Как привлекать от 1000 пдп ежедневно?

Запустить рекламу в MiniApp с оплатой за пдп по 15 руб

Реклама в тапалках и MiniApp Telegram

Запусти рекламу на бирже. Оплата за клики или подписки

Дешевле только даром

15р за живого подписчика с гарантией результата

Статистика Избранное

Iysoxon Yahyo

Гео и язык канала: не указан, не указан

Категория: не указана

▫️Biznesmen | Praktik
▫️Ta'lim loyihalari boshqaruvchisi
📌 Hayotda va ishda o'rganganlarimni ulashib boraman.

Связанные каналы | Похожие каналы

Гео и язык канала

не указан, не указан

Категория

не указана

Статистика

Избранное

Фильтр публикаций

Скрывать удаленные

Скрывать репосты

Iysoxon Yahyo

15 Dec 2024, 21:27

Bolaligimdan nimadirlar sotib ko'rishga, boshqacha aytganda biznesga qiziqishim juda kuchli edi. Maktabni bitirgach, madrasaga kirdim. Yaxshi o'qish uchun chalg'imaslikka urinsam-da, miyamda doim qandaydir biznes g'oya aylanaverardi.

Kuchli qurilgan bizneslarni ko'rib havas qilar, ularning ichki tizimini his qilishga urinardim. Xullas, katta biznes qurish istagi yondirardi.

Men esa bu olovni so'ndirib, faqat ilm-fan bo'yicha davom etishga ko'p urindim. Dars berish va biznesni birlashtirishga harakat qilib ko'rdim. Lekin bo'lmadi. Oxir-oqibat ichimdagi o'sha ishtiyoq o'ziga tortib ketdi.

Aytmoqchimanki, nima sizga kechalari uyqu bermaydi? Nimani juda qattiq yaxshi ko'rasiz? Shu tomonga harakat qilavering. Chunki ming urinsangiz ham ichingizdagi olovni baribir so'ndirolmaysiz...

📌 @Iysoxon

725 0 6 4 41

Iysoxon Yahyo

7 Dec 2024, 19:21

Imkon qadar tanqid qilib yozishdan qochaman. Bu kimdandir qo’rqqanimdan emas, shunchaki negativ insonga aylanib qolishdan cho’chiganimdan.

Chunki tanqid qilaveradigan insonda filtr judayam noziklashib, undan kamdan-kam holatda nimadir o’tadigan bo’lib qoladi.

Natijada aslida oddiy va to’g’ri vaziyatni ham bo’rttirib, mutlaqo salbiy qilib ko’rsatish odatiy holga aylanadi. Haqiqatni ko’ra olish yo’qoladi. Men uchun eng yomoni shu.

📌 @Iysoxon

1.3k 0 6 1 34

Iysoxon Yahyo

7 Dec 2024, 08:38

Oxirgi bir oy ancha qiyin o'tyapti. SMM bo'yicha kuchli mutaxassisning darslarini yo'lga qo'yyapmiz. Ishlar shu darajada ko'pligidan tun yarimgacha ishlab, uyqu kamayib ketdi.

Natijada odatlarimni himoya qilish nolga tushib qoldi. Yaxshigina charchoq to'plandi. Tarjima bo'yicha bergan va'dalarimni ham bajarolmadim.

Albatta, bularning hammasi bekorga emas. Marketing va sotuv bo'limidagi 20 ga yaqin insonning mas'uliyati zimmamizda. Shu sabab qo'limizdan kelgan hamma ishni qilishga va ko'p narsadan voz kechishga majburmiz.

Undan tashqari bizga ishonch bildirgan o'quvchilarni natijaga olib chiqish uchun kuchli metodologlar jamoasi bilan ishlashni boshladik. Oz qoldi, nasib qilsa, har bir bo'limda qilingan ishlar va xatolarni birma-bir yozaman.

Hozircha ayta olamanki, 2 oy oldin xayolimga sig'dirolmaydigan darajadagi ishlarning katta qismini bajardik, alhamdulillah...

