يلماتجيني وخضرتلك يمتة
ألمح زراگ اعيونك الشايلتة

موعدنة مو أيام حاسبلة اعيون
خليني اشوفك لا يخلصن سكتة

يلبيضة،نيتك چنها ريشة عباس
ضگت انتظارك والتعب هم ضگتة

چم دوب اوخْرْ اجروحي وترد اردود
طاري الغياب ابروحي لو هيّستة

عالصبخة عيني لو بچت ترجع طين
دمعي الثگيل المانزل نزلتة

عايشلك واتنفسك .... موش تگول
هو آنه مخلوق اعله مودك انته

لاعافية الضلت بعد لا ظل لون
يلمهدي حتى الفرح هم زاعلتة

امتانيك حد ماصار اسمي امتانات
واباب شفتي الليل يخلص( يمتة)

وابگاع رمشي افرش الطيفك تسبيح
خاف اغفه چذبة ومن صدگ غافلتة

آنة الغريب الضايع الما موجود
ابلياك عمري امطشر ورهمتة

من نشدوا الماعرفوا انت ال بالروح
گلتلهم اليوم اعتذر ماشفتة

علي هادي الخزعلي