ياوطن خليك حر ولون احروفك نشيد
وغني ميلادك عله اعيون الشعب
وابني حضاره بتعب چفك

باهل الغربه بقصيدة موطني
وگوم اعله نزفك

ثوب اسنين الشعب فدوه لضريحك
ناذرين امتونـه لبيبان تعبـك

ياوطن تسوه التعب والماتعبلك
باجر امن يضيع يشتاگ لغربتك

لملم اسنينك خضار
وبدي خيرك ع الشعب

ياعراق شكبره حضنك فرض عشگك
واجب ومو مستحب

عاشگك من گبل لاعيش عل گاعك
وانعگد وي اسمك اسمي

ومن گبل لاموت وانگاد بنعش باهت
نذرت لعمرك المتعوب دمي

ياوطن گد ماحنين عليك
وابچيلك نهارين ومسيـه
گمت اخاف اعليك حته اكثر امن امي



لـ مؤمل كاظم 🎻