Dr Notes

في كتاب( The Top Five Regrets Of Dying)بتحكي بروني ويير عن اكتر الحاجات اللى الناس كانت بتندم عليها وهي علي سرير الموت .
بروني بحكم عملها كممرضه فى احد الHospice ودي حاجه كدا شبه دار المسنين بس مخصصه للعيانين ال end satge واللى متوقع انهم يتوفوا في خلال 6 شهور كان دايما عندها سوال للعيانين دول وهو (ايه اكتر حاجه ندمانين عليها فى حياتكم)
وعلى مدار 10 سنين فى الشغلانه دي لقت ان معظم اجابات العيانين مش بتخرج برا الخمس حاجات اللى جايين دول :

1. I wish I'd had the courage to live a life true to myself, not the life others expected of me.
بروني بتحكي ان دي اكتر اجابه اتقالتلها وان معظم المرضي كانوا شايفين ان دي اكتر حاجه سرقت عمرهم وخليتهم دايما عايشين مقيدين باراء وتوقعات الاخريين عنهم ...لذلك افضل حاجه ممكن تعملها لنفسك انك فعلا تعمل الحاجه اللى انت حاببها بعيدا عن الناس هتقبل او ترفض دا طالما مبتعملش حاجه حرام او تغضب ربنا

2.I wish I hadn't worked so hard.
ودي مش دعوه للكسل بل دعوه للاتزان وانك تفضل دايما فاكر انك بتشتغل عشان تعييش مش بتعييش عشان تشتغل لان دايما كل ما هتسعي اكتر للفلوس هييجي علي حساب وقتك cash rich ....time poor وبالتالي على علاقتك باللى حواليك والناس اللى بتحبهم وعلي اهتمامك بصحتك وبسلامك النفسي ويمكن النبي صلي الله عليه وسلم لخص دا ف حديث (مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا بِحَذَافِيرِهَا ) .

3.I wish I had the courage to express my feelings .💔
روحلها يا سيدي طالما معجب بيها وقولها انك بتحبها ايه اللى هيحصل يعني اهو لو طلع عندها نفس المشاعر ناحيتك يبقا خير وبركه وربنا يتمملكم على خير مكنش كدا يبقا خير برضوا اهو تحافظ على مشاعرك وتوجهها ناحيه حد تاني عنده نفس الشعور ناحيتك يعني فى كلا الحالتين انت الكسبان طبعا دا كله فى اطار الحلال عشان البنت متلطشكش بالقلم على وشك وتقول ميجز اللى قالي عشان عارفك خلبوص ....ودا مش شرط يكون لل potential spouse بس ممكن يكون لوالدك او والدتك او اخواتك او حتي اصحابك وكمان دي حاجه هتاخذ عليها ثواب لان النبي صلي الله عليه وسلم امر بيها
(إذا أحب الرجل أخاه فليخبره.. ، يا معاذ والله إني لأحبك..) .

4.I wish I had stayed in touch with my friends.
فى دراسه اجرتها جامعه هارفرد علي 725 شخص وعلى مدار 80 سنه كانت بتحاول تجاوب فيها عن سوال ايه اكتر حاجه بتخلي البشر سعداء لقت ان العلاقات الانسانيه الصحيه المتمثله فى وجود اصحاب وناس بتحبك حواليك هي العامل المشترك الاكبر في الناس السعيده اللى شملتهم الدراسه ورغم وجود اشخاص حققت انجازات كتير من اللى الدراسه شملتهم الا انهم مكنوش الاكثر سعاده علي عكس المتوقع ....فحافظ علي اصحابك وحاول ت keep in touch معاهم على قد ما تقدر مهما كنت مشغول .

5.I wish that I had let myself be happier.😀
بروني بتحكي ان معظم العيانين للاسف ادركوا في الاخر ان السعاده اختيار وان زي ما هو مهم انك تسعي لحاجات فاكر انها هتحققلك السعاده فى المستقبل فمهم برضوا انك تبقا في مبسوط باللحظه اللى انت فيها ومتاخرش سعادتك علي حاجه ممكن تحصل وممكن متحصلش في المستقبل .....وان السعاده في حد ذاتها هدف زي اي هدف بتسعي انه يكون موجود زي الاكل والشرب فلو السعاده مش موجوده في حياتك بشكل passive فمهم انك توجدها في حياتك وتاخد بالاسباب اللي تخليها موجوده اعمل ليسته بالحاجات اللى بتخليك مبسوط وجدد الليسته دي كل فتره وكل ما تحس انك زعلان اعمل حاجه من اللى موجوده في الليسته دي ومتسيبش نفسك لمود الزعل دا كتيير .

في النهايه انت ممكن تتنتقد الكلام دا وتقول دي ناس رجل برا ورجل جوا ومعندهاش حاجه تخسرها عشان كدا بتتكلم بجراءة وقلب جامد هقولك جايز يكون عندك حق انا بس قلت اعرفك هما كانوا ندمانين على ايه عشان ميجيش يوم وتندم علي نفس الحاجات اللي ندموا عليها و السعيد من اتعظ بغيره و الشقي من اتعظ بنفسـه وصار عبره .

