احمد البغدادي

شعبان هل ابنوره 🌙 والگلوب مسروره
افراح بيت المصطفى هالليله
افراح بيت المصطفى هالليله
🌺🌺🌺🌺🌺🌺🌺🌺🌺🌺🌺
هالليله فرحه امن السمه نزلت علينه
افراح بيت المصطفئ عترة نبينه
شعبان هل وللفرح مدينه ادينه
والفرحه جابتنه وعلئ المحفل اجينه
والفرحه رسمت صوره 🌙والگلوب مسروره
افراح بيت المصطفى هالليله
افراح بيت المصطفى هالليله
🌺🌺🌺🌺🌺🌺🌺🌺🌺🌺🌺
هالليله ميلاد الحسين الدنيه جنه
هنيالنه احنه ابمولدك يابو المحنه
واليوم كل هاي الارض شفناها جنه
ماكو احله من هذا الفرح يابعد اهلنه
يامحله صحنه وسوره 🌙والگلوب مسروره
افراح بيت المصطفى هالليله
افراح بيت المصطفى هالليله
🌺🌺🌺🌺🌺🌺🌺🌺🌺🌺🌺
اليوم مولود الگمر تحله التهاني
طير السعد من الفرح يم بابي اجاني
ولحظرة العباس بجناحه خذاني
وتحققتلي بمولده كل الاماني
واليوم اجينه انزوره 🌙والگلوب مسروره
افراح بيت المصطفى هالليله
افراح بيت المصطفى هالليله
🌺🌺🌺🌺🌺🌺🌺🌺🌺🌺🌺
فرحانه هاي الليله كل هاي البريه
نزلت علينه امن السمه اجمل هديه
زين العباد وينولد هاي المسيه
ومولد الاكبر بالفرح نازل عليه
بلعلم هذا اسطوره 🌙والگلوب مسروره
افراح بيت المصطفى هالليله
افراح بيت المصطفى هالليله
🌺🌺🌺🌺🌺🌺🌺🌺🌺🌺🌺
وبمنتصف شعبان يتحقق حلمنه
مولد الحجه المنتظر عزنه وسندنه
ياربي عجل بالفرج هذا املنه
يايوم ويه المنتظر يلتم شملنه
ويضوي عالمعموره 🌙والگلوب مسروره
افراح بيت المصطفى هالليله
افراح بيت المصطفى هالليله
🌺🌺🌺🌺🌺🌺🌺🌺🌺🌺🌺
📝احمد البغدادي

https://t.me/baggdade

بِشر مريتله وتاب برساله
ومن عند الذنب ذب استقاله
مر بيه لونظره ◾️ابداعت الزهره
ياموسئ بن جعفر
🏴🏴🏴🏴🏴🏴🏴🏴🏴
اذنوبي هاي الليله يم بابك جبتها
لو مااعرفك حاجتي جا ماگلتها
لمن بشر مريتله شگتله بوكتها
موبس بشر حتئ حياتي غيرتها
الك دين برگبتي وانه الك جاي
متعني لحضرتك امشي مشاي
موعدنه بالحضره ◾️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
باوعلي من اخدم ولو نظره عليه
مولاي احلفك بمك الزهره الزجيه
اليوم اجيت ابابك ومديت اديه
بس ترضئ عني والله هاي اكبر هديه
دخيلك واني ترست گلبي الذنوب
جا غير اليحبك لازم ايتوب
رجعني للفطره ◾️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
اشلون اجمع بگلبي الذنب ويه محبتك
مولاي كون الليله تشملني رحمتك
نزلت عيني امن البشر عيني اعله گبتك
من شفتك اهلا للعشگ انه عشگتك
من انه اسمعت حتئ الدمع دين
گلت ادخل عليك ابدمعي لحسين
وبدمعي للسطره ▪️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
مولاي كون بخدمتك تخلص حياتي
ابقه بخدمتك سيدي كل امنياتي
اجمل حلم لو بالمشي وصارت وفاتي
من المهد خادم الك ولحد مماتي
كون انه ابخدمتك اگظي عمري
ماعندي اني غيرك وانته تدري
وبگلبي الك جمره ◾️ابداعت الزهره
ياموسئ بن جعفر
🏴🏴🏴🏴🏴🏴🏴🏴🏴
باب الحوائج انته ياموسئ دخيلك
وحاجاته مگظيه اليجيك ويشتكيلك
والشيعي هاي الليله لمن يعتنيلك
دعواته للمهدي يمولاي اليجيلك
تعجيل الفرج منك نريده
وكون انشاهد الطلعه الرشيده
خل تطلع الگمره ▪️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
📝احمد البغدادي

