب غريبه إمحيره والدهر سابيها
* * *
إشلون صيحة حزن صاحت من گلب مجمور لاهب
زينب الكبره تراني هَيه يا حادي الرچايب
بالظعن سانف يحادي وإنزل إبدار النوايب
من نزلو إبطف كربله كبّر صريخ العياله
وين النِزِل صارو هله وين حنِّية الگرايب
وأدري يبو فاضل ترد لهفة الملهوف
ما تگعد إتشوف
حال الغريبه إلعافت إبهالدار واليها
* * *
من طحت دون الشريعه إو طاح من چفك لوانه
هجمة الخيل أدهشتنه حرم والعسكر ولانه
والمخيم نار وجت والنهب صار إبحمانه
ألله الله إشجره بعيالك المتخدره
لا خيمه عدنـه إو لا ذره ريت عينك لا ترانه
ضيعت حماها إلعـده إو ضيعت المعروف
ما تگعد إتشوف
إمتون اليتامه إمن العصي وإتشاهد إشبيها
* * *
آه وإلآه إشيبرد من جمر گلبي إلتعطب
لو چنت يا گمر هاشم عدل ما تنهان زينب
عن يتاماكم تشاجف والسياط إعليها تلعب
ظهرية الحادي عشر سبي الفواطم من سدر
من العليل إخذ الخبر إشلون بالسلسله إتعذب
وإشلون بحبال اليسر عالناگه مچتوف
ما تگعد إتشوف
وإبرگبته إمن الجامعه چم جرح تلگيها
* * *
أرد أسولفلك وأخاف ألچم إصواب إلماذي عيننك
صحت بأرض الكوفه صيحه يا چفيل الظعن وينك
گوم شوف إمخدراتك وإنظر إلحالة بنينك
مِنّْ السياط إملوعه وإمن الچتل متروعه
إو مرعوبه من الفـاجعه إي وحگ گطعة يمينك
وإمعيّده الكوفه إبسبينه إو تدگ بدفوف ما تگعد إتشوف
من أثر ذاك اليوم ما يبطل بواچيها
* * *
هالله هالله إشلون ساعة خطر مرت عاليساره
إو گلبي خايف عالعليل إو أبد ما ياخذ قراره
من سمع من گال زينب توگف إبقصر ألإماره
بحبال دهري إتچتفت ما بين ألأجناب إو گفت
وإنصبت وألله إنصبت سهم ما لإدواه چاره
إو من هالسهم مثلك تراني فاجده الشوف
ما تگعد إتشوف
سهم الشماته من يصيب إلعين يعميها
* * *
والدرب كله إعله بالي چنت يا حامي الظعينه
أذكر أيامك إو گلبي جمر يتلاهب حنينه
والعيال إتصيح وين العلم والعباس وينه
أحّا يجمرة مصرعه وإچفوف زوده إمگطعه
إو ظل نايم إعله المشرعه إو عگبه ما يدري إنسبينه
إو تنخـاك چانت من عليها النايبه إتطوف
ما تگعد إتشوف
يا بو الفض سهر الليالي إشكثر ماذيها
* * *
والسبي گابل الشام إو گابل إسهام الشماته
كثر بعيالك رميها إو ما گصر عن ما ضياته
والخطرعم إو عليلك صرنه نتخاطر حياته
وإعيوني لمصابه إتهمل إو كلسا يروعونه إبچتل
ريتك يبو فاضل عدل والسبي تدرك صفاته
وإتأمن إگلوب الحـرم من رجفة الخوف
ما تگعد إتشوف
عين الشماته إلگطِّعت گلبي إبمواضيها
* * *


الشاعر الشيخ كاظم المنظور الكربلائي
"رحمه الله تعالى"