ليله2️⃣ 🔺صفحة 3️⃣

تعلق الحسين بأستار الكعبه وأخذ يخطب الطائفين والناسكين✋🏼
خط الموت على ولد ادم مخط القلادة على جيد الفتاة
وكأني بإوصالي تقطعها عسلان الفلاوات بين النواويس وكربلاء
صح ونادي وحسيناه

عظم الله أجوركم ✋🏼♦️
صار الحسين (ع) ينادي بالعائله ان تتجهز للرحيل وينادي كل فرد بإسمه الا زينب قد عجز لسانه يردد باسمها لانه تذكر عندما ارادت زينب الزواج قد اشترطت على زوجها ان لايمنعها من الخروج مع الحسين عليه السلام في مثل هذا اليوم الى كربلاء فأرسل اليها ابا الفضل العباس فذهب اليها ووقف عند الباب ورفع صوته اه اه اه اه وزينبااااه

نعي 🔺⏰٣٣/٥١

أنا العباس يازينب گفيلچ واقف اعلى الباب
امرني احسين اطلعنچ زينب ياضيا الحباب👥اه
قومي والبسي حجابچ وخذي مقنع الزهره
وخذي حجابها المشهود ابيوم النار والسطرة
وقومي ودعي المختار اباوديچ عند گبره
ودعيها الا عصروها او رفسوها وراء الباب
قالت يالكفيل اگعد وخبرني يبو الغيرة
نشيل امنين خبرني ليش ونترك الديرة
اشوف السيف وياالطاس والله حيرتي حيرة
وليش حسين ماجاني وينه خامس الأحفاد 👥
قال الها دسكتي عاد گلبي اه فطرتينه
وحگ جدچ انه مهموم من اخوچ حسين والينه
لراضي كربله نقصد او وادينه تعرفينه
شرط ليله زفافچ چان وبعقدچ كتبتينه
لراضي كربله بنروح وعنچ هالاسم ماغاب اه اه 👥

فتحت الباب وشافت عينه يبگي قال الها زينب خبرني الحسين بخبر وخلاني ابگي ردت زينب شنو قالك اخويه شنو قالك

نعي🔺
إگول احسين يازينب تشوفينه بليا راس
وتشوفي امرضرض اضلوعه ادوسه حافر الارجاس
والشمر يرگب على صدرة وصدره بالنعل ينداس
وحاله امصرعه رجاله بني هاشم مع الاصحاب

اه اه اه وزينباه👥
انه أسئلچ بالله خبريني ليش اعظم مصيبه انتين
كل ماسايلوا الحسين جاوبنا يانور العين
ويش اعظم مصايبكم گال الحورة ياطيبين
ابو الغيرة تعرفيني اذا سكتي اموت الحين
وحگ ضلع امچ الزهراء وخوچ المات على العتاب👥
قالت يابوالغيرة زينبكم يضربوها وللشامات ياعباس زينبكم ايودوها
وبحبال او ضرب ياخوي زينبكم يسحبوها
وادخل داخل مجلس الظلام زينبكم يشمتوها
وأشوفن راس اخويه حسين واذكر مصاب الباب

اه اه اه وزينباه👥

خرج الحسين من ناحيه التنعيم سألوه الحجاج سيدي اماتحج معنا هذه السنه
گال الهم الحسين

🔺فائزي ⏰40/4
هالسنه حجي وعيدي امعينه ابارض الطفوف
وريد اضحي ابهاالصناديد الذي بيهم اطوف
هذا جسمه مقطعينه وهذا مقطوع الچفوف
وهذا مايحضر ساعه بين عرسه او زفته
وهذا حجي غير واجب والشهرغير الشهر
وتنقضي كل المناسك يوم عاشور الظهر
وأظل مرمي اعلى الثرى ويصعد على صدري الشمر
الناس تدخل مكه وتنادي لبيك اللهم لبيك لكن الامام الحسين (ع )عنده تلبيات أخرى

نعي🔺⏰٤١/٤٧
لبيك يارب عن اجوارك انه مطرود
لبيك يارب تذبح اصحابي وضل مفرود
لبيك يذبحوني وگلبي يضل ممرود
لبيك انه خايف وكل الناس مأمونه
لبيك ياربي تقبل منسكي والاعمال
لبيك واقبل تلبياتي ابذبحة الأطفال
لبيك حتى الشمر يصعد صدري
لبيك انه اخاف خايف وكل الناس مأمونه
لبيك انه حسين السبط ماراگبوا چاني
لبيك راسي يرفعونه برمح عدواني
لبيك وتوقف حاسرة بالشاااااام