ابو ذيات زنجيل
الشاعر مجيد گيطان الصالحي

الوجـه مثـل العبايه عليك. لوان:
بغيابك مــايسلي البـچي. لوان:
اروح ويــالشماتــه ويـن. لاوين:

عله الهزل يسيره شلون بعداك:
امشي وماكو غيره بگت بعداك:
يــاوسفه الـزمـن عباس. بعداك:

عــني وانــــــه ابفرگاك ...ضلات:
يـضلي ويـن مثلك بـعد.. ضلات:
ياوسفـه عليـنه الخـيل. ضالات:

بحوافرها سحگت والنار شبات:
بجمر من تسحك الايتام شبات:
عليه وگمت اهـفـت بيت شبات:

وحرت اخيام اطفـي لـو عبينه:
الشـــمر عــباس خـلـه لـوعبينه:
خسيس بــدون غـــيره لـو عبنه:

رجل جاوصل يمي ابوكت ونته:
عدل بس يدري بعدك نشت ونته:
اياه گلبي علــى فـــرگاك وانته:

تفسر الحجر من يشوف حالي:
وبعــدك دنيـتي ولايـوم حالي:
مضيعه اعزاز انه من دون حالي:

وين الـي ينشـف الــدمع لوهل:
كمر عباس اربـع طـعش لوهل:
يريح كرنفـــل ابملـــگاه. لوهيل:

اخوي وبيك اكوي العزم والحيل:
شنهي الراي عــدك راي. والحال:
اگعد شوف حالي شلون والحال:
اسيـره اعله هـــزل خويه سبيه:

مجيد گيطان الصالحي