📌 @Iysoxon

1.2k 0 0 7 24

Iysoxon Yahyo

6 Dec 2024, 12:30

Men o'zimni yaxshi ko'raman. Lekin o'ylab qarasam, telefonim ekraniga rasmimni qo’yib oladigan darajada sevmas ekanman. 😁
#tabassum

📌 @Iysoxon

1.1k 0 5 5 40

Iysoxon Yahyo

5 Dec 2024, 18:39

Bolalik — oddiy narsalardan ham zavq olinadigan davr. Yomg’ir yoki qor yog’sa xursand bo’laverasiz. Samolyot uchsa, ortidan qarab quvnaysiz.

Katta bo’lgandan keyin ana shu zavq yo’qolib qoladi. Lekin men shuni yo’qotib qo’ymaslikni juda-juda istayman.

Masalan, hozir havo tumanli va sovuq. Menga issiq qahva, uzoq yo’l va sokinlik kerak, xolos. Shularning o’zidan maza qilaman…

📌 @Iysoxon

1.1k 0 5 10 28

Iysoxon Yahyo

4 Dec 2024, 13:42

Ayrim insonlar bilan bahslasha oladigan darajada yaqin bo’lmaysiz. O’rtada hali masofa uzoqligini sezyapsizmi, unda suhbatdoshning fikrlariga qarshi chiqmay turganingiz ma’qul…

📌 @Iysoxon

1.2k 0 7 54

Iysoxon Yahyo

2 Dec 2024, 21:05

Juda charchagansan, lekin uxlolmayapsan. Demak, charchoqdan ham kattaroq muammolaring ancha ko’payib ketibdi...

📌 @Iysoxon

1.4k 0 16 5 76

Iysoxon Yahyo

22 Nov 2024, 21:11

Bir yarim oylik mehnat, stress va harakatlardan keyin bugun sal xotirjam o’tirib choy ichishga imkon bo’ldi.

Jamoa bilan boshqacha bo’larkan… )

2.3k 0 2 46

Iysoxon Yahyo

16 Nov 2024, 15:21

Go’zallik 🫠

2.8k 0 3 6 76

Iysoxon Yahyo

15 Nov 2024, 15:35

G'oya

Ayrim insonlarni bilaman: yoshi ellik yoki oltmishda. Lekin haligacha energiyasi baland, yangi g'oyalar, katta ishlar haqida bosh qotiradi va shunga intiladi. Oilasiga ham, o'z ustida ishlashga ham vaqt ajrata oladi.

Qizig'i shundaki, yaqindan beri o'zim tengi yoshlarning "30 yoshgacha qattiq ishlab, keyin nafaqaga chiqish kerak", degan fikrlarini eshityapman. To'g'risi, bu meni biroz xafa qiladi.

Chunki bunaqa fikr faqat pul topish uchun ishlash degani. Bu esa biroz ko'nglimni aynitadi. To'g'ri, pul asosiy motivatsiya bo'lishi mumkin, lekin ishlarning ortida qandaydir katta g'oya bo'lmasa, inson jarayondan maza qilolmaydi.

Har safar natijaga erisholmaganida tushkunlikka tushadi, siqiladi. Biroz vaqt o'tib hammasini shunchaki to'xtatib qo'ya qoladi.

Shunday ekan, barchasidan oldin g'oya topa olish eng muhimi bo'lsa kerak. Bo'lmasa, yarim yo'lda bor energiya tugab bitadi...

📌 @Iysoxon

2.6k 0 7 38

Iysoxon Yahyo

14 Nov 2024, 16:02

Assalomu alaykum.

Bugun sizlarga jamiyatda o‘z o‘rniga ega bo‘lgan insonlarning foydali telegram kanallari haqida ma’lumot berib o‘tmoqchimiz.

