قوم امشي أقرا

أن نسعى لنصل وأن نجتهد لنرى ثمار الجهد🤔


عام خلف عام تأخر نضج الثمار من حولي نضجت ثمارهم أراهم كل يوم يتفاخرون بثمارهم 😩

لماذا أنا أين الخطأ ألم أجتهد بالطريقة المناسبة ما الذي حدث أضعت الطريق😖

الحقيقة أننا نتبع طرق وسرعات مختلفة تراني أمامك اليوم وغداً لا 🥺

💌 علمتني الحياة :-

💬 أنني لست بمتقدم عن أحد ولا متأخر على أحد لكل منا مساره الخاص وسرعته الخاصة 🤗

💬طلب السعي والإجتهاد و أن نستمتع بالرحلة ونكتسب من بحر الخبرات 😌☝🏼

💬ولم يطلب مني بالضرورة الوصول لتلك الوجهة تتبدل الوجهات والأحلام ☝🏼

فقط تأكد من أن رحمة الله وعوضه قادم لا محالة😌✋🏻


ملاذ عبد الرحمن
#قوم_أمشي_أقرا

اعرف هدفك وانطلق🎯

بعد شفنا أهمية الأهداف في حياتنا، تعال معاي نتكلم عن إنه كيف نحدد الأهداف دي؟
ركز معاي ويلا بينا🔥💙
شوف يا رفيق، تحديد الأهداف بخليك توجه طاقتك ووقتك للحاجة البتهمّك في الوقت المناسب ليها، ممكن تكون فترتها قصيرة زي أسبوع مثلاً، أو طويلة زي أداء عمل أو مهنة ناجحة في حياتك.
وأهميتها بتجينا في إنّها :
1_بتساعدنا نركّز على الأمور المهمّة.
2_بتحفزنا وبتكسبنا الدافع.
3_بتعزّز ثقتنا بنفسنا.
4_بتساعدنا نقيس مدى تقدمنا في تحقيق انجازاتنا.

الهدف بتاعك لازم يكون بهمّك في شخصك، وبيخدم حاجة حقيقة بالنسبة ليك، وبيدفعك دفعاً نحو تحقيقه.

يلا أمشي حدد أهدافك🫡💙
ونتلاقى في البوست الجاي 💙🔥



#اعرف_هدفك_وانطلق
#الأهداف_لا_تنتظر
#قوم_أمشي_أقرا

الليلة تقول أنا خواجة..
ويوم الخميس تبقى من الأعراب..

💀

Apricity🌥
كلمة جميلة جداً تبدأ بها يومك ومعناها "دفء شمس الشتاء"🌨...
مهما كانت الحياة صعبة في حلو بعدها 💙
انت جرب الدفء بنفسك وقوم من تحت البطانية
لأنه أحلامك ما تحت البطانية؛ أحلامك تحت ضوء الشمس منتظراك 🌤

#قوم_أمشي_أقرا

لابد أن يكون في حياتك هدف ما.🎯

في بعض الأحيان يبدو أن حياتنا كلها عبارة عن بحث، فابحث عن المعنى والنجاح والسعادة.
اليوم لاقاني اقتباس جميل بيقول: "كيف يبرّر البعض لأنفسهم بكل أريحية العيش بلا هدف دون الشعور بالذنب تجاه ذواتهم وأعمارهم!"
حسيته رنّ على شعوري جداً، وبصمتي في الحياة، ودوري في الكون؛ انّه كيف إنسان ربنا خلقه في أحسن تقويم يمشي في الأرض بدون هدف!
يا رفيق، إن الأهداف هي البوصلة التي توجّه حياتك إلى تحقيق ما تريده، وتمنحك طاقه لمواجهة الصعوبات، وتطوير نفسك واكتساب مهارات جديدة. وتجعل لحياتك قيمة بإنجازها وتحقيقها، فقم واجعل لحياتك أهداف تحققها 🔥💙