سلااااام😘

شكة الإبرة .. جيت في يوم بتدي حقنة لحد واتشكيت منها أيه اللي ممكن يحصل وتتصرف إزاي .

ببساطة انت دلوقتي خايف من 3 فيروسات :

1- هو فيروس نقص المناعة المكتسبة واللي بيسبب مرض الأيدز HIV
2- هو فيروس الإلتهاب الكبدي الوبائي سي HCV
3- هو فيروس الإلتهاب الكبدي الوبائي بي HBV

بس كل واحد وليه خصائص وليه طريقة في التعامل ومهم بردو تعرف إحتمالية إنتقال كل واحد فيهم من شكة الأبرة عشان تكون مقدر الموضوع صح .

1 - الفيروس المسبب للأيدز نسبة إنتقاله من السرنجة الملوثة = 3. % تلاتة من عشرة في المية يعني لو جبت ألف واحد وشكيتهم بابرة ملوثة بالفيروس المسبب للأيدز 3 منهم بس هيتصابوا و 997 واحد مش هيتصابوا
2 - فيروس سي نسبة إنتقاله من السرنجة الملوثة = 3% تلاتة في المية يعني لو جبت 100 واحد وشكيتهم بسرنجة ملوثة بفيروس سي 3 بس اللي هيتصابوا و97 واحد مش هيتصابوا
3- فيروس بي نسبة إنتقاله من شكة الأبرة 33% يعني لو جبت 3 أشخاص وشكيتهم بأبرة ملوثة بفيروس بي واحد هيصاب واتنين لأ ودي نسبة خطيرة جداا وهي اللي تستاهل التدخل السريع والفوري .

في نفس اللحظة هتعمل أيه ؟
هتغسل مكان الشكة بماء وصابون كويس جداااا

في نفس يوم الشكة هعمل أيه ؟
فيروس بي هو اللي إحتمالية الإصابة بيه أعلى وبتبدأ بسرعة وليه مصل لازم تاخده بعد التعرض للشكة .. المفروض على حسب حالتك المناعية تجاة الفيروس هي اللي هتحدد محتاج تاخد المصل ولا لأ وده بتعرفه بتحليل الأجسام المضادة (( anti Hbs )) اللي بيقول هل انت متطعم ولا لأ أو حتى اصبت بالمرض قبل كدة بس الحمد لله جسمك قاومه وقضى عليه وكون ضده مناعة ولا لأ .. ولكن في النهاية تقدر تاخد التطعيم على طول ومفيش منه أي ضرر سواء كان عندك مناعة سابقة أو لأ بس خد التطعيم في أقرب وقت ممكن ياريت في خلال أول 48 ساعة .

بعد 3 شهور من الشكة هعمل أيه ؟
فيروس نقص المناعة المكتسبة اللي بيسبب الأيدز نسبة إنتقاله نادرة جداا ولكن فخامة إسمه تكفي إننا نتابعه غصب عننا , الجسم بيكون أجسام مضادة ضد هذا الفيروس بعد 3 شهور فأنت هتروح المعمل بعد 3 شهور من الشكة وتعمل تحليل أجسام مضادة ضد الفيروس المسبب للأيدز ولو طلعت سالبة فالحمد لله , طلعت موجبة هتتابع مع الدكتور . الفيروس ده ليه مصل هو كمان بيتاخد بعد التعرض للشكة ولكن ده بيتم بعد فحص للحالة إذا كان في شوية دم دخلوا أو كانت الابرة كبيرة وغاصت جوة أوي ساعتها بيتم تحديد إذا كنت محتاج تاخد المصل ولا لأ وبالتالي إستشارة الطبيب المختص ضرورية .

بعد 6 شهور من الشكة هعمل أيه ؟
فيروس سي إحتمالية الأصابة بيه قليلة من شكة الأبرة لأنه بيحتاج كمية دم كبيرة عشان يسبب الإصابة ولكن إحنا هنكون في الأمان وهنتابعه عشان نعرف إحنا من النسبة القليلة دي ولا لأ كل اللي هتعمله إنك بعد 6 شهور (( ويستحسن بعد 3 شهور ثم 6 شهور )) من الشكة لأن كل ما تكتشفه بدري كان أفضل هتروح تعمل تحليل أجسام مضادة ضد فيروس سي عشان تشوف اتكونت ولا لأ , لو لأ فخلاص الحمد لله انت من ال 97 الناجين لو اتكونت ده معناه إن الفيروس دخل جسمك قبل كدة والمناعة عملت ضده أجسام مضادة بس منعرفش هل دخلت زمان والجسم قضى على الفيروس ولا هل لسة داخلة من 6 شهور ودي بداية المقاومة والفيروس لسة موجود .. عشان نعرف هنعمل تحليل اسمه PCR عشان نعرف من خلاله هل الفيروس بذات نفسه موجود في الدم حاليا ولا لأ .. طب ليه معملش ال PCR على طول ؟ لأنه غالي فيستحسن تعمل الاجسام المضادة الرخيص الاول ولو طلع موجب ده مش دليل على الاصابة , ده دليل على إحتمالية الإصابة وطبعا لو نتيجة ال PCR طلعت سالبة فانت الحمد لله سليم ولو طلعت موجبة فأنت كدة هتحتاج تتابع مع دكتور أمراض كبد .