Ularning aksariyati ijtimoiy tarmoqlarning faollari, xalqqa ziyo, ma’rifat ulashish yo‘lida jonbozlik qilib kelayotgan kishilar bo‘lgani uchun yaxshilikni sizlarga ilindik.

Ushbu havola orqali o‘tib kanallarga obuna bo‘ling va manfaatlaning:
https://t.me/addlist/UmRxZYxqo6VmYzU9

2k 0 0 2 12

Iysoxon Yahyo

12 Nov 2024, 10:39

Meni kuzatuvchilar orasida kontentmeykerlar bormi?

Agar ijtimoiy tarmoqlar uchun video kontentlar ssenariysini yozish va tayyorlashga qiziqsangiz, yoki bu borada tajribangiz bo’lsa, sizni jamoamizga taklif qilaman.

Ish turi oflayn bo’ladi. Ijodkorlik qobiliyatingizni ishga solib, yaxshi daromad ko’rishingiz mumkin. 😊

📌 Murojaat uchun: @Manager_Khann

2.1k 0 6 12

Iysoxon Yahyo

11 Nov 2024, 18:21

Bugun meni xursand qilishdi.

Har doim xodim emas, jamoa a'zolarini to'plashga harakat qilganman. Jamoamdagilarning ko'pchiligi noldan kelib, o'qib-o'rganib, o'z yo'llarini topishgan. Shu sabab ustoz sifatida hurmat qilishadi.

Eski ishlarim to'xtagani tufayli va yana ba'zi sabablarga ko'ra avvalgi jamoam hozir tarqab ketgan, lekin bugun ko'rgani kelishibdi. Kamiga sovg'aga kitoblar ham tashlab ketishdi.

Ish o'z yo'liga, davom etaveradi. Lekin kimgadir foydangiz tekkanini his qilish va mevasini ko'rish har doim xursand qilaveradi. 🙂

1.9k 0 5 2 37

Iysoxon Yahyo

9 Nov 2024, 23:48

Optimist

Odatda nimanidir yaxshi bo'lishini o'ylashdan ko'ra yomonligicha qolaveradi, o'zgarmaydi deyish anchagina oson va qulayroq. Chunki kelajak va o'zgarishlar haqida tasavvur qilish, bosh qotirish qiyin.

Aslida esa muammolar har doim hal bo'ladi, insonlar o'zgaradi. Yangi voqealar va kutilmagan hodisalar hammasini boshqacha qilib yuboradi.

Bugun siz kutgan kun kelmadimi, demak, hali ozroq bor ekan. Zulmatli tundan keyin nurli tong otadi. Qahraton qishdan so'ng go'zal bahor keladi. Shunchaki, nekbin — optimist bo'lish va o'sha kun uchun harakat qilish qoldi, xolos...

📌 @Iysoxon

1.6k 0 3 21

Iysoxon Yahyo

2 Nov 2024, 17:08

Balki shunisi yaxshidir?

Inson 20 yoshiga yetguniga qadar 2 yoshligida miyasida bo'lgan sinaptik aloqalarning deyarli yarmini yo'qotar ekan. Ya'ni nervdagi bir qism yo'qolib boradi.

Agar biz buni ko'ra olganimizda, aniq jim qarab turolmasdik. Bolaning miyasida har kuni nimadir kamayib qolayotganini ko'rib, vahimaga tushardik.

Aslida dunyodagi ko'p narsalar shunday: jo'ja dunyoni ko'rishi uchun o'zini himoya qilib turgan qobiqni sindirishi kerak. Boshqachasiga dunyoni ko'ra olmaydi.

Muskullar o'sib, kattalashishi uchun yirtilishi kerak. Shundan keyin yangi muskullar o'sib chiqadi. Boshqacha aytganda "kachok" bo'lish uchun og'ir mashqlar bilan muskullarni yirtishga to'g'ri keladi.

Bular yo'qotishdek ko'rinadi. Jarayonning o'ziga qarasak, hech qachon bunga rozi bo'lmaymiz. Lekin aslida hammasi yaxshilikka, rivojlanishga olib boradi.