#الرحلة_إلى_القمة
#الأهداف_لا_تنتظر
#قوم_أمشي_أقرا

قوم دائماً واقفة معاكم و بتتمنى ليكم التوفيق

#قوم_أمشي_أقرا

*صباح الخير حباً*💙

لو ما حاربت عشان تحصل على حاجة انت عايزها، ح تحارب أضعاف عشان تتأقلم مع حاجة انت ما عايزها.🍃

#قوم_أمشي_أقرا

يا منيب قوم امشي اقرا

متوقعين السلسلة الجاية تكون شنو؟ 👀

خمِّن وانتظرنا بكرة الساعة 7:00 مساء بتوقيت السودان

#قوم_أمشي_أقرا

صبااح الأبطال
هكذا كان الأسم هذة المرة أبطال الشهادة
ثقة كبيرة فيكم شدو حيلكم ، وإتذكرو أيام لحظات وبتمر وتبقي النتيجة الحلوة أجمل ذكرى

تعب وإجتهاد إن شاء الله نفرح فرح السنين ونسميها فرحة السودان 💙🔥
كونو بخير


#قوم_أمشي_أقرا

أوف الزول دا حيمشي من جمبي متين؟😪
ياربي اطلّعا كيف قدامُه وما ينتبه لي؟!👀
..
صاحبنا جوة امتحان وبيفكر كيف يطلع البَخرة!

لغير الناطقين بها هي ورقة مكتوب فيها معلومات عن المادة الممتحنها الشخص واتطورت حاليا من ورقة يسهل حملها ويصعب استخراجها لي كتابة على اليد والرجل والملابس ومع تطور التكنولوجيا بقت بإستخدام سماعات البلوتوث!

-نجي للمهم انت كشخص مسلم عاقل وجهة نظرك للكلام دا شنو؟🤔
حتقول لي ما صاح طبعا، أها ياسيدي وتاني حتقول لي ما لكن مشّيها ياخ عدّيها الامتحان دا صعب والناس لبعضيها ما بتتجازف ساي كدا..

أبداًاًاً!❌
الناس لبعضيها أيوا صح لكن ما في الإمتحان
بس الامتحان صعب والسمعة وباقي الحجج البتقنعو بيها بعض هي كلها أعذار واهية وما عندها أساس من الشرع و المنطق خالص🤷🏻‍♂️..

التصرف دا في ديننا الإسلامي بنسميه غش⛔والغش أنواع لكن حنركز حاليا على الغش في الامتحان لأنه بقى منتشر وعادي جدًا بصورة مخيفة شديد!

●الغش في الإسلام هو أي فعل أو قول يخالف الصدق والأمانة.

●حكمه: حرام شرعا بالكتاب والسنة بدليل قول الله تعالى:

سورة النساء، الآية 58: "إن الله يأمركم أن تؤدوا الأمانات إلى أهلها وإذا حكمتم بين الناس أن تحكموا بالعدل..."

-أما بالنسبة لجملة الناس لبعضيها ربنا قال عنها في سورة المائدة، الآية 2:
"وتعاونوا على البر والتقوى ولا تعاونوا على الإثم والعدوان..."

●أما دليله من السنة:
عن أبي هريرة رضي الله عنه أن رسول الله صلى الله عليه وسلم قال: "من غشنا فليس منا" (رواه مسلم).

وعن ابن عمر رضي الله عنهما أن رسول الله صلى الله عليه وسلم قال: "المكر والخديعة في النار" (رواه أبو داود).

أعتقد مافينا زول حابي يدخل النار اللي ربنا حذّرنا منها ومن الحاجات البتدخلنا ليها🚪.

-لذلك ياعزيزي المسلم ربنا كرّمك بالعقل عشان تتقي شر الفتن والغش وربنا يصلح حالنا ويهدينا أجمعين🤍✨.

#قوم_أمشي_أقرا

تسجيل لايف منحة إيراسموس موندوس