الحياه غريبة فوق ما أي حد يتصور ..
تلاقي اللي انت كنت هتموت نفسك عشانها بتبيعك .. وتيجي واحده من السما تبقى سبب سعادتك باقى حياتك

تتخانق مع واحد و يبقي صاحب عمرك بعد كدة

تدخل كليه مبتحبهاش .. وربنا يكرمك و تثبت نفسك فيها

تساعد حد أقل منك .. تلاقى حد أكبر منك بيساعدك

تدي لحد حاجة انت كان نفسك فيها .. فتاخد حاجة عمرك ما كنت تتخيل انك هتاخدها

ربنا يأخر رزقك في الخلفة سنين .. بس يبارك في عمرك و تشوف ولاد ولادهم

كل حاجة صعبة بتحصل لسبب .. كل يوم وحش عشته كان لحكمة .. صدق .. صدق انك هتتعوض و ان العوض هيكون معجزة .. معجزة مش علي قد صبرك بس .. لا على قد كرم ربنا كمان