(اه يادمعة رقيه) نشر قصائد+ تلحين

شمس الشموس🌞:
هلال محرم رقم ٣
————
هل الدمع هل الحزن هل الالم هل هلال
باجر صبح ووييا مشي ووييا دمه وبي اهوال

باجر سبي
وحرگ العبي
باجر محرم

هل الدمع هل الحزن هل الالم هل اهلال
.....
باجر نروح عله الدرب نمشي بمسير وهيبه
نمشي الخدر يعني الخدر مثل الملك ترتيبه
منا فحل منا بطل ووجوه تنگط طيبه
الكل مبتسم الا انه اون وانضر بعين الغيبه

من تحترگ بينه الخيم نفزع نلم بلاطفال
وننضر اقمار عله الثره وعيون مدمعهن سال

يا ال النبي
وحرگ العبي
باجر محرم
هل الدمع هل الحزن هل الالم هل اهلال
....
نفتر مثل فر الرحه خوف ومدامع واحزان
نگصد مصارع كربله برواح ممليه اشجان
اقمار غطتها الترب فوگ الترب ليها اجفان
بنوار من تحت الكفن اشموس فوگ الميدان

جن حومرت منها السمه دم تنزف بعيني تشوف
لكل هالمناضر استعد كل ما يهل ليه تعوف

دمعة صبي
وحرگ العبي
باجر محرم
هل الدمع هل الحزن هل الالم هل اهلال
....
باجر خيم من تشتعل تشعل عبي وياها
تگطر جمر بي نستتر عن النضر نلفاها
لون الحرگ فوگ الجسد مثل العبي غطاها
لا هاشمي يداوي الجرح والعيله الي لماها

وحدي صرت بين الخيم للنار اطفي ويانار
نار العبي لو بالخيم لو نار البكلبي احتار

الكل واجبي
وحرگ العبي
باجر محرم
هل الدمع هل الحزن هل الالم هل اهلال
...
زجر ونياگ بهلتك يهلال اشوفاً بالعين
وانضر جسد فوگ السهم فوگ الطعن بي رمحين
وانضر المحبس ينسلب والخيل داست بحسين
وانضر على الشاطي عمد بالهامه يم الجفين

ذاگ الكمر فوگ النهر والرايه يمه موسد
اي كافلي بعده انسبي فوگ الهزل من ابعد

هل مغربي
وحرگ العبي
باجر محرم
هل الدمع هل الحزن هل الالم هل اهلال
...
ادخل مجالس تنعقد بس للزلم جابوني
انه واطفالي والنسه وسجاد نور عيوني
وراح احجي وصوتي يصد يم الغرب تدروني
انه الجنت لهل الخدر ام الخدر تدعوني

هذا الخبر وي هلتك راح استعد للهزل
يهلال اروح بلا اهل لدروب ما بيها اندل

وي اجنبي
وحرگ العبي
باجر محرم
هل الدمع هل الحزن هل الالم هل اهلال
...
باجر اصد صوب الطشت وانضر عيون اطفالك
انضر رقيه عله النحر خلت جرح تدنالك
جنها تگلك والدي ابرالي من ابرالك
انضر الاذني والدمه اشبه يبويه بحالك

نفس الدمه بس يختلف دم منحرك واذاني
انت بمنيتك وسدك بس اني بويه اذاني

يم سالبي
وحرك العبي
باجر محرم

هل الدمع هل الحزن هل الالم هل اهلال
...
حيدر عيسى البديري

الناشرمحمد الطرفی:
:
🌹 مجموعة ( آآه يادمعة رقية ) الرابط👇🏻👇🏻👇🏻

https://telegram.me/joinchat/BS31ez9hQrBsIVHluG-EPA


🌹قناة آه يادمعة رقية خاصة بنشر القصائد بالاضافة الى الحانكم المباركة رابط القناة 👇🏻👇🏻👇🏻

https://telegram.me/deaa1989


خادمكم واخوكم الاصغر مله ضياء البحراني

لحن طيحت ايدك مو وكتها ((((ياالليالي عالهزل من يسروني
ياالليالي أخوتي شو ما اجوني
ياالليالي ليش بالطف ضيعوني
**************************
ياالليالي على العقيلة انتي شاهد
عمر زينب هاي ما شاهدها واحد
كون يبنون على خطوتها مراقد
مو يچتفوها بحبل ويسبها حاقد
وين أخوتي ابد ما سئلو علينه
وين أخوتي خاف ما يدرون بينه
وين أخوتي مو حبيبتهم نسوني
*************************
آني كافي علية بس فكَد الحبايب
حدبت ظهري يبو اليمه المصايب
ألچم جروجك لذالك ما اعاتب
نبي يعكَوب وعمه چي عنده غايب
وآنتو كلكم رحتويا خوية من ادية
وآنتو كلكم موته بأرض الغاضرية
وآنتوكلكم شلون يوم الفاركَوني
حسين روحي وياك بالطف ما خذتها
كون وياك الحوافر كَطعتها
خوية اجيتك بس رقية ما جبتها
بالخرابة ماتت هناك وعفتها
شرد اكَلك عليك ما بطلت ونها
شرد أكَلك مثلي هم ازركَ متنها
شرد أكَلك ليش يمهم ما خذوني
*************************
أمس چنت ويخوتي الراحو أميرة
وكت يا زينب يسموچ الأسيرة
ياالليالي وجهي كل دمعة اديرة
بلكي يفكَدني ويجي بدر العشيرة
ها نساني موچنت كلشي بحياته
ها نساني أغلى ما عنده خواته
ها نساني أي يكافل سلبوني
*************************
چان تتمنه بحلم تنظر أليه
هسه كلها الناس كَامت تحچي بيه
هاي أخت عباس جابوها سبية
ياالليالي وآني مچتوفة ادية
ما تجيني علي مو وصاك بيه
ما تجيني خوية وينك رد عليه
ما تجيني من الضرب ورمن متوني
**********************
شنهي چا عباس ما هزه حنيني
چنت من ارفع طرف عيني يجيني
بية ما يدري الشمس چوت جبيني
وآنه ارد السوط يا خوية بيميني
هذا حالي من عكَب ذيچ المهابة
هذا حالي تبات زينب بالخرابة
هذا حالي شصا ربية من جفوني
***************************
حيدر حسين الكرعاوي

