Review by BLSFLIX

Your Honor

https://t.me/blsflixchannellink/347

နာမည်ကြီး Descendants of the Sun,What's Wrong With Secretary Kim တို့ကိုဖန်တီးခဲ့တဲ့ဒါရိုက်တာ Yoo Jong-Sun ရဲ့နောက်ဆုံးထွက်ရှိလာတဲ့ Your Honor ကတော့ ပရိသတ်ကြီးရှေ့မှောက်ကိုရောက်ရှိလို့လာပါပြီ။

မင်းသားကြီး Song Pan-Ho နဲ့ Kim Gang-Heon တို့လိုဒိတ်ဒိတ်ကြဲနာမည်ကြီးမင်းသားနှစ်လက်ရဲ့ အားပြိုင်မှုတွေကိုပါ ကြည့်ရှုရမှာဖြစ်လို့ လုံးဝကိုလက်မလွှတ်သင့်တဲ့ဇာတ်လမ်းလေးပါ။ ဒါ့အပြင်ဇာတ်လမ်းလေးက အက်ရှင်မှုခင်းဇာတ်လမ်းလေးကို ဥပဒေအကြောင်းထည့်သွင်းထားတာဖြစ်လို့ ရသစုံခံစားနိုင်မှာလည်းဖြစ်ပါတယ်။ Song Pan-Ho ဆိုတဲ့ အမည်းစက်လုံးဝမရှိတဲ့ တရားသူကြီးတစ်ယောက်ဟာ လူတိုင်းချစ်ခင်လေးစားကြတဲ့ တရားမျှတမှုရှိတဲ့သူတစ်ယောက်ပါ။ တစ်နေ့မှာ သားဖြစ်သူလူသတ်မှုကျူးလွန်မိပြီးတာကို ဖုံးဖိဖို့ကြိုးစားခဲ့ပါတယ်။သားဖြစ်သူသတ်လိုက်တဲ့တစ်ဖက်နစ်နာသူရဲ့ဖခင်ကတော့ ရက်စက်ကြမ်းကြုတ်ပြီး ရာဇဝတ်မှုမှန်သမျှအကုန်လုပ်တဲ့ ရာဇဝတ်ဂိုဏ်းခေါင်းဆောင်ပါ။တခြားသူတွေအပေါ် ရက်စက်ကြမ်းကြုတ်သလောက် သားဖြစ်သူအပေါ် ဖခင်စိတ်အပြည့်ရှိတဲ့ လူမိုက်ခေါင်းဆောင် Kim Gang-Heon တစ်ယောက် သားဖြစ်သူအသတ်ခံရမှုကို အမှန်အတိုင်းပေါ်ပေါက်ဖို့ကြိုးစားပါတော့တယ်။ဒီမှာတင် အပြစ်ကိုဖုံးဖိဖို့ကြိုးစားတဲ့ တရားသူကြီးနဲ့ အမှန်တရားဖော်ထုတ်ဖို့ကြိုးစားတဲ့ လူမိုက်ခေါင်းဆောင်နှစ်ယောက်ကြား ပဋိပက္ခတွေဖြစ်ပေါ်လာပါတော့တယ်။သားတွေအပေါ်ချစ်တဲ့ဖခင်မေတ္တာနဲ့ ဘာမဆိုလုပ်ရဲတဲ့ မကောင်းဆိုးဝါးတွေလိုဖြစ်လာချိန်မှာတော့ ဘယ်သူများအနိုင်ယူသွားနိုင်မလဲဆိုတာ ဆက်လက်စောင့်ကြည့်ပေးကြပါဦးနော်။စုစုပေါင်း ၁၀ ပိုင်းပါဝင်မှာဖြစ်ပါတယ်။

Love's Rebellion

https://t.me/blsflixchannellink/315

ဒီတစ်ခါ BlSflix ချန်နယ်ကနေ တင်ဆက်ပေးသွားမဲ့ ဇာတ်ကားလေးကတော့ ကျဲကျဲ Jing Tianနဲ့ ကောကော Zhang Ling Heတို့ရဲ့ Reborn for love (Love's Rebellion) ဆိုတဲ့ ဇာတ်ကားလေးဖြစ်ပါတယ်။

နန်ယန်(Jing tian) ဟာ သူမရဲ့ မိခင်ဖြစ်သူကို ကယ်တင်ဖို့အတွက် မသေမျိုးလောကနဲ့ ပါဝင်ပတ်သတ်မိရာကနေ မသေမျိုးတစ်ယောက်ဖြစ်တဲ့ ကျီယန်( Zhang Ling He)ရဲ့အသက်ကို ကယ်မိလျက်သားဖြစ်သွားပါတယ်။

