УЗИНГНИ АНГЛА!!!

(дааоми)
Яратган, ўша сиз қарғаётган «ўғри»нинг қўли билан тақдирга битилган навбатдаги синов – вазифани берди. Бу вазифани тўғри ёки нотўғри ҳал қилиш эрки–ихтиёри ўз қўлингизда. Ўзингга эҳтиёт бўл, қўшнингни ўғри тутма, деган мақол бор. Ўғрилик боис ишхонада эҳтиёткор эмаслигингизни англаб етинг. Бесабрлигингизни тушуна олинг. Шу кичкина зарба туфайли бутун умр қилган яхшиликларингизни эсламоқдасиз, демак, қалбингизда миннат, таъма ҳисси мавжуд экан. Мана, кўрдингизми, ўша «ўғри» орқали Оллоҳ сизга қалбингиздаги хатоларни, камчиликларни англатмоқда. Ўғрига раҳмат айтинг, демоқчи эмасман, асло. Кичкина синов орқали сизга янги билим, тажриба бераётган Оллоҳга раҳмат айтинг–да, камчиликларингизни тузатишга киришинг.
Яхшиликларингизни таъма қилманг, эваз кутманг, зеро, уларнинг ажрини кейин оласиз. Эзгулик туфайли сиз ўзгаларга раҳм қилишни ўрганмоқдасиз. Аслида эса «олишдан» кўра «бериш» осонроқ, завқлироқ. Сизни берувчи эмас, олувчи, ўзгалар қўлига қаровчи, муҳтожга айлантирса, нима қилардингиз?! Оллоҳ жонимизни, онгимизни бойитиш учун бошимизга яхши–ёмон кунларни солади.
Сиз эса жонингизни, онгингизни ўнглаш ўрнига унга алам, ғазаб, нолиш, ношукурликни жойладингиз. Ҳар бир синов якунига қараб, навбатдагиси берилади. Сиз шу синовдан гангиб, «2» га бажаряпсиз.
Оллоҳ– буюк устоз, сизни ўзгартиролмаган синовни бошингизга қайтадан солиш қудратига эга.
Ўғрилик воқеаси билан келишиб, тўғрилаш имкониятини қидиринг. Ҳамкасбларингизга мурожаат қилинг. Улар ёрдам беришолмаса, қўлингиздаги тилла билакузукларни гаровга қўйинг.
Қалбингиз азобини шу йўллар орқали тўхтата оласиз.
Кароматхон анча вақт жим турди.
–Ҳаётхон,–деди оғир тин олиб,– гапларингиз тўғри, юпатади,
аммо уларга амал қилиш жуда оғир–да. Бировнинг касрига қизларимнинг сепига аталган билакузуклардан кечишим душвор…
– Астойдил меҳнат, тежамкорлик эвазига билакузукларни қайтариб олиш мумкин, лекин исёнингиз, аламу, нолишлар туфайли ҳаста бўлсангиз, жонингизга нима малҳам бўлади?..
Кароматхон зоҳиран маслаҳатларимни қабул қилгандек эди.
Муҳими, аёл Оллоҳ олдидаги бурчларимиз фақат намоз ўқиш, рўза тутиш эмас, балки, ҳисларимиз, хоҳиш–истакларимиз, фикрларимиз сифатини поклашдан ҳам иборат эканини англаб етди.
Энди у ҳар кунининг бир соатида намоз ўқибгина қолмай, қолган 23 соатини ҳам эзгулик, комиллик учун сарф қилса, ажаб эмас.
Кароматхоннинг қалбида алам эмас – шукур, ғазаб эмас – раҳм, исён эмас – таслим ҳисси пайдо бўлар, дея умид қиламан.
У билан хайрлашар эканман, Яратганга шукур айтаман.
Ҳар бир кун ибратидан илм ва билим топишимга мадад сўрайман.

ҲАЁТХОН ҚУРБОНОВА
(Дилафрўз Умарова кўчирди)

(давоми)
–Азизим, жудаям даҳли бор. Чунки муаммонинг асл сабабини англаб етмай туриб, уни ҳал қилиб бўлмайди. Мен шу сабабни сизга тушунтириб, кўрсатиб бермоқчиман. Балки шунда Яратган ташвишингиз ечимини кўрсатар.
–Сабаби аниқ, ўзимнинг гўллигиму, қуриб кетгур ўғрининг менга яқинлиги.
– Бундай эмас, Кароматхон. Бу–сиз учун синов. Ҳар бир синов эса тақдиримизда битилган. Тақдир аталмиш тушунча – биз яшашимиз шарт бўлган дастур ҳисобланади.Ундаги ҳар бир воқеа–ҳодисалар, бизни тарбиялаш ёки ички ҳолатимиз қандайлигини кўрсатиш ва ўзимизни англашимиз учун берилган.
–Ҳа–а, демак, Оллоҳ менга қилган яхшиликларим нотўғрилигини кўрсатмоқчи эканда–а?–деди беморим норозилик билан.– Ўша ўғрига мукофот берибди–да! Фикрингизга қўшилолмайман. Тақдирнинг бунга нима алоқаси бор?
Аёлнинг ҳаёт, тақдир ҳақидаги саёз билимини Қуръони Карим тўлдира олади.
35–сура, 11–оят: «…Ҳар бир аёлнинг ҳомиладор бўлиши ҳам, кўзи ёриши ҳам шак–шубҳасиз Оллоҳнинг билиши–огоҳлиги билан бўлур».
21–сура, 35–оят: «…Биз сизларни сабр–тоқатларингизни синаш учун ёмонлик билан ҳам, шукур қилишингизни билиш учун яхшилик билан ҳам «алдаб» имтиҳон қилурмиз».
7– сура, 42– оят: «…Биз ҳеч бир жонни тоқатидан ташқари нарсага таклиф қилмаймиз».
57–сура, 23–оят: «…Токи сизлар қўлларингиздан кетган нарсага қайғурмагайсизлар ва Оллоҳ ато этган нарса билан шодланиб, ҳаволаниб кетмагайсизлар».
Оятларни ўқиб бўлгач, китобни беркитаман. Кароматхон эса ҳайратланиб дейди:
–Ие, Ҳаётхон, Қуръонда шунақа насиҳатлар ёзилганми?
–Ҳа. Қуръон –кимлигимиздан, қаерда истиқомат қилишимиздан қатъий назар, ҳақиқий одам бўлиб яшашга ўргатувчи дастуримиздир. Илоҳий китоб – ўзимиз тушунмаган тилда тиловат қилиш, хайр–эҳсон маросимларида ўқиш учунгина эмас, англаш, уқиш ва шу асосда яшашимиз учун берилган. Мен
ҳам араб тилини билмайман. Лекин Оллоҳ изни билан она тилимга таржима қилинганини ўқийман. Мана шу Қуръон сиз билан менга, тақдир туғилмасингиздан аввал ёзилади ва у сизни синаш учун берилади, дея ўргатяпти. Шунга ишонсангиз, демак ташвишингиз сабабини ўзингиздан қидирасиз.

