***
Сукутман - эркимга келгинди.
Яшарман сақовлар қўйнида,
Жим турдим оғочлар силкинди,
Қучоқлаб Машрабнинг бўйнидан.

Ичимни ўчган чўғ илитар,
Қамчилар, нигоҳим қотили
Ҳайқириб гунгларнинг тилидан,
Вулқондай кетмадим отилиб.

Кузатдим, ким шоду ким зада,
Дамда бол симирган, дам оғу,
Оқ сутга чайилди саҳнада,
Қон ютган дунёнинг томоғи.

Керилсам йиртилар чокидан,
Минг йиллик тошларнинг тирқиши.
Жағимни бойлашар гоҳида,
Жимликнинг қаҳридан қўрқишиб.

Сукутман...

Ислом Али

https://t.me/IslomAli_shoir