သူတို့နှစ်ယောက်ဟာ မတည့်အတူနေ ကြောင်နဲ့ကြွက်လည်းဖြစ်နေပြန်ပါရော။ ဒီလိုနဲ့ နန်ယန်နဲ့ဂျီယန် ပေါင်းပြီး နန်ယင်ရဲ့ မိခင်ဖြစ်သူရဲ့ နေမကောင်းဖြစ်မှုကို စုံစမ်းရင်း မသေမျိုးလောကရဲ့ ရှုပ်ထွေးပွေလီတဲ့ အကွက်ချကြံစည်မှုတွေကို တွေ့ရှိလာကြပါတယ်။ ဒီလိုနဲ့ တစ်မှုပြီးတစ်မှု ရင်ဆိုင်ပြီးဖြေရှင်းရင်း သူတို့နှစ်ယောက် ဘယ်လိုတွေနီးစပ်သွားကြမလဲ၊ ဘယ်လိုခမ်းနားတဲ့ ချစ်ခြင်းမေတ္တာတွေနဲ့ ချစ်ကြမလဲ ဆိုတာကို BLSflixချန်နယ်လေးမှာ လက်မလွှတ်တမ်း​စောင့်ကြည့်လိုက်ကြရအောင်နော်။

Hidden Charm (Are You The One)

https://t.me/blsflixchannellink/345

ဒီတစ်ခါ BlSflix ချန်နယ်​လေးကနေ တင်ဆက်ပေးသွားမဲ့ ဇာတ်လမ်းတွဲကောင်းလေးကတော့ Hidden Charm (Are you the one) ဆိုတဲ့တရုတ်ဇာတ်လမ်းတွဲလေးဖြစ်ပါတယ်။

ကျဲကျဲအလှလေး Wangchuranနဲ့ Lost you foreverထဲက အလံနီလေး ကိုကိုရွှမ်းတို့က အဓိကပါဝင်သရုပ်ဆောင်ထားတာဖြစ်ပါတယ်။

လျိုမျန့်ထန်ဆိုတဲ့ မိန်က​လေးဟာ ပြတ်သားပြီး ဉာဏ်ပညာအမြော်အမြင်ရှိတဲ့ မိန်းကလေးတစ်ယောက်ဖြစ်သလို မြို့အရှင်ဆိုလည်းမမှားပါဘူး။ လျိုမျန့်ထန်ဟာ ဖြောင့်မတ်မှန်ကန်လေ မကောင်းတဲ့သူတွေ သူ့ကိုပို၍ မကောင်းကြံဖို့ ကြိုးစားကြလေပါပဲ။ ဒီလိုနဲ့သူဟာ တစ်နေ့မှာ လူဆိုးအုပ်စုတစ်စုကြောင့် ဒဏ်ရာပြီး သတိမေ့သွားပါသတဲ့။

သူမပြန်နှိုးထလာတဲ့အခါ သူမဘေးနားမှာ ရှိနေတဲ့ သူမရဲ့အသက်ကိုကယ်တင်ပေးထားတဲ့ ချွေ့ရှင်းကျိုးကို သူမရဲ့ခင်ပွန်းလို့ထင်မှတ်နေပါသတဲ့။ ဒါပေမဲ့ ချွေ့ရှင်းကျိုးဆိုတဲ့ ကောင်လေးရဲ့ သရုပ်မှန််ကလည်း ထင်ထားသလို မရိုးရှင်းနေတာမလို့ တစ်နေ့ လျိုမျန့်ထျန်သတိ​သာပြန်လည်လာရင် သူတို့ဘာတွေဆက်ဖြစ်ကြမလဲ။ သူတို့နှစ်ယောက်ကြား ဘယ်လိုအလွဲလေးတွေနဲ့ ဘယ်လိုချစ်ခြင်းတွေပေါ်ပေါက်လာပြီး မတရားမှုတွေကို ဘယ်လိုပူးပေါင်းဖြေရှင်းကြမလဲဆိုတာကို BLSflixချန်နယ်မှာ လက်မလွှတ်တမ်း စောင့်ကြည့်လိုက်ကြရအောင်နော်။