https://t.me/baggdade

متباركين
❤️❤️❤️❤️❤️❤️❤️❤️❤️
علي ومن اذكر اسمك روحي ترتاح
يمن طرواك يشبه غبشة العيد
احبك حيل احبك من جنت طين
لحد ماتاكل بوجهي التجاعيد
واموت وهم اجيك واندفن كون
ابسد صحنك وناري ابصفك اتهيد
والي موعد وياك بگبري مولاي
واعرفك تحترم كل المواعيد
❤️❤️❤️❤️❤️❤️❤️❤️❤️
📝احمد البغدادي

https://t.me/baggdade

شيعوها زينب وسط العيون
وبهداي لتلجمون المتون
مصيبه ◾️◾️◾️مصيبه
🏴🏴🏴🏴🏴🏴🏴🏴🏴
شيعوها بهداي ◾️ورشو الگبر ماي
دخان يطلع لوگلبها الماي لاحه
جي ميته مرتين ◾️ مره اويه الحسين
ومره اويه طير اعله النهر گصو اجناحه
اشلون عدها اثنين خوان
فارگت زينب وين الحنان
مصيبه ◾️◾️◾️مصيبه
🏴🏴🏴🏴🏴🏴🏴🏴🏴
يالماشي جناز ◾️بتابوت الاعزاز
قرب اذانك عالنعش تسمع بجيها
واسمعها شتگول ◾️تبجي امن الخيول
ويمكن لهسه النار مشتعله بعبيها
لونعش زينب جان بي عين
حتئ النعش يبجي اعله الحسين
مصيبه ◾️◾️◾️ مصيبه
🏴🏴🏴🏴🏴🏴🏴🏴🏴
ها يالتشيعون ◾️لوبس تگدرون
توصلونها لحد كربله وتتوسط اثنين
ماحاجه عنوان ◾️تندل الاخوان
تابوت زينب وحده يندل كربله امنين
ويتلگه زينب كون عباس
واجفوف عنده ويلطم الراس
مصيبه ◾️◾️◾️مصيبه
🏴🏴🏴🏴🏴🏴🏴🏴🏴
خل زينب اتنام ◾️بس مو بالخيام
كون بضريح بكربله ومتروس زوار
وريت اليزورون ◾️يطيحون العيون
تستاهل اليبجيلها بت حامي الجار
الزوار خلهم حيل يبجون
تسوه البواجي لخاطر ام عون
مصيبه ◾️◾️◾️مصيبه
🏴🏴🏴🏴🏴🏴🏴🏴🏴
خلوها ترتاح ◾️منها العمر راح
بين السبي وبين الهجر وافراگ الاعزاز
مشتاگه العيون ◾️رادت يحضرون
وين العزيز بكربله وماعدها جناز
كون بدمعها اترجع حسين
مثل النهر جا صارت العين
مصيبه ◾️◾️◾️مصيبه
🏴🏴🏴🏴🏴🏴🏴🏴🏴
📝احمد البغدادي