طب لو حصل والدم جه على ايدي بس من غير اي جروح .. يبقى تغسل ايدك بسرعة عشان ريحة الدم على الايد وحشة =D بس متقلقش مفيش حاجة هتعرف تخش =D

Needle stick injury can transmits HIV HCV HBV
the incidece of infection from needle stick injury with
HIV is .3% HCV 3% HBV 33%

Managment :
wash with watert and soap
you should take PEP for Hep B as soon as possible
do anti-body analysis for HIV after 3 months and for HCV after 6 months.

Newest codes for step1 UWorld discount valid till 26 August:

33BW6-352996-BNZMB-1290
RZJUE-353001-SKQFS-1290
VVGLQ-353017-4Q49D-1290
6TEWT-352983-F9E3R-1290
JXTGV-353009-2KOC0-1290

✅ For more visit >> @drnotes1

Codes for Uworld discount step 1 valid till 25 august :
OPB52-352972-1166E-1290
D02AU-353019-SJMIL-1290
20EUH-352975-NRI6B-1290
D5GZW-352999-Q5B6W-1290
4F3UQ-352976-TN3GL-1290
LOBF4-352988-4SJAG-1290

For more>>> @drnotes1

كلمتين فرط كدا لاخواتي طلبه كليه الطب وخصوصا طلبه الامتياز :
1.حضرتك مطلوب منك تكون دكتور شاطر ( مفاجاه مش كدا 😅)
ودا ليه تلات خطوات من وجهه نظري :
* مذاكره زماله او معادله اجنيه حتي لو مش هتسافر
* حضور مرور الاستاذه الشطار عندك ف الجامعه انا عن
نفسي كنت بحب مرور الدكتور الالفي والدكتور حافظ
في الباطنه والدكتور محسن القيعي والدكتور
أحمد الخطيب واللي فرقوا معايا جدا.. وطبعا
مرور اساتذتي واخواتي الكبار الدكتور محمد عبد الغني
والدكتور Ahmed Al-habbaa واللي حبيت بسببهم
قسم القلب
* معرفه ازاي تتعامل مع اساتذتك وزمايلك والعيانين
و الطلبه بتوعك ودا ليه طرق كتير افضلهم النقطه اللي
فوق... مقدرش انسي الدكتور محسن وهو بيبوس ايد
الدكتور الموجي.... مقدرش انسي الدكتور الالفي وهو
بيوطي يجيب الشبشب للعيان من تحت السرير...
مقدرش انسي الدكتور احمد الهباء وهو بيجبلنا فطار
كلنا يوم المرور بتاعه (سوري يا boss بس الاجيال
الجديده لازم تعرف 😅)
اي تقصير في حاجه من النقط اللي فوق دي هتعمل عندك
ديفيكت هتعرف قيمته بعدين

2.تجنب ال analysis paralysis :
لو وصلت لقناعه بنسبه 70% ف حاجه ارجوك اتحرك و
واعملها سواء قرار مذاكره او سفر او علاقه مهمه عايز
تبداها او علاقه توكسك عايز تنهيها.... الحياه رتمها سريع
اوي ولو فضلت تتحنيك في كل حاجه مش هتعمل حاجه

3. لو لقيت بنت الحلال اللي تعينك ع امر دينك ودنياك
ارجوك متضيعش الفرصه دي من ايدك وسيب اللي ف
ايدك وروحلها عشان دا بقا نادر جداااا 💕

4. النجاح من وجهه نظري هو جمله
(the best version of your self)
ودا مش هيحصل غير لما تكون متوازن في حياتك يعني
لو شاطر ف شغلك ودراستك ومضروب بالجزمه في
جميع المجالات فدا مش نجاح
وعلي راي الدكتور احمد الهباء ان الفكره دايما في تنظيم
الوقت مش قلته وشوف بقا البلوت تويست دا
عن نفسي اكتر فتره حققت فيها نجاحات هي اللي
كنت متوازن فيها بتمرن سباحه وبروح الجيم وقريت
فيها كتب كتير وسمعت بودكاستات جامده زحليقه
ساهمت كتير في تكوين شخصيتي وتتطويرها

5. الاخلاص :
الحياه قصيره اوي وحياه الدكاتره خصوصا لانهم
دايما مشغولين وربنا لما جه اتكلم عن انك تستثمر في
حياتك اتكلم عن حياتك الاخرويه لانها الاخير والابقي
(يقول يا ليتني قدمت لحياتي) ودا ممكن نحققه باننا
نحتسب اي حاجه بنعملها لله ونخلص العمل فيها لوجه
الله وافتكر دايما جمله بكر المزني :
( ما سبقكم أبو بكر بكثره صيام ولا قيام ولكن بشئ ما
وقر في قلبه) وكتير من العلماء بيقول انه الاخلاص.

سلااااام 😘