لما طلب عنترة ايد عبلة من أبوها، طلب منو عمه مهر لعبلة كيلو بندورة ومتل ما بتعرفوا بالصحراء بندورة مافي.
جاب البلاد ..وشاف العباد.. وسأل الناس الكرام ,حتى وصل أراضي ارفاد
وقالوله مالك غير ارفاد أرض الخير والبندورة.
ولما دخل ارفاد وقف وبسرعة عرف يتصرف واحتراماً للبلدة ترجل عن جواده وقال بيت شعر مفادو:
أنا الذي قطع الصحارى في الليالي
,,,, لا تأخذني لومة لائم ولا أبالي.
جئتك يا ارفاد والشوق يسبقني
.....وفي أرضك ياارفاد سأحط رحالي
وبعد ما استقبلوه أهل ارفاد
قال : يا سادة يا كرام وقالولو اطلب واتمنى طلبك عنا.
قلهم : بدي كيلو بندورة مهر لعبلة مشان سكِّت عمي ومرتو الهبلة.
قالوله منضيفك عنا تلات ليالي وبعدين طلبك مجاب يا غالي. وأول يوم الصبحية جابولوه فطور فتة بسمنه وبعدها شعيبيات ،
وعالغدا لحمة بكرز، والعشا قلوله 4 بيضات بلحمة ودهنة وبعدا هيطلية .
قام أخونا عجبته العيشة الهنية. ونسي الصحراء والبرية وتعلق أبو الفوارس ب ارفاد وكرم أهلها، ونتر قصيدة مطلعا:
يا عبلُه على حبك سامحيني ,,,, ففي ارفاد ضالتي وحنيني
قد كنتُ أخطأت في حبك مرة ,,,, وقد أحببت عليك ارفاد فاعذريني.
وتجوز من فتحية اللي أهلها أشاوس، وهيك خلصت سيرة أبو الفوارس.
وترك عبلة عم تستنى البندورة ، وبلا عبلة وبلا بطيخ،
ونزل بالشعيبيات طاخ وطيخ.
ولما داق الشيش برك ، ارتخت مفاصلو وبأرضه برك😁
#وتوتة #توتة #خلصت #الحتوتة 😂😂😂
@AlaaCRC
