***
Қачон сизни севмадим, қачон соғинмади дил,
Қачон чашмингизга мен абрў найсондек тўлдим.
Садолар бермагайсиз, чорлаб соғинмагайсиз,
Ўзим яратган ишқнинг ўзим садоси бўлдим.

Келар манзилингиз дил, кетмоққа изн йўқдир,
Дилдан кетиб дилдорга етмоққа изн йўқдир.
О, нечун қалбингизда япроқча изим йўқдир,
Ўзим яратган ишқнинг ўзим адоси бўлдим.

Сизни кўрдим. Оловни кўрган парвонадайман,
Азал девона эдим, баттар девонадайман,
Жону кўнглим боғлиқ-ку, нега бегонадайман,
Ўзим яратган ишқнинг ўзим хатоси бўлдим.

Сиздан тиландим бунча, кўзингиздан ҳайдангиз,
Хокдан-да хор хазонман, кузингиздан ҳайдангиз,
Изингиздан ҳайдаманг… ўзингиздан ҳайдангиз,
Ўзим яратган ишқнинг ўзим гадоси бўлдим,

Ўзим хатоси бўлдим,
Ўзим адоси бўлдим,
Ўзим фидоси бўлдим.

1998 йил

https://t.me/Guljamol_Asqarova