قندهاره

د فتحو په درشل کي شوې راپور ته قندهاره
دمه شولې د کران امارت لور ته قندهاره

ستا پاک وجود دې خلاص کړي نور څښتن له وحشتونو
د امن پریشې دي راشي کور ته قندهاره

تا ووهل سرونه د مغرور مغرور سړیو
شاباش ځان دي پرې نه ښودو پیغور ته قندهار

په منډه باندې سر شوله دې واړه دښمنانه
نن تښتې ستا له پاک وجود بل لور ته قندهاره

ته ګوره له هر خوا نه به پاکېږې یو ځل بیا هم
پړ نشوې ته زمونږ ملالي مور ته قندهاره

په ټنډه به دې بیا ځل شي رپاند سپین بیروغونه
هس وخت به دي دشمن را نه شي زور ته قندهاره

محسن احسان دي غیږه کي دمه شوم درزه سره
ډیر تږی وم په مینه ستا وشور ته قندهاره