الخادم مﻻ أبو ماجد الشغانبي:
يابني يل قاسم تعنه... وفني الگوم

الثار يبني حان وكته... يـــمه اليوم

ثار ابوك اتعيده ألي
يابعد روحي اوهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يبني اتحزم عليهم... نار شب الحومه
ثار ابوك اليوم وكته... هسه گرب يـــومه
جبت سيفه يبني بيدي.. اوذني حته هدومه
اليوم اريدك بل حرب.. اشيع يمه علومه

الارض تمليها ملي...
يابعد روحي اوهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اعمامتك خليني اشدهه... بــيدي ياقاسم عليك
هسه اجيبلك امانه...لـحضه تانيني واجيك
من دناله الموت گلي... اوشكثر وصاني بيك
گالي اوليدچ يارمله...اوچف اديه ابديك

يخلي العسكر خلي..
يابعد روحي اوهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
روح للعباس عمك...يشد بيده لامتك
خايفه العدون يمه...الغدر يگرب هامتك
بعـز شبابك يا وليدي... ايحن حضنها الربتك
انته يل خيمه عليه..من الله امك طلبتك

گالي احبيبه بلي...
يابعد روحي وهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيل مستحيه ييمه... منل حسين اوزينب
عدي بس واحدتراني...والگلب ضل يلهب
اتمنه هل عشرين عدي... حته محد يگرب
بس اصيل النزل بيها...بل شجاعه مجرب

اليوم يجليهم جلي...
يابعد روحي اوهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من ظهر فرسان حيدر... والده ايعزب السمه
من تعنه عـله اطلابه... السانه يلهج فاطمه
يروي سيفه ابشرع ربه... المهم عمته سالمه
يفدي روحه اليوم ابني...للحسين او حرمه

گلي يمه ادللي....
يابعد روحي اوهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مثل حيدر روس طشر... مثل فعله اورايه
وبخصومه لعب جوله... اعگال لبسه اوصايه
كاشخ العرسه المدلل.... وجهه چنه مرايه
عاف بت عمه اتأمل.... بل حرب دگ ثايه

گلي ياهو كافلي...
يابعد روحي اوهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر ابو ماجد الشغانبي