داسلام بیرغ

ژوند ده ښکلا د زړو تسل داسلام سپین بیرغه
رب دي رپاند کړه پر کابل داسلام سپین بیرغه

تیاري رڼا کړه هم هوا کړه ښه صفا پر مونګه
د ټول جهان زړوته شوې تل د اسلام سپین بیرغه

زړګی مي یې بانړه مي یې الله دی تل کړه اباد
تارسوو به ترمنزل د اسلام سپین بیرغه

د امتونو ستره هیله یې دزړو تسل یې
په تایې ایښې ده منګول د اسلام سپین بیرغه

ورو ورو به درشمه قدم په قدم ستا ترغیږی
ها پردی شوی کړه را خپل د اسلام سپین بیرغه

په بدرنګیو باندې بد لګې ستا سپینې وړانګې
یې د محسن احسان غزل د اسلام سپین بیرغه