الشاعر والرادود موسئ الخادم

السلام عليكم اخوتي خدام الحسين في الايام المقبلة سوف يتم نشر قصائد الليالي الفاطمية… الرواية الثانية

⏰ إرسال الآن

يا يوسف الزهرة… جم كبه جم حضره
باجر .. ابلطعتك .. تبني للزهرة
… .
هالسؤال ايدور بعقول الملايين
ابطعلتك باجر يمهدي ياضوه العين
جم صحن للزهره تبني ابهاي الايدين
وجم مناره وكبه تشبه كبه حسين

ياصاحب الطلعه… موعدنا ياجمعه
بيهة ...يبن الحسن… حقك اترجعه
… ..
يابو صالح ننتظر منك بشارة
حيل ملهوفه الاكلوب اعله الزيارة
يمتى هذا اليوم يحصل انطي اشاره
بنتظاره بنتظاره بنتظاره

كل عاشك ومغرم … ابهذا الامر مهتم
الفجرك… امتاني… وابرايته امحزم

……
حلم بينه ايعيش يا راعي الحمية
انشوف للزهرة ضريح اليزهي ضيه
ويمهة نحييها الليالي الفاطمية
باللطم والنوح والدمعه الجرية

كل مجلس انقيمه… بسمك يبو الشيمه
واللطم… عالصدر… نهدي تعزيه
… ..
يمتى ننصبها المواكب يم كبرها
وهلا بالزاير نصيح الي حضرها
خدمة الزهرة عظيمه يا كبرها
انبياء الله اخدموها من زغرها

كل خادم امنيته … يخدمه واليته
ابروحهة ..الهة يعزب… وابهل بيته
… .
نعتني مشايه للزهرة حلمنه
مثل يوم الاربعين ايرف علمنه
لام حسن زوار يسجل اسمنه
وتحت كبته الشريفه اتلم شلمنه

نتعنه مشايه… رايه اباثر رايه
للمدينه … نوصل … المظلومة بقرايه
……
جم زياره المرت وما جينه ليها
والسبب معروف ما نندل نجيها
مخفي كبر الزهره دلينه عليها
ليش ذكراها تمر ما نعتنيها

يالعل جرح صابر… وين الكبر صاير
فدوه… دلينه يمهدي… نكسر الخاطر
…… .

الحمد الله رب العالمين ..
اللهم صل على محمد وال محمد
موسى الخادم

وردة 🌹 الله ذبلوهة
بعد موتي عطشوهه
مارحمو ابد بيهة
لا راعو بواجيهة
بعد موتي عطشوهه
……
ترفه مثل الوردة جانت بنتي بنتي
عطر جنت الله بيهة وحك بختي
اشكثر حسدوني عليه من صحبتي
اليوم ردت ليه ذبلانه كبرتي

حيل متغير رسمهه
معرفتهة لانه لامهه
جم هضم السده اعليهة
مارحمو بواجيهة
… .
بعد موتي شافت انواع المصايب
فوك خدهه الدمع ليل انهار سايب
بنت بيت احزانهة بدمع وترايب
وسكنت اوياهة المصايب والنوايب


ليل وانهار الزجية
امرافكة الدمعه الجرية
مسموعه نواعيهة

……
منعو الزهرة علية تبجي ياناس
بنيت بيت احزان الهة خالي الانفاس
اثمنطعش عمر الزجية وشابت الراس
راحة ما شافت عكب موتي امن الارجاس

اثمنطعش عام الحبيبه
شوفوهة اجم مصيبه
كثر الهضم ماذيهة
……
حكة لو ماتت الزهرة من هضمهة
الله لا ينطيه كل واحد ظلمهة
بالقيامة اهناك نوكف انه ومهة
انطالب ابحق الزجية السال دمهة

بالحشر اول قضية
من كسر ظلع الزجية
من غير معانيهة
……
الجنت اسميهم اصحابي بية غدرو
من بعد موتي بحقدهم داري حركو
خلف باب الدار ظلع ابنيتي عصرو
ابلا رحم كسرو ظلعهة وكلبي كسرو

ما رعوهة وما رعوني
ابسطرت العين اهضموني
ايد انمدت اعليهة
… .
خانو الزاد وملح عبّاد الاصنام
اتأمرو بعدي اعله حيدر روح الاسلام
نصبو غيره خليفه ايقيم الاحكام
حقه غصبو بالخلافه كوم ظلام

غصبو الحق والخلافه
وجتفو اجفوف الترافه
قصة بدمعي ارويهة

… .

