#شهادة_الامام_علي-؏

الــﮠــاشــﺭ اζـــﻣــد الــﺯۄار

🖤الســلام علــﮯ يعســۄب الــديــﮠ🖤
ـــــــــــــــــــــــــــــــ
دخلت ام البنين على الامام علي
وكان معها العباس وهي تقول
.......
فتح عيونك علي واترسها شوف
هاي أنه ام البنين اكبالك

ياعلي الايتام بالدنيه تموت
وجانت اتعيش بترافه بجالك

تسهر بكل ليله وتناغي اليتيم
ياهو يسهر واليتامه اطفالك

مدها جفك وامسح دموع الزغار
وهذا عباس وهذوله عيالك

بالك شسولف الك هليله هاي
وياهو بينه النام وحده ابالك

فك عيون خلكك اني هالجيت
اليتامه وياي ودولك هديه

صوغه انه جبتلك دمع الايتام
وجروح المصايب والاذيه

من عدهم يتيم اتبرع براس
نزع راسه وتقدم بين اديه

كلي يم علي لمن تروحين
ذمه ابركبتج يمسح عليه

ترست عيون خلكي من العصر ماي
وكشخت بكل جرح هاي المسيه

انه ام البنين وهذا عباس
لكيته ويه اليتامه اعله الثنيه

حاجاني عليك بصوت مخنوك
يايمه ابوي ايوصي بيه

حط جفوف زينب بين الجفوف
واحنه ادموعنه ايصبن سويه

حسيته الكلام امغلف بنوح
وحسيت انجرح وكت الوصيه

وصاني ويكلي زينب وياك
من ترحون لرض الغاضريه

خلي ايدك عليها من الشمس في
وجيبلها نهر موشرط كطره

فكس عيون الهوه لمن يفوت
خاف ارسوم زينب عينه تقره

زينب هاي امانة الله للكون
وامانة الله يم فاطمه الزهره

وصتني عليها بيوم الوداع
وكالتلي عليها شراح يجره

الله شكد يحبج زينب هواي
والخاطر عيونج خلق حسره

ماوصيك اريد هواي ترتاح
بحيث عيونه من البجي حمره

كون من البواجي تعاشر اليل
واتاني الصباح بكلب جمره

عليك ام البنين يكلي كالساع
من تروح لازم الها تبره
.......
علي الحاج الصبيحاوي




🎤مؤسسة منبريون للالحان رقم 1
@ahmed_alziwar1

🎤مؤسسة منبريون لنشر القصائد 2
@ahmed_alziwar2

🎤مؤسسة منبريون للمقامات3
@ahmed_alziwar3

🎤مؤسسة منبريون للنعي4
@ahmed_alziwar5

https://telegram.me/ahmed_alziwar7