ياباب الحوائج. سلام الله عليك حتى ينقطع النفس 😭


عالحايط ابدمعه رسم. طف المصيبه والالم
من وكعة حسين. السبي النساوين
ودموعه بالعين. يصرخ اويلي كربله
_________________________________
جانت اول رسمه للكاظم يشيعه
بجت االاسلام واركان الشريعه
رسم جفين الكمر عالشط كطيعه
وحايره ومدوهنه اخته الوديعه

وتصور اجفوف الوطن. غيره ودماء يتنازفن
وكعن عالتراب. ياعظم المصاب
اخته ام الحجاب. حارسها اصبح حرمله
_________________________________
ثاني رسمه بجت المتولي قهره
رسم جده والشمر يكطعله نحره
رسم خياله اسحكت ياناس صدره
رسم راسه اعله الرمح وخته تنظره

زينب تباوع عالرمح. ليل واخذ عمره الصبح
تكله يعيناي. ماعندي كل راي
من امده الماي. ياخويه شفتك ذابله
________________________________
رسم عمته امكبعه. ابهمها والمها
بغير والي والشمر. يحرك خيمها
طكها بالسوط ونزف عالغبره دمها
يابوفاظل صاحت وشامت شتمها

متحيره ضلت بالغرب. واخوتها قتله اعله الترب
يا للهظيمه. ماعدها خيمه
شبعت شتيمه. الجانت عزيزه امدلله
_________________________________
بده يرسم بالحرم حين اللي فرن
حافيات اعله الجمر ياويلي ركضن
وصلن الراعي الوفه وكامن يعتبن
لزمن جفوفه وبقن. عالخد يلطمن

طاحن مثل شمس العصر. يا بو الفضل لا تعتذر
سكينه الحنينه. باست يمينه
الحك علينه. طحنه يعمي بمشكله
______________________________
رسم ناكات السبي. من حضروها
شلون زينب بالحبل. من جتفوها
شمر حداي الضعن من بعد اخوها
ويه كل خطوه نذل يشتم ابووها

اي والله وعيون النبي. يذبحني يا طاري السبي
ام المهابه. تنام ابخرابه
فوك الترابه. واخوتها ضلو بالفله
______________________________
كمل الرسمه اوكعد.ودموعه تحدي
جيب رطباتك الي. ابسرعه يسندي
الليله اريد السم يفطر. كون جبدي
ارد امووت والتقي. بحسين جدي

قدملي السم ابعجل. خليني اموت المن اضل
شلي بحياتي. رايد مماتي
كل ذكرياتي. سبحه ودموع وسلسله
_________________________________

خادم الكاظم ع.
الشاعر الحسيني/ علي الاصبحي