صفحة 5️⃣🔺العليله (مقترح لتكمله المصيبه
عظم الله أجوركم ياشيعه

حين أراد الإمام الحسين (عليه السلام ) أن يتوجه الى كربلاء ... تاركاً مدينة جده الرسول (صلى الله عليه وآله وسلم)
وقد حمل عياله على النياق .. وكان الى جانبه أخاه أبا الفضل العباس (عليه السلام ) حاملاً رايتــه ثم ساروا

قاصدين الى كربلاء مع العيال وجميع الاولاد .. الا فاطمة العليلة فــأنها كانت مريضة (روحي فــداها )
وقد أودعها الإمام الحسين (عليه السلام )عند أم سلمة زوجة النبي (صلى الله عليه وآله )
وكانت فاطمة حائرة حين الوداع فلما نظرت الى أهلها وقد ساروا عنها أخذت تزحف نحو ظعن أهلها
وهي تنادي ابــــه كيف تتركونــي وحدي ؟ ابـــــه خــذوني معكم
وصارت تنشد وتقول
🔺نعي

يبوية حسين وياكم أخذوني
عليكم يا هلي يعمن عيوني
وحدي بهل الوطن لا تخلوني
عليلة والجسم ينظلم بالسم
ناداها الحسين ودمعته تسيل
يابعد أهلي سفرنه دربه اطويل
يبويه أنتي عليلة وجسمج أنحيل
وعلى المثلج يبويه السفر يحرم

رجع الحسين (عليه السلام ) اليها وضمها الى صدره وجعل يقبلها وهي تبكي وتقول له :

أبتاه يا حسين امن العدل أن ترحلوا عني وتتركوني وحيدة فريدة لا مؤنس لوحشتي ولا مسكن لروعتي ...
فجعل ابوها (عليها السلام ) يلاطفها ويسليها وهي لا ترفأ لها عبرة

ثم قال لها : بنية اذا نزلنا أرض العراق وأطمأنت بنا الدار أرسلت لكي عمك العباس (ع) أو أخاكِ علي الاكبر (ع)
يأتون بك والأن أنتِ مريضة فقالت : اذا كان لا بد من ذلك فتركوا عندي أخي عبدالله لأتسلى به بعد فراقكم ساعة بعد ساعة

فقال لها : أنه طفل صغير لا يقدر على فراق أمــه
فنـــــادت ووحدتاه كيف أجلس في منازلكم وأراها خالية منكم ؟
وبعدما ودعـــت عماتها وأخواتها أرجعها الإمام الحسين (عليه السلام ) الى أم سلمة وودعها عندها
حملت العائلة على النوق والعليله تنظر اليهم بقلباً منكسر وهي تنشد والدها وتقول

🔺طور الجفيري ⏰١/٠٩

يابويه محسوبه عليكم
مدري عليه ويش فيكم
وگلوبگم چيفه تهجيكم
باموت يابويه عليكم
ويش فيگ يابويه عليه
زعلان ماتنظر إليه
وانه عليك عيني منعميه
اشعندگ وياه هالبنيه
اتحبك ديصد ليها شويه
مدري عليه بويه ويچ فيگ
بالطلب چان اتخاف أأذيگ
لاتخاف بس بسلم إعليگ
وبحبب إچفوفگ ورجليگ
ادري على المشية ثجيله
وماگدر اسافر مع العيله
لكن ياريت اتشوف حيله
وتاخذ ابخاطرهاهالعليله
ضمها ابوها لعند صدره
وضلت تشم صدره اونحره
وتنهد من افادة ابزفره
گلها وهو تخنگه العبرة
ياعزيزة افادي ياصغرة
عن البال شيليها هالفكرة
وشلون ازعل على الدرة
ازعل اعلى شبيهة الزهرة
لكن يابنتي ياحزينة
لازم تگعدي في المدينه
ماگدر اشوفچ يالحنونه
تعثرين من تمشي الضعينه
مافيچ گوة ويانا تمشين
وعلى المصايب ماتگدرين
ولو جيتي ويانا اچ تشوفين
تموتين يابنتي تموتين
بنشدچ يابنتي اواگرة العين
وانت مريضة وبس تونين
مو گادرة حتى توگفين
يحتمل گلبچ لوتشوفين
محزوز من عندي الوريدين
او عباس ميت بلا ايدين
واگبر علي مگصوص نصين
بس الچ ياسليله. النوماس
تكدرين تشوفيني بلا راس
لوتنظريني امزگ الباس
وعلى النهر. نايم العباس
صاحت بسك يابويه عاد بسگ
ادري انه هناگ مانساگ
وبكربله الضحي بنفسگ
وعلى الشباب ابيح حسگ
في كربله محفور نفسگ
يودون الى الشامات رأسك
يكسرون فيهااهناك ضرسگ

ضلت العليله جالسه عند عتبة الباب وتفگر شتگول العليله
🔺نعي/طور الصافي / (🖥انه جويعدة)
اني جويعدة وحمل ضعنهم
وچني غريبه وماني منهم
ويحملون واني أتفكر الهم

🔺⏰3/00 (جاء اليها ابوها ) اتگله

بويه خذوني وياكم أسرج الخيل
واحط أفراشكم لوچلچل الليل
بوية خذوني وحدي غريبة لاتخلوني
والله عگبكم يا هلي يرحن اعيوني
اعتذر منها الحسين( ع) ✋🏼
وراء الظعن راحن اوظلت تنادي
هلي لاوين ماخذهم ياحادي
تكله ارد اودعهم بدمعات العيون
يردون لو مايردون

جلست وراء الباب ✋🏼
اني لگعد على درب اليمرون
وناشد اليرحون ويجون
بخبار الغاضريه بلچي يدرون

وعندما رحلوا عنها كانت كل يوم تأتي الى دار أبيها الحسين (عليه السلام ) وتجلس خلف الباب علها تسمع شيئاً عن أبيها

وأهلها ولما طال الفراق ولم يصل اليها خبر من أهلها قــــيل أنها كتبت كتاباً ضمنته همومها

وأحزانها وآلام الفراق وكأني بها :

🔺نعي
وين الذي ياخذلي الكتاب
وبيه البواجي وبيه العتاب
للخلو عيوني على الباب
ما علي ودوا شنهي الاسباب
ضليت أحسب ميت حساب
مدري شصار بهلي الغياب

تمت بقلم خادمة اهل البيت عليهم السلام
✍🏻وسيلة السعيدي نسألكم الدعاء🤲🏻