Murtdha Albdariy

اسعد الله ايامكم بالخير ❤️
ومتباركين بعيد الغدير الاغر
اللهم ثبتنا على ولاية
امير المؤمنين "ع"

#مرتضى_البديري

حبيب گلوبنه
وشفيع اذنوبنه
علي محبوبنه
علي محبوبنه
................

الك يابو الحسن يعله ندانه
وبسمك عالي ويرفرف لوانه
بهذا اليوم كل الخير اجانه
امانه الدين يا راعي الامانه

الالاه ايريدك
عدل توحيدك
علي محبوبنه
علي محبوبنه
................

الله هواي حبك يالصميده
ونزل جبريل بلغ باليريده
العلي ياطه كوم وارفع ايده
ويومك صار عند الشيعي عيده

امير وغالي
وتضل للتالي
علي محبوبنه
علي محبوبنه
..............

الدنيه تعطر باسمك هواهه
ذكرك كل وكت نور وضواهه
يفوز محبتك كلمن حواهه
ويخسر ياعلي كلمن جفاهه

الك وفايه
واخير احجايه
علي محبوبنه
علي محبوبنه
..............

انته ياعلي اول خليفه
الله منصبك بهاي الوضيفه
رغماً عاليضدك والسقيفه
اگلوب الشهدت بحبك نضيفه

تضل والينه
والك نادينه
علي محبوبنه
علي محبوبنه
...............

يحيدر عالحچي وماشايفينك
عشكناك ومشينه اله اعله دينك
نضل يوم الحساب مناطرينك
تروينه العذب من جف يمينك

فخر ياحيدر
بديك الكوثر
علي محبوبنه
علي محبوبنه


محمد هادي العقابي

كل عام وانتم اقرب الى الله ❤

من خدمتك صرت امير .. وبالشدايد ما احير
هواي هيه افظالك .... امشي هيبه بجالك
ياحسين .. ياحسين
............................
عيشتني بعالمك بالدنيه هيبه
الوادم يصيحون هنياله بحبيبه
روحي صارت من خدمتك كلها طيبه
لاعرف معنه الغرور ولاكو غيبه
مأتمك ينطي الدروس ..بيها طهرت النفوس
حكي من انعالك .... امشي هيبه بجالك
............................
انت ايات التواضع علمتني
الدنيه الو ما انت بلهم ضيعتني
شسوه والناس اعلمودك دلللتني
حت لو الج جروحك ماعفتني
واليخدمك شي اكيد .. يختلف عن العبيد
وينجه الاتعنالك .... امشي هيبه بجالك
............................

من عشكتك غيرت معدن حياتي
ما أتييه اي فرض يوم بصلاتي
ماخذ حسين بخدمتك صك نجاتي
وادري بيك هناك تحضرني بوفاتي
واليصير من الخدم .. تحرم اعليه الحمم
اعليه داير بالك .... امشي هيبه بجالك
............................
عايش بريته هوه وما لحضه اعوفك
رحمة الله اعليه يالغالي اشوفك
انت يا كعبة عشكنه بشوكي اطوفك
حكة فطرس ينتضر جيت ضيوفك
احمل اشواك وغرام .. عايش براسي الهيام
انه جا شسوالك .. امشي هيبه بجالك
*****************




الناس حسدتني بخدمتك يا امامي
حسين من خيرك صرت عالي المقامي
صرت بالدنيه امير امشي بهيامي
وين ما انطي الوجه زاد احترامي
امشي بسمك وين اروح .. حسين احسك بيه روح
الخادم اسوالك .. امشي هيبه بجالك
*****************
امشي والدنيه ورد تمطر عليه
وانه من جيتك ترست اثنين اديه
حسين ما عوفك ابد حد المنيه
اشكد احبك ياحبيبي تدري بيه
انت للمحشر امان .. ياحسين بكل زمان
ملك من يدنالك .. امشي هيبه بجالك
*****************
تمت
احمد الخفاجي

قصيدة في رثاء فاطمة الزهراء عليها السلام
لسان حال أمير المؤمنين علي عليه السلام

يصـعـب غيــابـچ عليّة
مهضومه رحتي منديّة
يازهراء. يازهراء
...........

آنـه حيـدر فاطمــة المجروح گلبه
صعبه بغيابچ اعيش بداري صعبه
شلون حاله اليدفـن بچفّه اليحبّـه
حـالـة العـايـش عُمُر بـديـــار غربه
عـايـش قـهــر يالزچيّة
مهضومه رحتي منديّة
يازهراء. يازهراء
...........

فاطمة وعِشرِتنه مرّت چنها ليله
مو مثل باقي البشر چانت قليله
الله لا ينطي الحسد خِلّ وخليله
منهـو يسمعنـي بغيابچ وشتكيله
عشتي الحـزن والاذيّة
مهضومه رحتي منديّة
يازهراء. يازهراء
...........

چنّتي زهـرة دنيتي ونسمة صباحي
بغيـبـتـچ يافاطـمـة كســروا جناحي
مـن ألـم دنيـــاچ ياطَيبـه استــراحي
وانه اعيش الدنيه بهمومي وجراحي
حبـچ يظـل اصـله بيّة
مهضومه رحتي منديّة
يازهراء. يازهراء
............

لا تظنّيـن ابقـه مـرتــاح بحيــــاتي
انتي روحي ودنيتي وكل ذكرياتي
ادعـي الله يـعـجّـل عليّـة وفــــاتي
ما نسيتـــچ فاطـمـه حتى بصلاتي
لگبرچ اجي كل مسيّـة
مهضومه رحتي منديّة
يازهراء. يازهراء
.........

حيـدر الـكـرار عفتينــي ومشيتي
فـراگـچ شسوّه بعلي شو مادريتي
والله ما واحـــد تـأذّه بگـد اذيتــي
گمت كل لحظة التمر اطلب منيتي
احسـب گـمـت للمنيّــة
مهضومه رحتي منديّة
يا زهراء. يازهراء

سيد زيد الفحام
_______________________