Жаҳон иқтисодиёти ва дипломатия университети кеча каналимда эълон қилган танқидим бўйича Kun.uz сайтига расмий жавоб берибди.
https://kun.uz/89522061Жавобда нима сабабга кўра абитуриентлардан ҳужжатлар қабул қилишнинг охирги куни 5 июль, яъни бугун эканлигига изоҳ беришган. ЖИДУ қабул комиссияси аъзоси берган жавобга кўра, 5 июлгача ҳужжат қабул қилишдан асосий мақсад тестгача ўтказиладиган суҳбатдан йиқилган ва тестга қўйилмаган абитуриентлар бошқа ОТМларга ҳужжат топширишга улгуришлари учун экан.
Яхши, тушундик, биз тахмин қилган жавоб берилибди.
Лекин асосий саволларга жавоб қани?
1. 5 июлгача ҳужжат қабул қилишнинг ҲУҚУҚИЙ АСОСИ қани? Қаерда, қайси ҳужжатда ЖИДУнинг ҳужжатлари 5 июлгача қабул қилинади, деб белгиланган?
2. Тестдан олдинги оғзаки суҳбатнинг тартиби тасдиқландими? Президент қарорида борлигини тушундик, лекин ким олади, қандай олади, абитруентни тестга кириш ҳуқуқидан ким ва қайси асосга кўра маҳрум қилади?
3. Майли, ОҒЗАКИ топшириққа кўра 5 июлгача қабул қилинади дейилган ҳам дейлик (минг афсуски, оғзаки топшириқлар ёзма қарорлардан устун келади баъзан). Лекин нима учун бу ҳақида кенг жамоатчиликкка етказилмади? Қайси ОАВда, қайси сайтда бу ҳақида эълон қилинди? Кунига атиги минг киши кирадиган Университет сайтида эълон бериш билан чекланишдан мақсад нима эди? Ахир бунақанги хабарларни зудликда ҳамма абитуриентларга етказиш керак эмасми? Мана, танқид қилинса, дарров жавоб беришни билишар эканку. Дўппи тор келса, Kun.uz билан ҳам, бошқаси билан боғланишар эканку, нега шуни вақтлироқ қилишмаган?
Нима дейишга ҳам ҳайронман. Кириш имтиҳонларини шаффоф қилиш учун ҳукумат шунча ҳаракат қилиб ётибди, буёқда эса "тизимни тозалаш, сифатли кадр етиштириш" шиори остида ажойиб, ёзилган қарорларга тўғри келмайдиган ишлар қилиняпти.
На бир шаффофлик бор, на бир ҳуқуқий асос бор...
P.S.: Биламан, бу гапларим айримларга ёқмайди. Чунки Дипломатияни ўзида ҳам жуда кўп устозларим ишлашади. Балки улар мендан хафа ҳам бўлишар. Аммо қабул жараёнидаги шунақа ишларни кўрсам, ёзмасдан тура олмайман. Кейин афсуслансам ҳам. Узр.
Каналга уланиш: 👇
https://t.me/joinchat/AAAAAEe1KDC7Hm03UPVooQ
