‍ سلام اولسون او کس کی دینینه جانن فدا وئردی
شریعت گولشنی سولموشدو قانیله بقا وئردی

گؤروب الدن گئدیر دین و دیانت قالخیزیب بئیرق
باتیب خاکستره آئیینه ی دینی جلا وئردی

وئریب یئتمیش ایکی قوربان،ائدیب پاینده قورآنی
دئییب یارب قبول ائیله ،بیرین امما جدا وئردی

موبارک اللری اوسته دوتوب قونداقلی قوربانی
سپیب قانین الینده تحفه یاره آشینا وئردی

قیلیب آخیر نامازین قان ایچینده قتلگاهینده
او قانلی اللریله اوممته خیر و دعا وئردی

گلیب سس عرش اعظمدن امامین اوممت اؤلدوردو
قوتاردی دفتر عشقین او شاه مقتدا وئردی

آچیب بند زرین اؤز ساربانی ،بارماغین بَجْدَلْ
کسیب انگشتر اوسته نئیزه بانه باش سورا وئردی

یازیلدی لوح محفوظه حسین دیر اوولین عاشیق
«تدین»چاتدی مقصوده او کی قالو بلا وئردی

تدین

97/6/20

@Zeynab1350