Demak, rivojlanish yo'lida nimalarnidir o'zgartirish u yoqda tursin, oshiqcha va keraksiz narsalardan voz kechishni ham o'rganmasak bo'lmaydi.

Ehtimol, hozir nimanidir yo'qotyapsiz. O'ylab ko'ring, balki shunisi yaxshidir?

1.9k 0 1 1 17

Iysoxon Yahyo

31 Oct 2024, 13:36

Bo'laklar

Inson uchun eng muhim 3 ta resurs bor: vaqt, energiya va pul. Oxirgi vaqtda ularni boshqarish haqida ko'p o'ylayapman.

Hozircha kelgan xulosam shundan iborat: bu resurslar kichik-kichik bo'laklardan iborat. Biz ko'pincha ana shu mayda qismlarga e'tiborsiz bo'lamiz va ko'p narsani boy berib qo'yamiz.

Masalan, bizga berilgan 24 soat vaqt daqiqalardan iborat. 24 soat oldida 15-20 daqiqa hech narsa emasdek ko'rinadi. Lekin ana shu kichik ko'ringan daqiqalar yig'ilib soatlarga aylanadi va kunimiz qanday o'tib ketganini sezmay qolamiz.

Bir oyda 5 mln so'm topsak, uning oldida 30-40 ming so'm ko'p emasdek tuyuladi. Lekin 30 kun davomida yig'ilgan ana shu qismlar sabab pulimiz qayerga ketayotganini bilmay qolamiz.

Kunlik energiyaning bir qismini bekorchi videolarga, yana bir qismini internetda kim bilandir tortishishga, yana bir bo'lagini keraksiz gaplarga sarflaymiz. Natijada, muhim ishlarga kuchimiz qolmaydi.

Demak, resurslarni to'g'ri boshqarish uchun ularni tejashni o'rganish kerak. Kichik bo'laklarni sarflashda ham ehtiyot bo'lib, ularni eng muhimlariga ishlata olsak, menimcha, katta narsalarga erisha olamiz...

1.8k 0 6 3 30

Iysoxon Yahyo

23 Oct 2024, 14:35

Yetarlilik

Bir paytlar oddiy mashina, shinamgina uy va xotirjam oila eng katta orzuyingiz edi. Keyin bunga erishdingiz. Mashina, xonadon va oila bo'ldi, lekin qandaydir bo'shliq paydo bo'lib qoldi.

Uni to'ldirish uchun kattaroq mashina olasiz, balandroq uy qurgingiz keladi. Va barchasiga yetasiz. Lekin yana o'sha bo'shliq...

Aslida bu bo'shliqning nomi — orzu-havas. Har safar nimagadir erishganingizda, bo'shliq yanada kattalashadi.

Orzu-havas bir jarlik bo'lsa, uning ustini yetarlilik hissi bilan yopish mumkin. Yetarli bo'ldi, degan qarorni shakllantirmas ekansiz, bu jarlik yopilmaydi. Oxiri sizni ham halok qiladi..

📌 @Iysoxon

1.8k 0 11 2 34

Iysoxon Yahyo

16 Oct 2024, 08:08

Xulosa

Biz ko'pincha boshqalarga qarab xulosa chiqarib qo'yamiz. O'zimizni hisobga olmaymiz. Solishtirishga urinamiz va xato qilamiz.

Kimdir shaxsiy brend yuritsa, siz ham yuritishingiz kerak degani emas. Shaxsiy brend uning ishi uchun zarurdir, lekin sizga umuman kerak bo'lmasligi mumkin.

Boshqalar Instagramini bloklasa va umuman kirmasa, siz ham shunday qilishingiz shart degani emas. Balki u odam uchun ijtimoiy tarmoqlar kerak emasdir, lekin sizning butun boshli ishingiz shu bilan bog'liq.