ҚАРЗДОРЛИК ЮКИ

Оллоҳ ҳузуридаги қарзларни унутганингизда, зиммангизга қарздорлик юклатилади.
Тенгқурим Кароматхон ҳузуримга келганда эрта баҳор ойлари эди. Ғоят дид билан кийинган, ўзига оро берган аёлга боқиб, бундай одамларда ташвиш бўлмаса керак, деган хаёлга борасиз. Лекин бу суратгагина берилган алдамчи баҳо, зеро сийрати – қалбида ташвиши, изтироби йўқ инсоннинг ўзи йўқ.
–Ҳаётхон, китобларингизни ўқиб, сизни қидириб келдим, –сўз бошлади аёл ўриндиққа ястаниб ўтиргач,– балки фаришталар орқали Оллоҳдан тиласангиз, ишим ўнгланар. Ёшим элликка қараб кетяпти. Умрим давомида ҳаммага яхшилик қилдим. Укаларимга машиналар, жиянларимга янги урфдаги сара–сара кийимлар олиб бердим. Аёл бошим билан онамни ҳажга жўнатдим. Қўни–қўшни, ёру биродарларга ҳам ҳамиша химмат қилдим. Эрим топармон–тутармон, пулни қаёққа сарф бўлаётгани билан ишлари йўқ.
Қайинсингил,қайиноғаларимга–ку, қилинган яхшиликларнинг саноғи йўқ, савоби тегар, дейман. Лекин, энди чарчадим. Ҳеч банда қилган яхшиликларим қадрига етмади, раҳмат айтмади.
Бошимга иш тушганда, ҳамма ўзини четга тортди.
Давлат корхонасида бухгалтерман, аслида ишга эҳтиёжим йўқ, лекин зерикмаслик учун меҳнат қиламан. Яқинда ишхонамда жамоага тегишли 500.000 сўм пулни ўғирлаб қўйишди. Қани ҳақиқат, дейман. Шунча эҳсон, савоб эвазига топган оқибатим шу бўлдими?! Ҳеч ким бўйнига олмади. Ҳозир озгина қоқилиброқ турибмиз, шунча пулни ўз чўнтагимдан қўйгани маблағ йўқ. Лекин шу пул учун ўзим жавобгарман, чунки сейф менинг номимда, калит ҳам ёнимда турарди. Оллоҳдан ҳам ҳафа бўлиб кетаман, нима гуноҳим учун бу азоб?
Мана, уч кундирки, беҳаловатман, уйқум қочган, юрагим тез ураяпти, ваҳимага тушганман. Бу ҳолатдан чиқиш йўлини қидириб, олдингизга келдим. Кароматхон шундай деб йиғлаб юборди.
Унинг дарди таниш, бир вақтлар мен ҳам шу синовдан ўтганман.
Ачинишим бефойда, Кароматхоннинг қалбан, онгли ўзгаришигина муаммони еча олади.
–Кароматхон, тақдирга ишонасизми?–дея савол бераман.
–Ҳа, нимайди, бу кунингиз тақдирдан демоқчимисиз? Мен бунга ишонмайман. Тақдирда ёмонлик келади, деб ёзмайдику Оллоҳ!
– У ҳолда, айтинг–чи, тақдир ўзи нима?
У бироз хаёлга чўмиб, жавоб берди:
– Тақдир– пешонамга ёзгани. Буни тан оламан. Ҳаётхон, бу гапларни бошимга тушган ташвишга нима дахли бор?

ПРОФКУРС ТАШКИЛ ЭТМАЙСИЗМИ, ДЕБ СУРАШИБДИ. ШУ ХЕЧ ХАЕЛИМГА КЕЛМАГАН ЭКАН.

ЭНДИГИ НАВБАТ ПРОФКУРСГА 😊💖👌🔥👑
КАТНАШАДИГАНЛАР БОРМИ❓
5 ТА КУРСИМГА ХАМ КАТНАШГАНЛАР СЕРТИФИКАТ БЕРГУНЧА ИНОБАТГА ОЛИНАДИ 👍