https://t.me/baggdade

من الليل زينب جن عليها
🏴🏴🏴🏴🏴🏴🏴🏴
خيم عليها الليل والحال افتر
الجانت اميره امن الصبح تتيسر
عفة محمد تمشي باجر للشام
حرمه وغريبه وبالمشي تتعثر
🏴🏴🏴🏴🏴🏴🏴🏴
من كربله للشام تمشي ابلا روح
ازغر طفل بالبيت عدهم مذبوح
لاياگلبها اشگد تحملت اللام
امن الصبح تبجي وللصبح تبقئ تنوح
🏴🏴🏴🏴🏴🏴🏴🏴
ياليل من تطلع اتهده بممشاك
خليني يم المشرعه اتعنه اهناك
واگعد واطيح اعيوني يم العباس
ياخويه اروحن گتله وانته الله اوياك
🏴🏴🏴🏴🏴🏴🏴🏴
ياليل ضوي عيوني گامت متشوف
واطفال عندي تراجفت من الخوف
ميت گمرنه الجان يضوي اعلئ الناس
اليوم الگمر عالنهر گطعوله اجفوف
🏴🏴🏴🏴🏴🏴🏴🏴
انه الجنت ياليل بين اخواني
واعليه واحدهم يوصي الثاني
افتر الزمان وهسه ماعندي اخوان
ضليت وحدي وتجوي بيه احزاني
🏴🏴🏴🏴🏴🏴🏴🏴
ياليل ماتعرفها بت حيدر هاي
ذوله شرفهم حتئ اصفه امن الماي
بس عوف طاري الماي لتجيبه اهنا
تذكر اخوها المات عطشان هواي
🏴🏴🏴🏴🏴🏴🏴🏴
📝احمد البغدادي

https://t.me/baggdade

اجته الزجيه ◾️بدموع العزيه
فاطمه بسامره
🏴🏴🏴🏴🏴🏴🏴🏴🏴
اجت يم الهادي 🏴 فاطمه امه اتنادي
يبني ذاب افادي 🏴اليوم اجت يم داره
مات ابنها الليله 🏴وقررت تمشيله
اليوم نعشه تشيله 🏴والدمع يتجاره
تگله اجيتك ◾️ييمه اعتنيتك
فاطمه بسامره
🏴🏴🏴🏴🏴🏴🏴🏴🏴
والده ولهفانه 🏴والگلب نيرانه
هيجت احزانه 🏴روحتك يالغالي
اليوم رد امصابي 🏴والحزن دگ بابي
واحد امن احبابي 🏴غاب مثل اهلالي
مصيبه جبيره ◾️المشه اعدال عشيره
فاطمه بسامره
🏴🏴🏴🏴🏴🏴🏴🏴🏴
اليوم امام العتره 🏴ميت بسامره
حضرت امه الزهره🏴يلا اطلعو وياها
تصيح وين الشيعه 🏴تحضر لتشييعه
صحنه لامنبيعه 🏴والله ماعفناها
بنداها سمعنه ◾️واجينه بدمعنه
فاطمه بسامره
🏴🏴🏴🏴🏴🏴🏴🏴🏴
اجت كل احبابه🏴اتجمعت يم بابه
علي الهادي امصابه🏴هيجلها احزانها
نار وسط اگلوبها 🏴شيعت محبوبها
جان ضاوي ادروبها 🏴ضيعت عنوانها
يمولاي دخيلك ◾️صعب حيل رحيلك
فاطمه بسامره
🏴🏴🏴🏴🏴🏴🏴🏴🏴
المهدي هاي الليله 🏴بالفرج ندعيله
نصيح كلنه دخيله 🏴ابجاه جده الهادي
ندعي يابارينه 🏴عجل لمهدينه
يرد سالم لينه 🏴الشيعه كلها اتنادي
يجينه ونشوفه ◾️ونقبل جفوفه
فاطمه بسامره
🏴🏴🏴🏴🏴🏴🏴🏴🏴
📝احمد البغدادي

https://t.me/baggdade