الناشرمحمد الطرفی:
:
🌹 مجموعة ( آآه يادمعة رقية ) الرابط👇🏻👇🏻👇🏻

https://telegram.me/joinchat/BS31ez9hQrBsIVHluG-EPA


🌹قناة آه يادمعة رقية خاصة بنشر القصائد بالاضافة الى الحانكم المباركة رابط القناة 👇🏻👇🏻👇🏻

https://telegram.me/deaa1989


خادمكم واخوكم الاصغر مله ضياء البحراني

عالسواتر لطمية للشهداء ألشاعر قاسم الساعدي المندلاوي
عالسواتر يا ولِد حامي الحميّة عالسواتر طحتوا بسهام المنيّة
موقف ايرد للطفوف من هووا بين السيوف لكبر وجاسم أخيّه
******
عالسواتر وگع ݘم جاسم والاكـــــبر
موقف الطف بيكم الماضي تكـــــــرر
ݘم شمر صوته على المذبوح كــــبّر
وݘم خولّي ابجثّة المغدور طــــــــبــّر
ݘم عليلة تنتظر ظلّت أبوههݘم عليلة تربي يرجع ليهه اخوهه
كربله ونفس الضروف من هووا بين السيوف لكبر وجاسم أخيّه
*****
عالسواتر طحتو زيّنتوا الســـــــــواتر
اگلادة صرتوا وتحتوي أغلا الجواهر
لولا ودمكم تنتهي كل الشعائــــــــــــر
يعني دمكم صار للأمة سواتـــــــــــــر
هالمواقف بيه نذكر عرس جاسم هالمواقف تعني زفّوه بالصوارم
قصة والمدمع حروف من هووا بين السيوف لكبر وجاسم أخيّه
******
عالسواتر ݘم شباب الفارگ اهلــــــــه
الفرگة نذكرهه نَعَم باللفظة سهلـــــــة
لݘن لو نعرف حدود اشيعني ݘتلـــــه
يِعني حرگة والدة ابنيهه تقبلـــــــــــه
تگلّه يبني روحي لو يرضاهه ربي تگلّه يبني ألك أفديهه يگلبي
سحگت اعليهم صفوف من هووا بين السيوف لكبر وجاسم أخيّه
*****
عالسواتر ݘم وداع ابعَد حبايــــــــــــب
اشگد صعب توديع وبسوح الحرايــــب
ابنظرته الودّع مقاتل ليه يعاتـــــــــــــب
ايگلّه تمشي وآنه اظل بين الكتايــــــب
ايگلّه حيدر من تشوفه أشكيله حالي ايگلّه حيدرگلّه هذا بعدك ما جرالي
يا جرح منهم نروفمن هووا بين السيوف لكبر وجاسم أخيّه
******
عالسواتر خطّوا انواع المآثــــــــــر
هالروايات التدوّنهه البواتـــــــــــــر
قلم صار السيف والورقة المناحــر
نور يسطع منهم ابوسط المقابــــــر
هالروايات مو أبن مخنف رواهه هالروايات شاعت ابدم الرواهه
حان ميعاد القطوف من هووا بين السيوف لكبر وجاسم أخيّه
*****
عالسواتر ݘم جنازة ايشيّعوهـــــــــه
ابݘلمة الوفّيت والله ايودّعوهـــــــــه
اشلون راح ابنيته تستقبل أبوهــــــه
ومن تهيم الروح بيش ايقنّعوهــــــه
امدلله وراح منهه مصدر هالمحنّة امدلله وراحابدمه والدهه اتّحنه
أحنه ݘم منظر من هووا بين السيوف لكبر وجاسم أخيّه
*******
الشاعر قاسم الساعدي المندلاوي



الناشرمحمد الطرفی:
:
🌹 مجموعة ( آآه يادمعة رقية ) الرابط👇🏻👇🏻👇🏻

https://telegram.me/joinchat/BS31ez9hQrBsIVHluG-EPA


🌹قناة آه يادمعة رقية خاصة بنشر القصائد بالاضافة الى الحانكم المباركة رابط القناة 👇🏻👇🏻👇🏻

https://telegram.me/deaa1989


خادمكم واخوكم الاصغر مله ضياء البحراني