🕋مزگەوتەکان دەکرێنەوە و سبەی نوێژى هەینى بە کۆمەڵ ئەنجام دەدرێت ان شاء الله 🕋
ـ سوپاس بۆ تۆ خوایە گیان پاشان
ـ سوپاس بۆ مامۆستایانی ئاینی ئەوانەی بە حەق خەمی خەڵکیان بوو وە
ـ سوپاس بۆ حکومەتی هەرێمی کوردستان بەگشتی و بە تایبەت
ـ وەزارەتی تەندروستی و
ـ وەزارەتی ناوخۆ و
ـ وەزارەتی پێشمەرگە و
ـ تیمەکانی بەرەنگاربوونەی خۆپارێزێ دژی ڤایرۆسی کۆرۆنا

تەندروستى سلێمانى رایدەگەیەنێت،
سەرجەم مزگەوتەکانى شارى سلێمانى لە ئێوارەى ئەمڕۆوە دەتوانرێت بکرێنەوە
ئاماژە بەوەش دەکات پێویستە رێنماییە تەندروستیەکان بە تەواوى جێبەجێ بکرێن.

شێخ عەبدوڵا ئەحمەد، جێگری بەڕێوەبەری گشتی تەندروستی سلێمانی بۆ کاروبارى کارگێڕى، بە دیجیتاڵ میدیاى ؟؟؟ ى راگەیاند، لە لایەن (10) تیمى تەندروستیەوە سەرجەم مزگەوتەکانى شارى سلێمانى پاککراونەتەوە و دەرمانڕێژکراون.



ئاماژەى بەوەکرد، لە ئێوارەى ئەمڕۆوە دەتوانرێت سەرجەم مزگەوتەکان بکرێنەوە، "ئێمە هیچ لاریەکمان لە کردنەوەى مزگەوتەکان نییە و دەتوانرێت سبەی نوێژى هەینى بە کۆمەڵ ئەنجام بدرێت".

جێگری بەڕێوەبەری گشتی تەندروستی سلێمانی بۆ کاروبارى کارگێڕى وتیشى، سوپاسى مامۆستایانى ئایینى و هاوڵاتیان دەکەین، کە لەسەرەتاى بڵاوبونەوەى ڤایرۆسى کۆرۆنا، بۆ خۆپارێزى لە ڤایرۆسەکە، بەدەم داواکاریەکانمانەوە هاتن و دەرگاى مزگەوتەکان داخران

٨ - ٥ - ٢٠٢٠
پێنج شەممە

بەڕێوبەرایەتی گشتی تەندروستی سلێمانی