YORONLAR
Vali Yaratov so‘zi,
Og‘abek Sobirov musiqasi.

Boylikka kerilmagan
Ishratga berilmagan
Kun kelib egilmagan
Bosh ko‘rmadim yoronlar.

Mag‘lub bilib oqilni
G‘olib bilib joxilni
Ko‘zlarida g‘ofilni
Yosh ko‘rmadim yoronlar.

Nodonga sherik bo‘lmoq
Solmish yurakka qiynoq
Bu ishdan ham og‘irroq
Ish ko‘rmadim yoronlar.

Oldingda qilib hurmat
Ortingdan qilar g‘iybat
Bir cho‘qim ham beminnat
Osh ko‘rmadim yoronlar.

Ulfatni yot bilmagan
Shikastla dod qilmagan
Xech kimga otilmagan
Tosh ko‘rmadim yoronlar.

Vali hislaring ro‘yo
Sabo hiylagar go‘yo
Baxt qushiday bevafo
Qush ko‘rmadim yoronlar.

https://t.me/Ogabek_Sobirov_suvora