{كلمـه وعشرين سـوا}


جــديـد


كلمـــــــات
شـاعرالشمـوخ
أبـوحكــــــــــــــــيم
محمدعلى ألاســـدي

قلنا لكم كلمه وعشرين سوا
ليش كل من يقتل خـويـه
نعيش سـوا وألا ومتنـاء سـوا
أخـوه في العـين السـويـه

قمتو تحالفتو بحلف الغـوا
وجبتوه لا باب الحـويـه
شبيتو النار لـ الجميع أكتوا
وكانت الصفـعـه قـويـه

من سرح من حربكم ما ظـوا
يهـل الـدقـون الملتـويـه
أحزابكم خانت جميع القوا
وباعت وطنكم و الهـويـه

محاصرين لا زاد ولا عـد دوا
يا مـدعـين الشـورويـه
بانت خيانتكم على مستـوا
وكـل يـوم تظهـر شـويـه

كلمن شرب من دم أخوه أرتوا
من بعد مـا كنا سـويـه
أحـلامكم أتبخـرت فالهـوا
وراح الحماس والمعنويـه

اليوم قلولي أين راح اللـواء
ذي كان يـدورنـا عـويـه
بالمملكه في غرفتين أحتوا
مـاعـد حـدا يسمع دويـه

والحلف نجمه من سمانا هوا
باتت حباله ملتـويـه
لن اليمن من ما غزاه أشتوا
باللّـــه عزيمتنا قـويـه

لا عندنا أيران ولا أم الهـوا
جهـادنـاء فالأولـويـه
نحمي اليمن من شركم والغوا
أخوه على ألاعـدا سـويـه


كلمـــــــات
شـاعرالشمـوخ
أبـوحكــــــــــــــــيم
محمدعلى ألاســـدي
م 21/1/2019
https://telegram.me/bhiik