الحمدالله رب العالمين
اللهم صل على محمد وال محمد
موسى الخادم

ابعمر اثمنطعش… شالوها ابنعش
ليش… ليش
مكسورة ظلع… واتصب الدمع…
ليش… ليش

……
هاي ام الحسن هاي… هاي الطاهرة
ليش ابدال القصور .. تسكن مكبرة
الله ايساعدة حسين… عالصار وجرة
فكد امه تراه حيل… كاسر خاطرة

بيت ابلا ام… ما يخله الهضم … ليش ليش
… .
عمر الزهراء ياناس… كله اثمنطعش
ماتت و الظلع بي… بسمار انقش
ليش ابظلمت الليل… شالوها ابنعش
وليش اعيون الايتام… صايبهة العطش

امهم فاركو… والدنيه أكرهو . . ليش ليش
… ..
ام الحسن وحسين… عانت من زغر
ما شافت ابد يوم… راحه بالعمر
ضيم وقهر والالم…بالزهرة اشكثر
اوحيده ابلايه خوان… خاواها الصبر

جم حسره اتعلي … عافت عد علي… ليش… ليش
… ..
دنيت حيدر اليوم ..ظلمه ابلا ضوه
يتعثر ابممشاه ..والظهر التوه
افراك الزهره خلاها ..ابعازه الكل هوه
ميت يمشي عالكاع … ماجنه هوه

اتغيرت حالته … غابت ضحكته.. ليش
..
جرح الفاكد اعزيز… يشفه بشوفته
وحيدر مثل هاليوم… ودع سلوته
الله ايساعدة اشلون… صبّر حالته
ساعت هال الاتراب ... فوك ارويحته

ماظل بي نفس .. ما سمعوله حس… ليش ليش

… ..
الحمدالله رب العالمين
اللهم صل على محمد وال محمد
موسى الخادم

السلام عليكم اخوتي خدام الحسين في الايام المقبلة سوف يتم نشر قصائد الليالي الفاطمية… الرواية الاولى .

⏰ إرسال الآن

حكك يخوية معرفتني اني زينب
كثر المصايب غيرتني شاهد الرب
غيرني السبي يبن الطالبي
.....
تمنيت .... كبل هالساعة ميتة ولا سبوني
تمنيت .... كمر هاشم عدل من شتموني
تمنيت .... يشوف اشلون بالسوط اضربوني
تمنيت .... كبل عينة السهم صوب عيوني

ولا شفتة مرمي عالنهر دمة يتجارة
متهشمة هامة مكطعة ايمينة ويسارة
عباس الابي يبن لطالبي
.....
عالراس .... يضربوني المابيهم حمية
عالراس .... اشابك صرت انة بثنين ادية
عالراس .... عباتي متربة وتشهد رقية
عالراس .... شلت ضيم ومصاب الغاضرية

لا خيمة ظلت عندي لا كافل يجيني
بس الشمر كلساعة يسطرني علة عيني
شر الاجنبي يبن الطالبي
.....
سبوني .... يخوية محمد وهاي الهضيمة
سبوني .... بلا كافل بقيت بلاية خيمة
سبوني .... سبوني وسلبو طفلة يتيمة
سبوني .... مشيت عالجمر حافي الظليمة

انة الاميرة ومن بعد عزي ودلالي
صرت السبية والغرب شافو خيالي
حركوهة العبي يبن الطالبي
......
يخوية .... عذرتك خوية حكك معرفتني
يخوية .... سياط متوني هية الغيرتني
يخوية .... مصايب كربلة كثرة السبتني
يخوية .... شسولفلك على امة المارعتني

