بـالله ويـنـك يالتكـفـّرنـي تعـال
مسئله وْارجوك بلچي اتحلهه لي

الثلج منّ الماي اصله مـوصحيـح
لَـوَن عاقـل لازم اتگـلّـي بــلـي

اگلاص ماي انجيب وانحط بيه ثلج
ابـلا بُخاري و لا دلـيـل العـامـلـي

ونگعد انتاني الثّلـج لـمّن يـذوب
حتّى نعرف حاصلك من حاصلـي

الثلج منّ ايذوب تحليله اشيصير
يــعنـي رد ّالأوّلــي لـلأوّلــي

آني هيچ اعرف علي ابحبّ الله ذاب
وهذا معـناة العـشگ يا عـاذلي

وأنه هالماي الشربته واشتگول
بالله حبّ الله اشربت لوحب علي

#الشاعر_الکبیر_عزیز_الفیصلي