የተያዙ ሰዎች መብት

በኢትዮጵያ ፌዴራላዊ ዲሞክራሲያዊ ሪፐብሊክ ሕገ-መንግስት አንቀጽ 19 መሰረት ወንጀል ፈጽመዋል ተብለው የተያዙ ሰዎች የሚከተሉት መብቶች አሏቸዉ፡፡

1, የቀረበባቸውን ክስና ምክንያቶቹን በዝርዝር ወዲያውኑ በሚገባቸው ቋንቋ የመነገር መብት አላቸው፡፡ ይህ መብት ከሕገ- መንግስቱ በተጨማሪ በሲቪል እና ፖለቲካ መብቶች አለም አቀፍ ቃል ኪዳን አንቀጽ 9/2/ ስር የተቀመጠ ሲሆን በዚህም መሰረት ማንኛው ሰው በሚያዝበት ጊዜ የተያዘበትን ምክንያት የቀረበበትን ክስ ምንነት ወዲያውኑ የማወቅ መብት አለው፡፡

2, የተያዙ ሰዎች ላለመናገር መብት አላቸው፣ የሚሰጡትን ማንኛውም ቃል ፍርድ ቤት በማስረጃነት ሊቀርብባቸው ስለሚችል መረዳት በሚችሉት ቋንቋ እንደተያዙ ወዲያዉኑ ማስገንዘቢያ እንዲሰጣቸው መብት አላቸው፡ ስለሆነም ማንኛውም ሰው በፖሊስ ወይም ስልጣን ባለው ሌላ አካል ከተያዘ በኋላ ስለቀረበበት ክስም ሆነ ስለሌላ ጉዳይ አልናገርም የማለት ሙሉ መብት አለው፡፡ በተጨማሪም የተያዙ ሰዎች በራሳቸው ላይ በማስረጃነት ሊቀርብ የሚችል የእምነት ቃል እንዲሰጡ ወይም ማናቸውንም ማስረጃ እንዲያምኑ አይገደዱም ይህ ባይሆንና የተሰጣቸውን ህገ-መንግስታዊ ያለመናገርና ተገዶ ያለማመን መብት በመጣስ ማንኛውም ማስረጃ በማስገደድ ቢገኝ ይህ ማስረጃ ተቀባይነት እንደማይኖረው እና ውድቅ እንደሚደረግ ህገ-መንግስቱ ይደነግጋል፡፡

3, የተያዙ ሰዎች በ48 ሰዓት ውስጥ ፍርድ ቤት የመቅረብ መብት አላቸው ይህም ጊዜ ሰዎቹ ከተያዙበት ቦታ ለመምጣት አግባብ ባለው ግምት የሚጠይቀውን ጊዜ አይጨምርም፡፡ ወዲያውኑ ፍርድ ቤት እንደቀረቡ በተጠረጠሩበት ወንጀል ለመታሰር የሚበቃ ምክንያት ያለ መሆኑ ታይቶ እንዲገለጽላቸው መብት አላቸው ፍርድ ቤትም በቂ ምክንያት ካላገኘ ሰውየው እንዲለቀቅ ትዕዛዝ መስጠት አለበት፡፡

4, የተያዙ ሰዎች በዋስ የመፈታት አላቸው፡፡ ሆኖም በህግ በተደነገጉ ልዩ ልዩ ሁኔታዎች ፍርድ ቤት ዋስትና ላለመቀበል ወይም በገደብ መፍታትን ጨምሮ በቂ የሆነ የዋስትና ማረጋገጫ እንዲቀርብ ማዘዝ ይችላል፡፡

#ሀገራችንን_ሠላም_ያድርግልን🙏

@Ethiopianlaw_s
@Ethiopianlaw_s
@Ethiopianlaw_s