Project Silence

https://t.me/blsflixchannellink/343

ဒီတစ်ခေါက်တင်ဆက်ပေးချင်တဲ့ သည်းထိတ်ရင်ဖို့ဇာတ်လမ်းလေးက Project Silence ဆိုတဲ့ကိုရီးယားဇာတ်ကားကောင်းလေးပဲဖြစ်ပါတယ်။ဒီကားလေးထဲမှာ မကြာသေးခင်ကမှ ကွယ်လွန်သွားတဲ့ မင်းသားကြီး Lee Sun-Kyun ခေါင်းဆောင်ပါဝင်ထားပြီးတော့ ဒီရုပ်ရှင်ကားက သူ့ရဲ့နောက်ဆုံးရုပ်ရှင်ကားလေးဖြစ်ခဲ့ပါတယ်။နိုင်ငံတိုင်း စစ်ဘက်ရေးရာမှာအသုံးပြုဖို့ စစ်ခွေးတွေကို လေ့ကျင့်သင်ကြားပေးသလို တောင်ကိုရီးယားစစ်တပ်ကလည်း လျှို့ဝှက်ပရောဂျက်အနေနဲ့ စစ်ခွေးတွေကိုစမ်းသပ်မွေးမြူခဲ့ပါတယ်။ဒါပေမဲ့ အမှားအယွင်းဖြစ်ခဲ့ပြီး ပရောဂျက်မှာအသုံးပြုထားတဲ့စစ်ခွေးတွေကို ရှင်းပစ်ဖို့ နေရာရွှေ့ပြောင်းခဲ့ပါတယ်။အဲဒီလိုရွှေ့ပြောင်းနေတုန်း ရာသီဥတုဆိုးရွားပြီး ယာဉ်မတော်ဆမှုဖြစ်ခဲ့ရာကနေ အစမ်းသပ်ခံစစ်ခွေးတွေလွတ်မြောက်သွားပါတယ်။ဒါကိုဖြေရှင်းဖို့ စစ်ကူခေါ်လိုက်တဲ့ လေယာဉ်ကပါ ပျက်ကျပြီး စမ်းသပ်ခံခွေးတွေကို ထိန်းချုပ်လို့မရတော့ဘဲ လေယာဉ်ပျက်ကျမှုကြောင့် တံတားပါ ပြိုကျတော့မလို့ဖြစ်သွားပါတော့တယ်။လွတ်မြောက်သွားတဲ့ အစမ်းသပ်ခံစစ်ခွေးတွေကလည်း လူတွေကိုပါ တိုက်ခိုက်လာချိန်မှာတော့ ဒီမတော်ဆမှုမှာ ကိုယ်တိုင်ကြုံတွေ့လိုက်ရတဲ့ အိမ်ပြာတော်လုံခြုံရေးဌာနက Cha Jung-Won တစ်ယောက် ဘယ်လိုမျိုးရင်ဆိုင်ဖြေရှင်းမလဲဆိုတာကို ရင်ခုန်စွာနဲ့ကြည့်ရှုရမှာဖြစ်ပါတယ်။

Romance in the House

https://t.me/blsflixchannellink/342

မိသားစုဒရာမာဇာတ်လမ်းအမျိုးအစားလေးဖြစ်တဲ့ Romance in the House ကတော့ ပရိသတ်ကြီးစောင့်မျှော်နေတဲ့ရှေ့မှောက်ကိုရောက်ရှိလို့လာပါပြီ။ပရိသတ်ကြီးအကြိုက် မင်းသားမင်းသမီးမြိုင်မြိုင်ဆိုင်ဆိုင်နဲ့ ဇာတ်ပို့ဇာတ်ရံအများအပြားကိုတွေ့မြင်ရမှာလည်းဖြစ်ပါတယ်။မင်းသားကြီး Ji Jin-Hee နဲ့ မင်းသမီးကြီး Kim Ji-Soo တို့အပြင် မိန်းကလေးပရိသတ်အခိုင်အမာရထားတဲ့ SHINee အဖွဲ့ဝင် Minho ကလည်း ပါဝင်သရုပ်ဆောင်ထားပါတယ်။Byeon Mu-Jin ဆိုတဲ့အမျိုးသားဟာ သားသမီးတွေနဲ့အိမ်ထောင်သည်ဘဝကိုထူထောင်ခဲ့ပေမယ့် စီးပွားရေးလုပ်ငန်းအရှုံးပေါ်ပြီးနောက်မှာ ဇနီးသည်နဲ့ကွာရှင်းပြီး မိသားစုကိုထားသွားခဲ့ပါတယ်။ဒီလိုနဲ့ ၁၁ နှစ်အကြာမှာ ဘီလျံနာသူဌေးအနေနဲ့ မိသားစုနေထိုင်နေတဲ့ဗီလာရဲ့ ပိုင်ရှင်အဖြစ် မိသားစုရှေ့မှောက်ကိုပြန်လည်ရောက်ရှိလာပါတယ်။Byeon Mu-Jin တစ်ယောက် မိသားစုနဲ့ပြန်လည်ပေါင်းစည်းနိုင်ဖို့ အမျိုးမျိုးကြိုးစားပေမယ့် သမီးဖြစ်သူရဲ့ ပြင်းထန်တဲ့ငြင်းဆန်မှုတွေကြောင့် ပြန်လည်ပေါင်းစည်းနိုင်ဖို့ အခက်ကြုံနေရပါတယ်။တစ်ဖက်မှာလည်း ဒုက္ခရောက်နေချိန်မှာ မိသားစုကိုစွန့်ပစ်သွားတဲ့ ခင်ပွန်းသည်နဲ့အဖေကို ပြန်လည်ယုံကြည်နိုင်ပါ့မလား။သာယာပျော်ရွှင်စရာကောင်းတဲ့ချစ်အိမ်လေးကို ပြန်လည်ဖန်တီးနိုင်ပါ့မလားဆိုတာကတော့ ဇာတ်လမ်းလေးထဲမှာပဲ စောင့်မျှော်ကြည့်ရှုပေးကြပါဦးနော်။အပတ်စဉ် စနေ၊တနင်္ဂနွေနေ့တိုင်းမှာ ထုတ်လွှင့်ပြသမှာဖြစ်ပြီး အပိုင်း ၁၂ ပိုင်းပါဝင်မှာဖြစ်လို့ BLSFLIX ချန်နယ်လေးနဲ့အတူတူ စောင့်မျှော်ကြည့်ရှုကြရအောင်ပါ။