سنفورتي مرحبا .. اليوم أنتي كيفك ؟!
شتقتيلي متل ماشتقتلك وعم تكابري متل ماعم كابر ، ولا خلص بطلتي تشتاقي
شوفي انا كتير تعبان .. ضايع مو عرفان شو اتصرف ، اي يمكن خايف او حتى يمكن عم موت ع البطيئ ؛ يعني بمعنى اوضح بتعرفي الشخص لي بكون مريض ومالو حدا بالدني وقاعد ببيتو لحالو ماحدا عم بحس بوجعو ولا حدا عم ياخدو ع دكتور ... عم يموت ببطئ عم يتوجع زيادة ، اي وحيد
وحيد بدونك ... بس ياترى انتي عم تحسي باحساسي عم يوجعك قلبك ، عم تصفني بوجوه العالم وتدوري على عيوني .. بتلتفي لما بتسمعي اسمي بالطريق ع امل كون انا عنجد الشخص لي عم يندهولو
فيكي تقليلي ليش عم نعمل بحالنا ، مشغلين كبريت هل حرب الباردة بيناتنا عم نحرق بعض بهدووء ... عم ننشوي ع نار هادية وكل شوي حدا بعليها شوي ع امل يتغير شي ؛ عم نغلط ما عم نعذب بعض ع شي فاضي
دخلك فيي افهم شو بهم نعرف مين الاقوى بيناتنا .. بعرف وبتعرفي انو تطليعة وحدة بعيون بعض وكل هالقوة رح تتلاشى
حبيبي ... بتحبي غيرتي ما ، كتير بيخطرلك شغلات تخليني جن وغار ؛ ع مهلك روقي بالأخير احساسي انو رح كسر الدني ع راسك عليي لا تزوديها
شرحيلي ؛ شو بدك او لوين بدك توصلي ليش بضلك عم تزعجيني وبأكتر شغلات بكرها .. عم يقولو انك حلوة صح ! وكمان عم يتغزلو فيكي !
مبسوطة ! فكرك يعني هنن عنجد شايفينك حلوة
حاجة .. حاجة جفى الطيور بلشت تاكل بقلبي
اقسى خلق الله ومعك اكتر حدا حنون ، بس معك
في شي اسمو بس الك وبس معك .. في مجال ترجعي تعملي الشغلات لي بس الي وبس معي وتبطلي تحرقي بأعصابي ؛ نشفتي دمي

. . . . . . . . . . . . . .

شتقتلك .. شتقت تعاتبيني اذا مر ٥ دقايق وماحكيت معك فيهن ، شتقت تجي تخلقي مشكلة بس لانك مشتاقة
شتقت لارجع كمل احلامي معك .. ل عيش احلامي معك
ماتسمحيلي احرق ورقة احلامي ، وعيش حياة بلا احلام مع حدا حسدنا ع حبنا وطلع هو الكسبان
عم تفهميني صح ؟!

_______

رجعي وكوني كلشي .. كلشي حلو وبشع .. البشع عيونك رح تحليه
رجعي ازعجيني .. نكدي عليي ماتخلي دقيقة تمر بدون مانتخانق فيها عشر مرات ، فيقيني بعز نومتي لانك ضجرانة لحالك ..... بس رجعي
رجعي انتي .. رجعي متل ماكنتي
البريئة ، ام شبر ونص العصبية الكهينة .. بمعنى اوضح رجعيلي حياتي
ياحياتي .. ✨🖤!!