كل رحمة مابيهم يبن حامي الحمية
منهم شفت كل المصايب والاذية
خانو للنبي يبن الطالبي
......
عالحسين ..... لتنشدني الظلع مكسور شفتة
عالحسين ..... اون وانحب صرت ياخوية سكتة
عالحسين ..... شسولفلك على التربان عفتة
عالحسين ..... جثيرة اجروح صدك ما عرفتة

شحجي وشسولفلك بعد محتارة حيرة
حز الشمر نحر السبط كاداني اسيرة
خالف مطلبي يبن الطالبي
......

الحمد الله رب العالمين ..
اللهم صل على محمد وال محمد
موسى الخادم.

تسعة وتلاثين يـوم امفـاركتكم
حـيل محتامة أعلى شوفتكم اختكم
يمـــكم اليوم اعتنيت
ومو دمع من دم بجيت
.......................................
من بعد ضيم السبي ... جيتكم احبي حبي ... ما جيكم اشلــــون
جيت محنية ظهر ... امحملة اهموم وقهــر ... خــوتي تسمعون
يغلى كل ناسي وهــلي ... غيركم محد الي ... فـــدوة تــرجعون
للحزن صدري انشرح ... والجفن يامة أنجرح ... بدموع العيون

كثرة ألمصايب سبتني ناشدتكم .... حـــيل محتامة أعلى شوفتكم اختكم
يمـــكم اليوم اعتنيت
ومو دمع من دم بجيت
.......................................
خوية يحسين البدر ... جيتك وارجو العذر ... من عندك اليوم
جبت رأسك تذكرة ... أسنون منة امكسرة ... مـو بيدي لتلوم
حرمة انه إبلا حمة. .. بالمصاب أمحزمة ... وبكثر الهـموم
راحة بعدك ما شفت ... لربعينك ساهرت ... أعلم يمظــــلوم

لحضة عيني ما غفت بيهن شلتكم ... حـــيل محتامة أعلى شوفتكم اختكم
يمــكم اليوم اعتنيت
ومو دمع من دم بجيت
…… ..
خوية عباس الشهم ... ريحة الخوة اشـم ... من كبرك تفــــوح
ميت وتنبع وفــة... يا عظــــيم المـــعرفة ... بــلسم للجــــروح
يا أماني بغربتي ... أكعد اسمـــع شكوتي ... خوية اسمع النوح
انه بعدك حايرة ... مـــوتي أعـــلم ناطــــرة ... ياخذني وبـروح

شلي بسنين العمر يالــــودعتكم .... حـيل محتامة أعلى شوفتكم اختكم
يمــكم اليوم اعتنيت
ومو دمع من دم بجيت
........................................
ليش ما واحد كعــــد .... والسلام أعليـــة رد ... منكم يالاحـباب
خوفي لا حاصل زعـل ... ودعتكم بالعــجل ... موبـــيدي بكتاب
مو طبعكم يخوتي ... ما تجوني بغـــربتـي ... وأنه أم الـــمصاب
ابمجلس ايزيد اوكفت... غيـــركم لا ما شفت ... بعــيوني يـنهاب

ما شفت بالمجلس ارجال المثلكم ... حـــيل محتامة أعلى شوفتكم اختكم
يمـــكم اليوم اعتنيت
ومو دمع من دم بجيت
.....

ما أشوف الكم ذجر... بس اللكبور الخضر... يا وسفة يا حيـف
ما أشوفنكم بعــــد .... يلي جنتولي الســــند ... مروني باللطيف
بعد ما نكعـد سوى .... ولا تشمون الهـــوة ... لا بالشتة وصيف
أخ يعزاز الكلب .... راح ارد وحدي ابدرب ... ما يكرم الضيف

اشلون اردأ للوطن وحدي ردتكم ... حيل محتامة أعلى شوفتكم اختكم
يمــكم اليوم اعتنيت
ومو دمع من دم بجيت

........
الحمد لله رب العالمين
اللهم صل على محمد وال محمد
موسى الخادم