Kimdir ustozlik qilayotgan bo'lsa, sizga bu soha umuman to'g'ri kelmas. Balki siz talabalarga dars berganingizdan ko'ra kitob yozishda davom etganingiz yoki mediada faolroq bo'lganingiz ko'proq foyda olib kelar.

Har kimning o'z hayot yo'li bor. Bu yo'lni tanlashda boshqalarni emas, o'z holatimizni hisobga olishimiz kerak. Siz — bu siz, boshqalar esa boshqa. Xulosani boshqalardan emas, o'zingizdan oling...

📌 @Iysoxon

2k 0 4 1 34

Iysoxon Yahyo

15 Oct 2024, 17:36

Репост из: Lola Animation

01:25

Видео недоступно для предпросмотра

Смотреть в Telegram

🎬 Lola Animation'da Premyera: 3 yillik mehnat, 3 ta multfilm va to‘lib-toshgan zal

🎉 Lola Animation studiyasi 3 yillik tinimsiz mehnat natijalarini katta sahnada taqdim etdi. 12-oktyabr kuni Alisher Navoiy nomidagi kinosaroyda 1800 kishiga mo'ljallangan zalda o'tkazilgan premyeraga 2000 dan ortiq mehmon tashrif buyurdi.

🎢 Tadbir davomida “Baxt Ulashing”, “Lulu va Nana” hamda “Vaqtlararo Sayohat” multfilmlari katta ekranlarda namoyish etilib, tomoshabinlarning e'tiborini tortdi.

🇰🇿 Qozog‘istonning "Ara" studiyasi vakillari ham tadbirda ishtirok etib, Lola Animation’ning ijodiy ishlari va tashkil etilgan premyera haqida o'z fikrlarini bildirib o'tishdi.

Tomoshabinlar, ayniqsa ota-onalar, multfilmlarning mazmunli va tarbiyaviy jihatlariga katta ahamiyat berib, ular farzandlariga ushbu multfilmlarni ishonch bilan ko‘rsatishlarini ta’kidladilar.

Siz premyerada bo‘ldingizmi?

Tadbir haqidagi fikrlaringizni biz bilan bo‘lishing! Farzandingizga qaysi multfilm ko‘proq yoqdi? Fikrlaringizni izohlarda qoldiring! 👇

@lola_animationuz

1.6k 0 1 1 10

Iysoxon Yahyo

14 Oct 2024, 07:57

Tan olish yengillashtiradi

Yaqinda mashinamni qirib ketishganini bilib qoldim. Ataylab hech kimga xalaqit bermaydigan joyga qo'ygandim. Lekin qarasam, shunaqa holat.

Aftidan haydovchi mashinani orqaga haydab menikiga kelib urilgan. Eng qiziq joyi telefon raqam ham qoldirmagan. Shunchaki urgan va ketavergan.

Aslida unchalik katta zarar emas. O'zim to'g'rilab olaveraman. Lekin men rozi bo'lmadim. Nega? Shunchaki xatosini tan olmagani uchun.

Agar telefon raqamini yozib qoldirganida qo'ng'iroq ham qilmasdim. Hammasi yengilgina hal bo'lardi. Rozi bo'lib ketaverardim. Endi esa qachondir og'ir javobgarligi bo'ladi...

O'zi har doim shunday: xatoni tan olish jazoni yengillashtiradi, tan olmaslik esa holatni battar chigallashtiradi.

Noto'g'ri ish qilganingizni bilsangiz va tan olib, to'g'rilashga urinsangiz, katta ehtimol bilan sizni kechirishadi va qayta imkon berishadi. Aksincha bo'lsa, jazoyingiz og'irroq bo'ladi...

📌 @Iysoxon

2.5k 1 8 1 44

Показано 20 последних публикаций.

1 798

подписчиков

Статистика канала

Популярное в канале

Bolaligimdan nimadirlar sotib ko'rishga, boshqacha aytganda biznesga qiziqishim juda kuchli edi. ...